Mukesh Ambani: ₹300ને પાર જશે મુકેશ અંબાણીનો આ શેર ! કંપનીએ ત્રિમાસિક પરિણામો કર્યા જાહેર

Mukesh Ambani: મુકેશ અંબાણીની  આ કંપનીએ તેના ડિસેમ્બર ક્વાર્ટરના પરિણામો જાહેર કર્યા છે. આ ક્વાર્ટરમાં કંપનીનો નફો 295 કરોડ રૂપિયા પર સ્થિર રહ્યો હતો. કંપનીએ ગયા નાણાકીય વર્ષના સમાન ક્વાર્ટરમાં રૂ. 294 કરોડનો નફો કર્યો હતો. ત્રિમાસિક પરિણામોમાં કોઈ મોટા ફેરફારો ન હોવા છતાં નિષ્ણાતો શેરમાં તેજી ધરાવે છે. અનુમાન છે કે ફરી એકવાર આ શેર 300 રૂપિયાના સ્તરને પાર કરશે.  

ડિસેમ્બર ક્વાર્ટરમાં કુલ આવક વધીને રૂ. 449 કરોડ થઈ છે, જે એક વર્ષ અગાઉના સમાન ક્વાર્ટરમાં રૂ. 414 કરોડ હતી. કુલ ખર્ચમાં પણ વાર્ષિક ધોરણે વધારો જોવા મળ્યો હતો. તે એક વર્ષ અગાઉના સમાન ક્વાર્ટરમાં રૂ. 99 કરોડથી વધીને રૂ. 131 કરોડ થયો હતો. ડિસેમ્બરમાં પૂરા થયેલા નવ મહિનામાં કંપનીનો ચોખ્ખો નફો નજીવો સુધરી રૂ. 1,296 કરોડ થયો છે, જે અગાઉના વર્ષના સમાન ગાળામાં રૂ. 1,294 કરોડ હતો.  

જીઓ ફાયનાન્સિયલ સર્વિસિસ(Jio Financial Services Limited)ના શેરની વાત કરીએ તો ગયા શુક્રવારે તે 0.70%ના વધારા સાથે રૂ. 278.75 પર બંધ થયો હતો. ટ્રેડિંગ દરમિયાન શેર રૂ. 275.70ની નીચી સપાટીએ પહોંચ્યો હતો.

 એપ્રિલ 2024માં શેર રૂ. 394.70ના સર્વકાલીન ઉચ્ચ સ્તરે પહોંચ્યો હતો. આ શેરની 52 સપ્તાહની ઊંચી સપાટી છે.

KR ચોક્સી ફિનસર્વે Jio ફાઇનાન્શિયલ સર્વિસિસના શેર માટે 345 રૂપિયાનો લક્ષ્યાંક રાખ્યો છે. આ સ્ટોકને 'હોલ્ડ' રેટિંગ આપવામાં આવ્યું છે. બ્રોકરેજે જણાવ્યું હતું કે તેના કવરેજ હેઠળ કંપની માટે એસેટ ગુણવત્તા ચિંતાનો વિષય છે.  

JM ફાઇનાન્શિયલના રિપોર્ટ અનુસાર, Jio Financial Services Nifty50 ઇન્ડેક્સમાં એન્ટ્રી લઈ શકે છે. આ ફેરફારની જાહેરાત ફેબ્રુઆરી 2025માં થવા જઈ રહી છે, જે 31 માર્ચ, 2025થી લાગુ થશે. જો નિફ્ટી 50માં Jio ફાઇનાન્શિયલ સર્વિસિસનો સમાવેશ કરવામાં આવે તો જંગી રોકાણની શક્યતા છે. એવો અંદાજ છે કે Jio ફાઇનાન્શિયલ સર્વિસિસને $356 મિલિયનનું રોકાણ મળી શકે છે. તમને જણાવી દઈએ કે Jio Financial સિવાય Zomato પણ નિફ્ટી 50માં સામેલ થવાની આશા છે.

(Disclaimer: અહીં ફક્ત શેરના પરફોર્મન્સની જાણકારી આપવામાં આવી છે. આ રોકાણની સલાહ નથી. શેર બજારમાં રોકાણ જોખમને આધીન છે અને રોકાણ પહેલા તમારા એડવાઈઝરની સલાહ ચોક્કસપણે લેવી)