STUDY: કામ કરતી મહિલાઓમાં 79% ઓછો આત્મવિશ્વાસ, ઓફિસામાં રાખો આ રીતે પોતાની જાતને કોન્ફિડન્ટ

'માય કોન્ફિડન્સ મેટર્સ' નામની સંસ્થા દ્વારા કરવામાં આવેલા અભ્યાસ અનુસાર, પુરૂષો કરતાં વધુ સારું પ્રદર્શન કરવા છતાં મહિલાઓમાં આત્મવિશ્વાસનો અભાવ છે. તે જ સમયે, સ્ત્રીઓ પણ સમાન રીતે પ્રદર્શન કરતા પુરૂષો કરતાં તેમના પ્રદર્શનને ઓછું રેટિંગ આપે છે. 'ધ સન'ના એક રિપોર્ટ અનુસાર, પુરૂષોની સરખામણીમાં 79% મહિલાઓને તેમની કારકિર્દીમાં આત્મવિશ્વાસનો અભાવ છે.  

પાવર પોઝ અપનાવો
જ્યારે તમે કોઈ પ્રેઝન્ટેશન આપી રહ્યા હોવ અથવા કોઈ સહકર્મી સાથે કામ વિશે વાત કરી રહ્યા હોવ, ત્યારે તે સમયે આત્મવિશ્વાસ લાવવા માટે પાવર પોઝનો ઉપયોગ કરો. ક્લિનિકલ સાયકોલોજિસ્ટ ડૉ. ફેલિસિટી બેકરના જણાવ્યા અનુસાર, પાવર પોઝિંગમાં મજબૂત સીધી મુદ્રામાં ઊભા રહેવું, પગને સહેજ દૂર રાખવા અને હાથ ખુલ્લા રાખવાનો સમાવેશ થાય છે. આ સ્થિતિમાં ઊભા રહેવાથી લોહીમાં ટેસ્ટોસ્ટેરોનનું સ્તર વધે છે, જે આત્મવિશ્વાસ આપે છે.   

ઓછા પ્રશ્નો પૂછો
વર્તણૂક મનોવિજ્ઞાન નિષ્ણાત જસ્ટિન ગેસપારોવિકના જણાવ્યા અનુસાર, મીટિંગમાં સતત પ્રશ્નો પૂછવાનું ટાળો. નિર્ણય લેનારાઓ સાથે સહકર્મ તરીકે વાત કરો, અંતિમ પ્રાધિકારી તરીકે નહીં. તે જ સમયે, તમારા સતત પ્રશ્નો પૂછવાથી અન્ય વ્યક્તિને અસહજ પણ લાગી શકે છે. તેમજ લોકો પર તમારા વ્યક્તિત્વનો યોગ્ય પ્રભાવ પડશે નહીં. 

જરૂર હોય એટલું જ બોલો
ચાર્ટર્ડ સાયકોલોજિસ્ટ ડૉ. જો પર્કિન્સના મતે, મીટિંગ દરમિયાન ત્યારે જ બોલો જ્યારે તમારી પાસે ખરેખર કંઈક મહત્વનું બોલવા લાયક કહેવાનું હોય. કંઈપણ બોલતા પહેલા થોડીવાર રાહ જુઓ અને વિચારીને બોલો જેથી તમને સારો પ્રતિસાદ મળી શકે. તેમજ મીટિંગ દરમિયાન પણ લોકોને તમને સાંભળવામાં રસ દાખલ કરશે. 

યોગ્ય કપડાં પહેરો
કપડાએ તમારી પર્સનાલીટીને દર્શાવતી એક અગત્યની વસ્તુ છે. મોટાભાગે કાર્યસ્થળે તમને લોકો તમારા કપડાં પરથી જજ્ કરતા હોય છે, તો હંમેશા એવા કપડાં પહેરો જેનાથી તમને આત્મવિશ્વાસનો અનુભવ થાય. ડૉ. પર્કિન્સના મતે લાલ રંગ આત્મવિશ્વાસ, શક્તિ અને જુસ્સા સાથે સંકળાયેલો છે. તે જ સમયે, ગ્રે અને બ્લેન્ક કલર પણ આત્મવિશ્વાસ બતાવવામાં મદદ કરે છે.   

Disclaimer: અહીં આપેલી જાણકારી ઘરેલુ નુસ્ખા અને સામાન્ય જાણકારીઓ પર આધારિત છે. તેને અપનાવતા પહેલા નિષ્ણાંતની સલાહ જરૂર લેવી. ZEE 24 કલાક તેની પુષ્ટિ કરતું નથી.