સફેદ અને ગુલાબી જામફળ વચ્ચે હોય છે શું તફાવત? જાણો જામફળ સાથે જોડાયેલી જબરદસ્ત વિગતો

નવી દિલ્લીઃ શિયાળામાં જામફળનું સેવન કાળા મીઠા સાથે કરવામાં આવે છે. તે માત્ર સ્વાદમાં જ સારું નથી પરંતુ તેની અંદર મળતા પોષક તત્ત્વો અત્યંત ઉપયોગી સાબિત થઈ શકે છે. જામફળના પોષક તત્વોની વાત કરીએ તો તેમાં એનર્જી, ફેટ, પ્રોટીન, વિટામિન એ, વિટામિન સી, વિટામિન ઇ, વિટામિન કે, વિટામિન બી સિક્સ, કેલ્શિયમ, આયર્ન, મેગ્નેશિયમ, ફોસ્ફરસ, પોટેશિયમ, સોડિયમ, ઝિંક, કોપર જેવા પોષક તત્વો મળી આવે છે. જે જામફળને વધુ શક્તિશાળી બનાવે છે. આવી સ્થિતિમાં જામફળ સાથે જોડાયેલા કેટલાક પ્રશ્નો લોકોના મનમાં વારંવાર આવે છે. ન્યુટ્રિશનિસ્ટ અને વેલનેસ એક્સપર્ટ વરુણ કાત્યાલ પાસેથી તેના જવાબો જાણો...

1 – ગુલાબી અને સફેદ જામફળમાં શું તફાવત છે?

સફેદ જામફળ અને ગુલાબી જામફળની અંદર મળતા પોષક તત્વો સમાન હોય છે. પણ હા, આ બંનેના રંગ અને સ્વાદમાં ફરક છે. કેટલીક જગ્યાએ ગુલાબી જામફળ જોવા મળે છે તો કેટલીક જગ્યાએ સફેદ જામફળ જોવા મળે છે.

2 – જામફળ ખાધા પછી પાણી પીવું જોઈએ કે નહીં?

જામફળનું સેવન કર્યા પછી પાણી ન પીવું જોઈએ. નહિંતર, વ્યક્તિને ગળા સંબંધિત સમસ્યા અથવા શરદીની સમસ્યાનો સામનો કરવો પડી શકે છે.

3- જામફળનું સેવન કેટલી માત્રામાં કરવું જોઈએ?

જામફળનો વપરાશ તેના કદ પર આધાર રાખે છે. તમે દિવસમાં બે થી ત્રણ મધ્યમ કદના જામફળ ખાઈ શકો છો. પરંતુ તે પહેલા ડાયટિશિયનની સલાહ લેવી જરૂરી છે.

4 - જામફળનું સેવન ક્યારે કરવું?

નાસ્તો, લંચ અને ડિનર વચ્ચે વ્યક્તિ જામફળનું સેવન કરી શકે છે, તેનાથી સ્વાસ્થ્યને કોઈ નુકસાન નથી થઈ શકતું. જો કે સવારના તડકામાં જામફળને કાળા મીઠા સાથે ખાવામાં આવે તો તે સ્વાદ અને સ્વાસ્થ્ય બંને માટે સારું રહે છે.