Canada PR Visa: ગુજરાતીઓ...કેનેડામાં સેટ થવાની છે ઈચ્છા? ફટાફટ ચેક કરો વિઝા મેળવવાની આ 'ઝડપી' પ્રોસેસ

Canada Immigration: તમે કેનેડા વિશે ઘણું સાંભળ્યું હશે. મોટાભાગના ભારતીયો કેનેડામાં કામ કરવા માંગે છે. એટલું જ નહીં પણ તેઓ ત્યાં સ્થાયી થવા પણ ઈચ્છે છે. પરંતુ કેનેડામાં સ્થાયી થવું એટલું સરળ નથી. આ માટે પરમેનન્ટ રેસીડેન્સી વિઝા જરૂરી છે. જોકે રેસિડેન્સી વિઝા ત્યાં શિફ્ટ થવાનો અથવા ત્યાં સ્થાયી થવાનો પુરાવો છે. તેમાં વ્યક્તિ વિશેની તમામ માહિતી હોય છે. Compare The Market ને  કેનેડાને રહેવા માટે વિશ્વનું શ્રેષ્ઠ સ્થળ જાહેર કર્યું છે.

જો તમે કેનેડામાં કાયમી ધોરણે સ્થાયી થવાનું વિચારી રહ્યા હોવ, તો તમારે પરમેનન્ટ રેસીડેન્સી વિઝાની જરૂર પડશે. તમને જણાવી દઈએ કે છેલ્લા કેટલાક વર્ષોમાં કેનેડામાં આ માટે અરજીઓની સંખ્યામાં ઉછાળો આવ્યો છે. આ એટલા માટે છે કારણ કે અહીં માત્ર શિક્ષણ જ સારું નથી, પરંતુ તે મજબૂત અર્થતંત્ર સાથે વિશ્વનો સૌથી સુરક્ષિત દેશ પણ છે. જો તમે પણ કેનેડામાં સ્થાયી થવાનું વિચારી રહ્યા છો, તો તમારે પરમેનન્ટ રેસીડેન્સી વિઝા કેવી રીતે મેળવવું તે વિશે જાણવું જ જોઇએ.

કેનેડિયન વિઝા મેળવવા માટે 'એક્સપ્રેસ એન્ટ્રી સિસ્ટમ' એ એક શ્રેષ્ઠ અને ઝડપી પ્રોગ્રામ છે. તેની શરૂઆત 2015માં થઈ હતી. કેનેડા જવાની યોજના ધરાવતા લોકો આ પ્રોગ્રામ માટે અરજી કરી શકે છે. આ સિસ્ટમ વિશે એક મોટી વાત એ છે કે અન્ય દેશોના લોકોએ તેના માટે અરજી કરવા માટે કોઈ નોકરીની દરખાસ્ત આપવાની જરૂર નથી. શિક્ષણ, ઉંમર અને કામના અનુભવના આધારે સ્કોરિંગ સિસ્ટમ બનાવવામાં આવી છે. તમને જણાવી દઇએ કે કેનેડા સરકાર પરમેનન્ટ રેસીડેન્સી વિઝા માટે હાઇ સ્કોર ધરાવતા અરજદારોને જ પસંદ કરે છે.

પ્રોવિંશિયલ નોમિની પ્રોગ્રામ -
આ પ્રોગ્રામ તે બધા અનુભવી લોકો માટે એક શ્રેષ્ઠ વિકલ્પ છે જેઓ આ દેશમાં કાયમી ધોરણે શિફ્ટ થવા માંગે છે. જો વિદેશી અરજદારની નોકરી કામની તકોની ડિમાંડિંગ લિસ્ટમાં આવે છે, તો તેની અરજીને આ પ્રોગ્રામ હેઠળ ઉચ્ચ પ્રાથમિકતા આપવામાં આવે છે.

ફેમિલી ક્લાસ સ્પોન્સરશિપ પ્રોગ્રામ -
આ પ્રોગ્રામ ખાસ એવા લોકો માટે તૈયાર કરવામાં આવ્યો છે જેમના પરિવારના સભ્યો પહેલેથી જ પરમેનન્ટ રેસીડેન્સી તરીકે કેનેડામાં રહે છે. ફક્ત ધ્યાનમાં રાખો કે કાયમી રહેવાસીઓની ઉંમર 18 વર્ષથી વધુ હોવી જોઈએ. તેઓ ફક્ત માતાપિતા, દાદા દાદી, જીવનસાથી, આશ્રિત બાળકોને કાયમી નિવાસી વિઝા મેળવવામાં મદદ કરી શકે છે. જ્યારે ભાઈ-બહેન, ભત્રીજા, ભત્રીજી, પૌત્રી અને પૌત્ર માટે કેટલાક ખાસ નિયમો બનાવવામાં આવ્યા છે. આ માટે અલગ કેટેગરી છે. જો તેમાંથી કોઈ અનાથ, અપરિણીત અથવા 18 વર્ષથી ઓછી ઉંમરના હોય, તો તેઓ તેમને કાયમી નિવાસી વિઝા મેળવવામાં મદદ કરી શકે છે.

કાયમી વિઝા કે નાગરિકતા માટે આ બાબતોનું પણ રાખો ધ્યાન, નાગરિકતા માટેની પહેલી શરત
કેનેડાની નાગરિકતા માટે પહેલી શરત તો એ છે કે તમે છેલ્લા 5 વર્ષમાં કેનેડામાં ઓછામાં ઓછા 1095 દિવસ વિતાવ્યા હોવા જોઈએ. જો આ શરત પૂરી કરો તો તમે નાગરિકતા માટે અરજી કરી શકો છો. પરંતુ તેમાં પણ એક પણ પેચ છે. છેલ્લા 5 વર્ષમાં વિતાવેલા જે દિવસોની વાત અહીં થઈ રહી છે તે તમામ દિવસો એક બરાબર નથી. એટલે કે એવું નથી કે તમે આંગળી પર ગણી લીધા અને 1095 દિવસનો હિસાબ થઈ ગયો તો તમે નાગરિકતા માટે અરજી કરી શકશો. આવું જરાય નથી. 

ઈમીગ્રેશનમાં એ જ દિવસો ગણવામાં આવશે જે દિવસોમાં તમે કેનેડામાં ફીઝીકલી ઉપસ્થિત હોવ. એટલે કે તમે કેનેડામાં ફિઝિકલી જેટલા દિવસ રહેશો (તમારી ત્યાં જ હાજરી હોવી જોઈએ) નાગરિકતા માટે એટલા જ દિવસો ગણવામાં આવશે. 

બીજી શરત
ત્યારબાદ શરત એ છે કે કેનેડામાં ફિઝિકલી હાજરી નોંધાવવા માટે તમારે ઓછામાં ઓછા બે વર્ષ સુધી સ્થાયી રહીશ તરીકે ત્યાં રહેવું પડશે. જો એક વર્ષના 365 દિવસ તમે કેનેડામાં અસ્થાયી રીતે વસવાટ કર્યો હોય તો તેને એક હાફ ડે એટલે કે અડધો  દિવસ ગણવામાં આવશે. આ પ્રકારે તમારે 365 દિવસ દિવસ ગણતરી કરવા માટે 2 વર્ષ રહેવું પડશે. કારણ કે બે અડધા દિવસ મળીને એક દિવસ થશે. આ આધાર પર તમારો સ્થાયી વસવાટ નક્કી થશે. 

નાગરિકતા માટે આ રીતે કરો અરજી
આ અંગે તમારી પાસે વિસ્તૃત જાણકારી હોવી જરૂરી છે. આ માટે તમે 'ઈમીગ્રેશન, રેફ્યૂજી એન્ડ સિટિઝનશીપ કેનેડા' (IRCC) ની વેબસાઈટ જોઈ શકો છો. સિટિઝનશીપનું કામ સરળ બને અને નાગરિકતા લીધા બાદ કોઈ મામલો ન ફસાય તે માટે IRCC કેટલીક ખાસ સલાહ આપે છે. વેબસાઈટ  કહે છે કે કેનેડાની નાગરિકતા માટે અરજી કરતા પહેલા એ જરૂર નક્કી કરી લો કે તમે ત્યાં 1095 દિવસ સુધી ફિઝિકલી હાજર હોવ. આ ઉપરાંત કેટલીક અન્ય શરતો પણ છે જે નાગરિકતા  પૂરી કરવા માટે જરૂરી હોય છે. 

ત્રણ વર્ષનો ટેક્સ ભરવો જરૂરી
નાગરિકતા ત્યારે જ મળશે જ્યારે તમારા વિરુદ્ધ કોઈ અપરાધિક કેસ નોંધાયેલો ન હોય. તમારે કેનેડાના નાગરિક ફરજોની જાણકારી રાખવી પડશે. આ સાથે જ કેનેડાની ભૂગોળ, રાજકીય માહિતી અને ઈતિહાસની જાણકારી રાખવી જોઈએ. તેનાથી નાગરિકતા મેળવવામાં સરળ રહેશે. કેનેડાના સમાજમાં સારી રીતે ભળી જવા માટે અને સુલભ વસવાટ માટે કાં તો અંગ્રેજી અથવા તો ફ્રેન્ચ ભાષા આવડતી હોવી જોઈએ. જો તમારી ઉંમર 18 થી 54 વર્ષની વચ્ચે હોય તો તમારે ભાષાકીય જ્ઞાનના કોઈ દસ્તાવેજો જમા કરાવવાના રહેશે. નાગરિકતા લેતા પહેલા તમે કેનેડામાં 5 વર્ષ વિતાવ્યા હોય, તેમાંથી 3 વર્ષ સુધી તમે ટેક્સ ભર્યો હોય તે પણ જરૂરી છે. 

કેનેડા મુલાકાત માટે સ્થળો
નાયગ્રા ધોધ, ક્વિબેક સિટી, ટોફિનો, ચર્ચિલ, ઓલ્ડ મોન્ટ્રીયલ, સ્ટેનલી પાર્ક, ઓકાનાગન વેલી, યોહો નેશનલ પાર્ક, લેક લુઈસ, ધ યુકોન, ગારીબાલ્ડી લેક મુલાકાત લેવા માટેના કેટલાક શ્રેષ્ઠ સ્થળો છે.