President Ram Nath Kovind LIVE: સ્વતંત્રતા દિવસની પૂર્વ સંધ્યા પર રાષ્ટ્રપતિએ કહ્યું- જમ્મુ કાશ્મીરમાં દેખાય છે નવ-જાગરણ

નવી દિલ્હી: 75 માં સ્વતંત્રતા દિવસની (Independence Day) પૂર્વ સંધ્યાએ રાષ્ટ્રપતિ રામનાથ કોવિંદ (Ramnath Kovind) દેશને સંબોધિત કરી રહ્યા છે. તે દરમિયાન તેમણે કહ્યું કે, આપણે આઝાદીનો અમૃત મહોત્સવ ઉજવી રહ્યા છીએ. આ પરાધીનતાથી મુક્તીનો તહેવાર છે. આ 75 વર્ષમાં દેશ ઘણો આગળ આવ્યો છે. આજે દીકરીઓની સફળતામાં ભારતની એક ઝલક દેખાય છે. દીકરીઓએ ઓલિમ્પિકમાં શાનદાર પ્રદર્શન કરીને ભારતનું નામ રોશન કર્યું છે.

અમર સેનાનીઓને કર્યું નમન
રાષ્ટ્રપતિએ કહ્યું, 'અનેક પેઢીઓના જાણીતા અને અજાણ્યા સ્વતંત્રતા સેનાનીઓના સંઘર્ષથી આપણી આઝાદીનું સ્વપ્ન સાકાર થયું હતું. તે તમામના ત્યાગ તેમજ બલિદાનના અનોખા દાખલા રજૂ કર્યા. હું તે તમામ અમર સેનાનીઓની પવિત્ર સ્મૃતિઓને નમન કરું છું. તાજેતરમાં સમાપ્ત થયેલી ટોક્યો ઓલિમ્પિકમાં આપણા ખેલાડીઓએ તેમના શાનદાર પ્રદર્શનથી દેશનું ગૌરવ વધાર્યું છે. હું દરેક માતાપિતાને વિનંતી કરું છું કે, તેઓ આશાસ્પદ પુત્રીઓના પરિવારો પાસેથી શિક્ષા લે અને તેમની દીકરીઓને પણ આગળ વધવાની તક પૂરી પાડે.

देश-विदेश में रहने वाले सभी भारतीयों को स्वाधीनता दिवस की हार्दिक शुभकामनाएं! यह दिन हम सभी के लिए अत्यंत हर्ष और उल्लास का दिन है। इस वर्ष के स्वाधीनता दिवस का विशेष महत्व है क्योंकि इसी वर्ष से हम सब अपनी आजादी की 75वीं वर्षगांठ के उपलक्ष में आज़ादी का अमृत महोत्सव मना रहे हैं। pic.twitter.com/hykK55SWUB

— President of India (@rashtrapatibhvn) August 14, 2021

'કોરોનાનો પ્રભાવ ઓછો થયો નથી'
કોરોના મહામારી પર રાષ્ટ્રપતિએ વધુમાં કહ્યું કે, 'મહામારીની તીવ્રતા ઘટી છે. પરંતુ કોરોના વાયરસની અસર હજુ ઓછી થઈ નથી. તમામ જોખમો લઈને આપણા ડોકટરો, નર્સો, આરોગ્ય કર્મચારીઓ, વહીવટકર્તાઓ અને અન્ય કોરોના યોદ્ધાઓના પ્રયત્નોથી કોરોનાની બીજી લહેર પર કાબુ મેળવવામાં આવ્યો છે.

વેક્સીન છે સૌથી મજબૂત કવચ
હું તમામ દેશવાસીઓને વિનંતી કરું છું કે પ્રોટોકોલ મુજબ વહેલી તકે રસી લે અને અન્ય લોકોને પણ પ્રેરિત કરે. રસી આ સમયે આપણા બધા માટે વિજ્ઞાન દ્વારા પૂરી પાડવામાં આવતી શ્રેષ્ઠ સુરક્ષા છે. હું તમામ દેશવાસીઓને વિનંતી કરું છું કે પ્રોટોકોલ મુજબ વહેલી તકે રસી લે. આ તથ્ય સંતોષજનક છે કે, તબીબી સુવિધાઓના વિસ્તરણ માટે એક વર્ષના સમયગાળામાં 23,220 કરોડ રૂપિયા ખર્ચવામાં આવી રહ્યા છે.

'ગામ અને શહેર વચ્ચેનું અંતર ઘટ્યું'
તેમણે કહ્યું, 'હું ખુશ છું કે તમામ અવરોધો હોવા છતાં, ગ્રામીણ વિસ્તારોમાં ખાસ કરીને કૃષિમાં વિકાસ ચાલુ રહ્યો છે. જ્યારે ઇઝ ઓફ ડુઇંગ બિઝનેસની (Ease of Doing Business) રેન્કિંગમાં સુધારો થાય છે, ત્યારે તેની સકારાત્મક અસર દેશવાસીઓના ઇઝ ઓફ લિવિંગ (Ease of Living) પર પડે છે. કૃષિ માર્કેટિંગમાં કરવામાં આવેલા ઘણા સુધારાઓ સાથે, અમારા અન્નદાતા ખેડૂતો વધુ સશક્ત બનશે અને તેમને તેમના ઉત્પાદનો માટે વધુ સારા ભાવ મળશે. હવે ગામ અને શહેરો વચ્ચેનું અંતર ઘટવા લાગ્યું છે.

J&K માં દેખાય છે નવ-જાગરણ
આ જ ક્રમમાં બોલતા રાષ્ટ્રપતિ કોવિંદે કહ્યું કે, 'હું જમ્મુ-કાશ્મીરના રહેવાસીઓ, ખાસ કરીને યુવાનોને આ તકનો લાભ લેવા અને લોકશાહી સંસ્થાઓ દ્વારા તેમની આકાંક્ષાઓને સાકાર કરવા માટે સક્રિય થવા વિનંતી કરું છું. હવે જમ્મુ-કાશ્મીરમાં એક નવ-જાગરણ દેખાય છે. સરકારે લોકશાહી અને કાયદાના શાસનમાં માનતા તમામ હિસ્સેદારો સાથે પરામર્શની પ્રક્રિયા શરૂ કરી છે.

સંસદ આપણી લોકશાહીનું મંદિર
આપણી લોકશાહી સંસદીય પદ્ધતિ પર આધારિત છે, તેથી સંસદ આપણી લોકશાહીનું મંદિર છે. આઝાદીની 75 મી વર્ષગાંઠ નિમિત્તે આ નવા મકાનનું ઉદ્ઘાટન વિશ્વની સૌથી મોટી લોકશાહીની વિકાસયાત્રામાં ઐતિહાસિક પ્રારંભિક બિંદુ તરીકે ગણવામાં આવશે. તે તમામ દેશવાસીઓ માટે ખૂબ જ ગૌરવની વાત છે કે આપણા લોકશાહીનું આ મંદિર નજીકના ભવિષ્યમાં નવા ભવનમાં સ્થાપિત થવા જઈ રહ્યું છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube