સુષમા સ્વરાજ એક અદભૂત વ્યક્તિ હતા : PM મોદીએ આપી શબ્દાંજલિ
પૂર્વ વિદેશ મંત્રી અને ભારતીય જનતા પાર્ટીના વરિષ્ઠ નેતા સુષમા સ્વરાજ એક અદભૂત વ્યક્તિ હતા, તેઓ પાસેથી હું સતત શીખતો આવ્યો છું. વડાપ્રધાન નરેન્દ્ર મોદીએ હ્રદયસ્પર્શી શબ્દો સાથે સુષમા સ્વરાજને શબ્દાંજલિ અર્પિત કરી હતી. સુષમા સ્વરાજની પ્રાર્થના સભામાં પીએમ મોદી સહિત અનેક વરિષ્ઠ નેતાઓ ઉપસ્થિત રહ્યા હતા. આ પ્રસંગે સ્વ. સુષમા સ્વરાજના પુત્રીએ ગદગદિત થતાં પીએમ મોદી અને પાર્ટીનો આભાર માન્યો હતો.
Trending Photos
- 5
- 5
- 9
- 7
)
નવી દિલ્હી : પૂર્વ વિદેશ મંત્રી અને ભારતીય જનતા પાર્ટીના વરિષ્ઠ નેતા સુષમા સ્વરાજ એક અદભૂત વ્યક્તિ હતા, તેઓ પાસેથી હું સતત શીખતો આવ્યો છું. વડાપ્રધાન નરેન્દ્ર મોદીએ હ્રદયસ્પર્શી શબ્દો સાથે સુષમા સ્વરાજને શબ્દાંજલિ અર્પિત કરી હતી. સુષમા સ્વરાજની પ્રાર્થના સભામાં પીએમ મોદી સહિત અનેક વરિષ્ઠ નેતાઓ ઉપસ્થિત રહ્યા હતા. આ પ્રસંગે સ્વ. સુષમા સ્વરાજના પુત્રીએ ગદગદિત થતાં પીએમ મોદી અને પાર્ટીનો આભાર માન્યો હતો.
વડાપ્રધાન મોદીએ દિલ્હીના જવાહર લાલ સ્ટેડિયમમાં આયોજિત સુષમા સ્વરાજની શ્રદ્ધાજલિ સભામાં જણાવ્યું કે, "જાહેર જીવનમાં તેમણે અનેક ઉદાહરણ રજૂ કર્યા હતા. તેમનું ભાષણ પ્રભાવી હોવાની સાથે-સાથે પ્રેરક પણ રહેતું હતું. તેમના વ્યક્તિત્વમાં વિષયોની ઊંડી સમજનો અનુભવ થતો હતો."
વડાપ્રધાને સુષમા સ્વરાજની એક વિશેષતા અંગે જણાવ્યું કે, "તેઓ વિનમ્ર હતાં અને સ્પષ્ટ વક્તા હતાં. તેઓ પોતાની વાત એકદમ સ્પષ્ટ રીતે રજૂ કરતા હતા. તેઓ જે વાત કહેતા તેના પર અડક રહેતા હતા. એક વખત વાત રજૂ કર્યા પછી તેમાં પીછેહઠ કરતા ન હતાં."
સુષમા સ્વરાજની શ્રદ્ધાંજલિ સભામાં વડાપ્રધાન નરેન્દ્ર મોદી, સંરક્ષણ મંત્રી રાજનાથ સિંહ, ગૃહમંત્રી અમિત શાહ સહિત ભાજપના અનેક દિગ્ગજ નેતા હાજર રહ્યા હતા. સુષમા સ્વરાજને શ્રદ્ધાંજલિ આપતા રાજનાથ સિંહે જણાવ્યું કે, "હું તેમને હંમેશાં સુષમા દી કહેતો હતો. તેઓ જનમન નેતા હતાં. તેમણે લોકોનાં મન પર પણ રાજ કર્યું છે. તેમણે ભાજપની સાંસ્કૃતિક રાષ્ટ્રવાદની સારી તરફેણ કરી હતી. ચૂંટણી દરમિયાન જાહેર સભાઓમાં તેમની સૌથી વધુ માગ રહેતી હતી."
લેટેસ્ટ ન્યૂઝ જાણવા, જુઓ LIVE TV
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
