Omicron નો ખૌફ: અહીં રેલી-સરઘસ પર પ્રતિબંધ, કલમ 144 લાગૂ, નિયમ તોડશો તો કડક કાર્યવાહીની ચેતાવણી

મુંબઈઃ કોરોના વાયરસ (Coronavirus) ના નવા પ્રકાર ઓમિક્રોન (Omicron)નો ખતરો દિવસેને દિવસે વધી રહ્યો છે. મુંબઈમાં સામે આવેલા કેસને જોતા મહારાષ્ટ્ર સરકાર એક્શનમાં આવી છે. શહેરમાં 11-12 ડિસેમ્બર માટે કલમ 144 લાગુ કરવામાં આવી છે. આ ઉપરાંત રેલી, સરઘસ અને કૂચ પર પણ પ્રતિબંધ મુકવામાં આવ્યો છે. સાથે જ, સરકારે સ્પષ્ટ કર્યું છે કે આદેશનું પાલન ન કરવા બદલ ભારતીય દંડ સંહિતાની કલમ 188 અને અન્ય કાયદાકીય જોગવાઈઓ હેઠળ કાર્યવાહી કરવામાં આવશે.

અત્યાર સુધીમાં 17 કેસ સામે આવ્યા
મહારાષ્ટ્રમાં અત્યાર સુધીમાં ઓમિક્રોન વેરિઅન્ટના કુલ 17 કેસ નોંધાયા છે. શુક્રવારે, અહીં 7 નવા કેસ નોંધાયા છે, જેમાંથી ત્રણ મુંબઈમાં અને 4 પિંપરી ચિંચવડ મ્યુનિસિપલ કોર્પોરેશનમાં મળી આવ્યા છે. મુંબઈમાં સંક્રમિત દર્દીઓની ઉંમર 48, 25 અને 37 વર્ષ છે. આ ત્રણ નાગરિકો તાન્ઝાનિયા, યુકે અને દક્ષિણ આફ્રિકાના દેશમાંથી પરત ફર્યા છે. જ્યારે પિંપરી ચિંચવાડમાં મળી આવેલા ચાર સંક્રમિત વ્યક્તિઓ નાઈજિરિયન મહિલાના સંપર્કમાં આવ્યા હતા.

Corona: દેશમાં ઓમિક્રોનના કેસ વધી 32 થયા, સરકારે આપી ચેતાવણી

કેટલાક અન્ય રાજ્યોમાં પણ દસ્તક
મહારાષ્ટ્રની સાથે અન્ય કેટલાક રાજ્યોમાં પણ ઓમિક્રોને દસ્તક આપી છે. આ પહેલા શુક્રવારે ગુજરાતના જામનગરમાં ઓમિક્રોનથી સંક્રમિત બે કેસ મળી આવ્યા હતા. અહીં પ્રથમ સંક્રમિત વ્યક્તિની પત્ની અને સાળાનો રિપોર્ટ પણ પોઝિટિવ આવ્યો છે. આ વ્યક્તિ ઝિમ્બાબ્વેથી પરત ફર્યો હતો. થોડા દિવસ પહેલા જ તેનો રિપોર્ટ ઓમિક્રોન પોઝિટિવ આવ્યો હતો. હવે પત્ની અને વહુને ચેપ લાગવાને કારણે ખતરો વધી ગયો છે.

એક સંક્રમિત દુબઈ ભાગી ગયો
દેશની વાત કરીએ તો કોરોનાના આ નવા પ્રકારના અત્યાર સુધીમાં 32 કેસ સામે આવ્યા છે. મહારાષ્ટ્રમાં સૌથી વધુ 17 કેસ, રાજસ્થાનમાં 9, ગુજરાતમાં 3, દિલ્હીમાં 1 અને કર્ણાટકમાં બે કેસ મળી આવ્યા છે. રાહતની વાત એ છે કે રાજસ્થાનમાં તમામ 9 લોકોના રિપોર્ટ નેગેટિવ આવ્યા છે. મહારાષ્ટ્રના પુણેમાં પણ એક દર્દીનો રિપોર્ટ નેગેટિવ આવ્યો છે. જ્યારે ઓમિક્રોનનો એક દર્દી કર્ણાટકથી દુબઈ ભાગી ગયો હોવાના સમાચાર છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube