ડ્રગ્સ કેસમાં 19 મી ધરપકડ, અરબાઝ મર્ચન્ટના સપ્લાયરની NCB એ કરી ધરપકડ!

મુંબઈ: નાર્કોટિક્સ કંટ્રોલ બ્યુરો (NCB) એ ડ્રગ્સ કેસમાં મોટી કાર્યવાહી કરતા શનિવારે 19 મા આરોપીની ધરપકડ કરી હતી. મળતી માહિતી મુજબ, ખાર પશ્ચિમના મુરુગુન ચાલમાં રહેતો શિવરાજ રામદાસ વ્યવસાયે ડ્રગ પેડલર છે, જે આર્યન ખાનના મિત્ર અરબાઝ મર્ચન્ટ (Arbaaz Merchant) ને ચરસ સપ્લાય કરતો હતો. ધરપકડ કરાયેલા આરોપીઓ દ્વારા ખુલાસો કરવામાં આવ્યો હતો, ત્યારબાદ એજન્સીએ આ ધરપકડ કરી હતી.

શાહરુખના ડ્રાઈવરની પૂછપરછ
અગાઉ, NCB એ બોલીવૂડ અભિનેતા શાહરૂખ ખાન (Shahrukh Khan) ના ડ્રાઈવર મુન્ના (Munna) ને સમન્સ જારી કર્યું હતું અને તેને તેમની ઓફિસમાં બોલાવ્યા હતા. અહીં તેની લગભગ 6 કલાક સુધી પૂછપરછ કરવામાં આવી હતી. સૂત્રોના જણાવ્યા અનુસાર, એનસીબીની તપાસમાં બહાર આવ્યું છે કે અરબાઝ મર્ચન્ટ અને પ્રતીક ગાબા તેમના અન્ય સાથીઓ સાથે આર્યન ખાનને મળવા માટે મન્નત પહોંચ્યા હતા. આ પછી, તેઓ આર્યન ખાનને મર્સિડીઝ કારમાં બહાર લઈ ગયા, જેને મિશ્રા નામના ડ્રાઈવર ચલાવી રહ્યો હતો. સૂત્રોના જણાવ્યા અનુસાર, આ બધા રેવ પાર્ટી માટે એકસાથે બહાર ગયા હતા. મિશ્રાએ તેમને ટર્મિનલ પર ઉતાર્યા અને પાછા આવ્યો. આ માહિતી પછી, NCB એ FIR માં NDPS ની કલમ-29 ઉમેરી. આની વધુ પુષ્ટિ કરવા માટે, NCB એ આજે ​​ડ્રાઇવર મુન્નાનું નિવેદન નોંધ્યું છે.

ગુજરાત સહિત દેશમાં કેમ છવાયું વીજળી સંકટ? સામે આવ્યા આ બે મોટા કારણ

પહેલા શ્રેયસની કરવામાં આવી હતી ધરપકડ
અગાઉ NCB એ પૂછપરછ બાદ આર્યન ખાનના નજીકના મિત્ર શ્રેયસ નાયર (Shreyas Nair) ની ધરપકડ કરી હતી. આર્યન ખાન, અરબાઝ મર્ચન્ટ અને શ્રેયસ નાયર, ત્રણેય શાળાથી મિત્રો છે અને ત્રણેય મુંબઈની ધીરુભાઈ ઇન્ટરનેશનલ સ્કૂલમાં સાથે ભણતા હતા. શ્રેયસનું નામ આર્યનની વોટ્સએપ ચેટ પરથી બહાર આવ્યું હતું. NCB અનુસાર, શ્રેયસ તે રાત્રે ડ્રગ્સ પાર્ટીમાં પણ હાજરી આપવા જતો હતો પરંતુ કોઈ કારણસર તે આવી શક્યો ન હતો.

ધોની પછી કોણ બનશે CSK નો લોન્ગ ટર્મ કેપ્ટન? આ યંગ પ્લેયર્સ છે સૌથી મોટો દાવેદાર

આર્થર જેલમાં બંધ છે આર્યન ખાન
ડ્રગ્સ કેસમાં ધરપકડ કરાયેલા અભિનેતા શાહરૂખ ખાનના પુત્ર આર્યન ખાનની જામીન અરજી શુક્રવારે ફગાવી દેવામાં આવી હતી. આર્યનની સાથે તેના પરિવારના સભ્યોએ પણ અપેક્ષા રાખી હતી કે તેને જામીન પર મુક્ત કરવામાં આવશે પરંતુ તે બન્યું નહીં. જજ દ્વારા તેમની જામીન અરજી ફગાવી દેવામાં આવી હતી, ત્યારબાદ એનસીબી આર્યન સહિત તમામ 8 આરોપીઓને મુંબઈની આર્થર જેલમાં લઈ ગઈ હતી. આર્યન ખાન સહિત તમામ 8 આરોપીઓને જેલમાં બંધ કેદીઓની બેરેકમાં રાખવામાં આવ્યા છે. આવી બેરેકમાં રાખવામાં આવેલા કેદીઓને ઘરના કપડા પહેરવાની છૂટ છે. જોકે, આ સિવાય તેમને અન્ય કોઈ છૂટ મળતી નથી. કોર્ટે જેલ પ્રશાસનને ખાસ સૂચના આપી છે કે આર્યન ખાન (Aryan Khan) અને તેના સાથીઓને કોઈપણ સંજોગોમાં બહારનું ભોજન ન આપવું જોઈએ.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube