જેડીએ ઓફિસર લાંચ લેતા પકડાઇ ગઇ તો હસવા લાગી, ACB ની ટ્રેપ બાદ જાણો પછી શું થયું
એસીબીએ માહિતીની ખરાઈ કર્યા બાદ છટકું ગોઠવ્યું અને સોમવારે મોડી સાંજે જેઈએન શ્યામ માલુને એક લાખ રૂપિયાની લાંચ લેતા રંગે હાથે પકડી પાડ્યો હતો. જેમાં કુલ 1 લાખ 10 હજારની લાંચની રકમ જપ્ત કરવામાં આવી છે.
Trending Photos
- 4
- 6
- 6
- 7
)
જયપુર: રાજસ્થાનમાં ભ્રષ્ટાચાર વિરોધી બ્યુરો યુનિટે જયપુરમાં ભ્રષ્ટાચાર સામે મોટી કાર્યવાહી કરતા મહિલા આરએએસ અધિકારીની ધરપકડ કરી છે. જયપુર ડેવલપમેન્ટ ઓથોરિટી એટલે કે જેડીએની ઓફિસ પર દરોડા પાડતી વખતે એસીબીની ટીમે એક ઝોનના ડેપ્યુટી કમિશનર સહિત 5 આરોપીઓને લાંચના કેસમાં રંગે હાથે ઝડપ્યા છે.
સરકારી કર્મીઓ પર ગાઝ
એસીબીએ જેડીએ ઝોન 4ના ડેપ્યુટી કમિશનર મમતા યાદવની જેઇએન શ્યામ માલુ, એકાઉન્ટન્ટ રામતુફાન, એએઓ વિજય મીણા અને ઓપરેટર અખિલેશની ધરપકડ કરી છે. આ અંગે માહિતી આપતા રાજસ્થાન એસીબીના એડીજી દિનેશ એમએનએ જણાવ્યું હતું કે ફરિયાદીએ આ અંગે એસીબી હેડક્વાર્ટરમાં ફરિયાદ નોંધાવી હતી. તે ફરિયાદમાં કહેવાયું હતું કે ઝોન 4ના ડેપ્યુટી કમિશનર સહિત કેટલાક કર્મચારીઓ લીઝ આપવાના બદલામાં મોટી લાંચની માંગણી કરી રહ્યા છે.
એજન્સીએ ગોઠવ્યું છટકું
એસીબીએ માહિતીની ખરાઈ કર્યા બાદ છટકું ગોઠવ્યું અને સોમવારે મોડી સાંજે જેઈએન શ્યામ માલુને એક લાખ રૂપિયાની લાંચ લેતા રંગે હાથે પકડી પાડ્યો હતો. જેમાં કુલ 1 લાખ 10 હજારની લાંચની રકમ જપ્ત કરવામાં આવી છે. એસીબીના એએસપી બજરંગ સિંહ શેખાવતે જણાવ્યું હતું કે પ્લોટની લીઝ આપવા માટે 15 લાખ રૂપિયાની લાંચ માંગવામાં આવી હતી.
આ લાંચ કેસમાં ઝોનના ડેપ્યુટી કમિશનર મમતા યાદવે લગભગ 3 લાખ રૂપિયાનો હિસ્સો માંગ્યો હતો. પરંતુ એજન્સીની ટ્રેપ અંગે જાણ થતાં મમતા યાદવને એસીબીની કાર્યવાહીની શંકા ગઇ હતી. મમતાએ કોમ્પ્યુટર ઓપરેટરને લાંચ લેવા કહ્યું હતું. જ્યારે કોમ્પ્યુટર ઓપરેટરે લાંચની રકમ લીધી ત્યારે તમામ કડીઓ ઉમેરાતી ગઈ.
આરોપીના ઘરે રેડ
આ કેસમાં એસીબીએ પુરાવાના આધારે પાંચેય આરોપીઓની ધરપકડ કરીને વધુ તપાસ શરૂ કરી છે. સાથે જ ACB દ્વારા ઝડપાયેલા તમામ આરોપીઓના ઘરે ACBએ સર્ચ ઓપરેશન હાથ ધર્યું હતું, તપાસ દરમિયાન હજુ ઘણા ખુલાસા સામે આવે તેવી આશા છે.
વિડીયો થયો વાયરલ
એજન્સીની જાળમાં ફસાયા બાદ મમતા યાદવ પોતાની ખુરશી પર બેસીને સતત હસતી હતી. એક્શન દરમિયાન જ્યારે કેટલાક મીડિયાકર્મીઓ જેડીએ ઓફિસ પહોંચ્યા તો મમતા યાદવે એસીબી ઓફિસરને કહ્યું- સાહેબ, હું તમારી સામે આરામથી બેઠી છું, તમે આ ફોટા અને વીડિયોગ્રાફી કેમ કરાવો છો. આ દરમિયાન મમતા યાદવના ચહેરા પર હાસ્ય પણ હતું. આ જેડીએ ઓફિસરનો આ 'બેશરમ હાસ્ય' વીડિયો સોશિયલ મીડિયા પર વાયરલ થઈ રહ્યો છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
