Bilkis Bano Case:બિલકિસ બાનો કેસમાં 11 દોષિતોને મુક્ત કરવા સામેની અરજી પર SCએ ગુજરાત સરકારને મોકલી નોટિસ

Bilkis Bano Case in SC: બિલકિસ બાનો કેસમાં 11 દોષિતોને મુક્ત કરવા સામેની અરજી પર સુપ્રીમ કોર્ટમાં સુનાવણી 18 એપ્રિલ સુધી મુલતવી રાખવામાં આવી છે. સોમવારે (27 માર્ચ), SCએ પીડિતાની અરજી પર ગુજરાત સરકાર અને દોષિતો પાસેથી જવાબ માંગ્યો હતો. દોષિતોના વકીલે સુભાષિની અલી અને મહુઆ મોઇત્રાની અરજીનો વિરોધ કર્યો હતો. તેમણે કહ્યું કે બહારના લોકોને હસ્તક્ષેપ કરવાની મંજૂરી ન આપવી જોઈએ.

સુપ્રીમ કોર્ટે ગુજરાત સરકારને 18મી એપ્રિલે દોષિતોની સજા માફી અંગેની ફાઇલ સાથે તૈયાર રહેવાનો આદેશ આપ્યો છે. વર્ષ 2002માં ગુજરાતના ગોધરામાં સાબરમતી એક્સપ્રેસના ડબ્બાને આગ ચાંપવાની ઘટના બાદ ફાટી નીકળેલા રમખાણો દરમિયાન બિલ્કીસ પર સામૂહિક બળાત્કાર થયો હતો. તેમજ તેના પરિવારના સાત સભ્યોની હત્યા કરવામાં આવી હતી. આ કેસમાં 21 જાન્યુઆરી 2008ના રોજ કોર્ટે 11 દોષિતોને આજીવન કેદની સજા સંભળાવી હતી. ત્યારથી તમામ 11 દોષિતો ગોધરા જેલમાં બંધ હતા અને તે તમામને ગયા વર્ષે 15 ઓગસ્ટના રોજ મુક્ત કરવામાં આવ્યા હતા.

આ પણ વાંચો:
ગૌતમ અદાણી બાદ મુકેશ અંબાણીની ખુરશી પણ ખતરામાં, એશિયામાંથી છીનવાઈ શકે છે બાદશાહત
સાંસદ પદ ગુમાવ્યા બાદ રાહુલ ગાંધીને બીજો ઝટકો, મળી સરકારી બંગલો ખાલી કરવાની નોટિસ
રાશિફળ 28 માર્ચ: આ જાતકો આજે આર્થિક રીતે મજબૂત બનશે, ધન-સંપત્તિ, પ્રસિદ્ધિ વધશે

કોર્ટની મહત્વપૂર્ણ ટિપ્પણી
જસ્ટિસ કે. એમ. જોસેફ અને જસ્ટિસ બી. આ મામલાની સુનાવણી 18 એપ્રિલે નક્કી કરતાં કહ્યું કે તેમાં ઘણા મુદ્દા સામેલ છે અને આ મામલાની વિગતવાર સુનાવણી કરવાની જરૂર છે. કોર્ટે સુનાવણી દરમિયાન કહ્યું કે આ મામલામાં ભાવનાઓ સાથે સુનાવણી કરવાને બદલે તે કાયદાના વિવિધ પાસાઓ પર વિચાર કરશે.

તમને જણાવી દઈએ કે 4 જાન્યુઆરીએ આ મામલો જસ્ટિસ અજય રસ્તોગી અને જસ્ટિસ બેલા એમ ત્રિવેદીની બેંચ સમક્ષ આવ્યો હતો, પરંતુ જસ્ટિસ ત્રિવેદીએ કોઈ કારણ આપ્યા વિના આ કેસની સુનાવણીથી પોતાને દૂર કરી દીધા હતા. બિલ્કિસ બાનોએ તેમની પેન્ડિંગ રિટ પિટિશનમાં કહ્યું છે કે રાજ્ય સરકારે સુપ્રીમ કોર્ટ દ્વારા નિર્ધારિત કાયદાને સંપૂર્ણપણે અવગણીને આદેશ પસાર કર્યો છે.

આ પણ વાંચો:
કપરા સમય માટે રહો તૈયાર...ભારતમાં ગરમીના કારણે માનવજાતિના અસ્તિત્વ પર જોખમ!
ઘરનું ઘર ખરીદવાનું વિચારી રહ્યાં છો! દેશમાં અમદાવાદનો આ વિસ્તાર સૌથી વધુ થયો સર્ચ
ગુજરાતમાં છેલ્લા 24 કલાકમાં કોરોનાના 301 કેસ નોંધાયા, અમદાવાદ શહેરમાં સૌથી વધુ
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube