5 રાજ્યોમાં વિધાનસભાની ચૂંટણીની તારીખો જાહેર, જાણો ક્યારે કયા રાજ્યમાં યોજાશે મતદાન

નવી દિલ્હીઃ લોકશાહીના સૌથી મહત્વપૂર્ણ તહેવાર એટલે કે ચૂંટણીની તારીખોની જાહેરાત થઈ રહી છે. તમને જણાવી દઈએ કે 5 રાજ્યોમાં વિધાનસભાની ચૂંટણી યોજાવાની છે. આ 5 રાજ્યોમાં ઉત્તર પ્રદેશ, ઉત્તરાખંડ, પંજાબ, ગોવા અને મણિપુરનો સમાવેશ થાય છે. ચૂંટણી પંચે પહેલા જ સ્પષ્ટ કરી દીધું હતું કે કોરોનાને કારણે ચૂંટણી સ્થગિત કરવામાં આવશે નહીં. સૂત્રોના જણાવ્યા અનુસાર યુપીમાં 6 થી 7 તબક્કામાં ચૂંટણી યોજાઈ શકે છે.

ECI ના મહત્વના મુદ્દા

24.9 લાખ મતદારો પ્રથમ વખત મતદાન કરશે

યુપીમાં 29% મહિલા મતદારો વધ્યા છે

5 રાજ્યોમાં 18.34 કરોડ મતદારો

ચૂંટણી અધિકારીઓએ બુથની મુલાકાત લીધી હતી

5 રાજ્યોમાં સાત તબક્કામાં ચૂંટણી યોજાશે

યુપીમાં પ્રથમ તબક્કાનું મતદાન 10 ફેબ્રુઆરીએ થશે.

બીજો તબક્કો - 14મી ફેબ્રુઆરી

ત્રીજો તબક્કો - 20 ફેબ્રુઆરી

ચોથો તબક્કો- 23 ફેબ્રુઆરી

મણિપુરમાં બે તબક્કામાં થશે મતદાન 
મણિપુરમાં પ્રથમ તબક્કામાં 27 ફેબ્રુઆરીએ અને બીજા તબક્કામાં 3 માર્ચે મતદાન થશે.

પંજાબ, ગોવા અને ઉત્તરાખંડમાં 14 ફેબ્રુઆરીએ મતદાન, 10 માર્ચે મતગણતરી
પંજાબ, ગોવા અને ઉત્તરાખંડમાં એક જ તબક્કામાં ચૂંટણી યોજાશે. 14 ફેબ્રુઆરીએ પંજાબ, ગોવા અને ઉત્તરાખંડમાં મતદાન થશે. મતગણતરી 10 માર્ચે થશે.

વિજય સરઘસ પર પ્રતિબંધ: CEC
ચૂંટણી પંચે કહ્યું છે કે પ્રચાર ડિજીટલ, વર્ચ્યુઅલ, મોબાઈલ દ્વારા થવો જોઈએ. ભૌતિક પ્રમોશનના પરંપરાગત માધ્યમોનો ઉપયોગ ઓછામાં ઓછો કરો. આ ઉપરાંત રાત્રે આઠ વાગ્યાથી સવારના આઠ વાગ્યા સુધી કોઈ પ્રચાર, જનસંપર્ક રાજકીય પક્ષો કરી શકશે નહીં. વિજય સરઘસ કાઢવામાં આવશે નહીં. વિજેતા ઉમેદવારો બે લોકો સાથે પ્રમાણપત્ર લેવા જશે. પક્ષોને માત્ર નિર્ધારિત સ્થળોએ જ બેઠક યોજવાની મંજૂરી આપવામાં આવશે. તમામ પક્ષો અને ઉમેદવારોએ બાંયધરી આપવી પડશે કે તેઓ કોવિડ ગાઇડ લાઇનનું ચુસ્તપણે પાલન કરશે.

રોડ શો, રેલી, પદયાત્રા પર પ્રતિબંધ
આજથી 15 જાન્યુઆરી સુધી ચૂંટણી પંચે પદયાત્રા સુધી રોડ શો, રેલી, સાયકલ રેલી પર સંપૂર્ણ પ્રતિબંધ મુકી દીધો છે. 15 જાન્યુઆરી પછી વિચારણા કરવામાં આવશે.

મતદાનનો સમય એક કલાક લંબાયો
એક મહત્વપૂર્ણ જાહેરાતમાં ચૂંટણી પંચે કહ્યું છે કે મતદાનનો સમય એક કલાક વધારવામાં આવ્યો છે. આ કોરોનાના કારણે કરવામાં આવ્યું છે. જાહેરનામું બહાર પાડતી વખતે ચૂંટણીનો સમય જાહેર કરવામાં આવશે.

90 ટકા મતદાન કરાવવાનો ચૂંટણી પંચનો ટાર્ગેટ
CEC સુશીલ ચંદ્રાએ કહ્યું છે કે આદર્શ આચાર સંહિતા લાગુ થઈ ગઈ છે. ચૂંટણી પંચના જણાવ્યા અનુસાર, પ્રથમ વખત મતદાન કરનારાઓ માટે મતદાર માર્ગદર્શિકા પણ ઉપલબ્ધ રહેશે. આયોગ તેમને વ્યક્તિગત રીતે એક પત્ર પણ આપશે. ઓછા મતદાન ટકાવારીવાળા બૂથ પર સ્વીપ પ્રવૃત્તિઓ દ્વારા તેમાં વધારો કરવામાં આવશે. ચૂંટણી પંચે કહ્યું છે કે 60 થી 70 ટકા સંતોષકારક નથી. કમિશનનું લક્ષ્ય 90 ટકાથી વધુ કરવાનું છે.

આ રીતે આદર્શ આચાર સંહિતા ઉલ્લંઘનની કરો ફરિયાદ
આ વખતે ચૂંટણી ખર્ચમાં વધારો કરવામાં આવ્યો છે. રાજ્યોની સ્થિતિ અનુસાર ધારાસભ્ય ઉમેદવાર ચૂંટણીમાં 28 લાખથી 40 લાખ રૂપિયા ખર્ચ કરી શકે છે. ઇન્કમટેક્સ, ડીઆરઆઈ, રેલ્વે સહિતની ઘણી એજન્સીઓ અને સંસ્થાઓને એલર્ટ કરવામાં આવી છે કે નશીલા પદાર્થ, દારૂ, કાળું નાણું અથવા મફતમાં વહેંચવામાં આવતી વસ્તુઓ પર કડક નજર રાખવા માટે ચેતવણી આપવામાં આવી છે. ચૂંટણી પંચે સુવિધા એપ બનાવી છે. આના દ્વારા રાજકીય પક્ષો સીધો પંચનો સંપર્ક કરી શકે છે. C vigil એપ જન ભાગીદારી માટે બનાવવામાં આવી છે. જનતા તેને ડાઉનલોડ કરી શકે છે અને MCC ના કોઈપણ ઉલ્લંઘનના વીડિયો, ઑડિયો અથવા પુરાવા અપલોડ કરી શકે છે. ફરિયાદીનું નામ અને સરનામું ગુપ્ત રાખીને કાર્યવાહી કરવામાં આવશે.

કોવિડ પોઝિટિવના ઘરે જશે ચૂંટણી પંચની ટીમ, મતદાન કરાવ્યા બાદ પરત આવશે
તમામ બૂથ પર પુરૂષ અને મહિલા સુરક્ષા કર્મચારીઓ તૈનાત રહેશે. દરેક બૂથ પર દિવ્યાંગો માટે વિશેષ વ્યવસ્થા કરવામાં આવશે. સ્વયંસેવકો મદદ કરશે. દરેક બૂથ પર વ્હીલ ચેર પણ હશે. કોવિડ સંદિગ્ધના ઘરે વીડિઓ ટીમની સાથે ચૂંટણી પંચની ટીમ વિશેષ વાન દ્રારા જશે મતદાન કરાવીને આવશે. તેમને બેલેટ પેપર વડે વોટ નાખવાનો અધિકાર મળશે. 

ગુનાહિત પૃષ્ઠભૂમિ ધરાવતા ઉમેદવારો માટે, માહિતી અખબાર ટીવી અને મીડિયા અને વેબસાઇટના હોમ પેજ પર ત્રણવાર અલગ-અલગ તબક્કા પર સાર્વજનિક કરવામાં આવશે. જનતાને ખબર પડે કે તેમના ઉમેદવાર કેવા છે?

સંવેદનશીલ બૂથ પર દિવસભર વીડિયોગ્રાફી થશે. પાંચ રાજ્યોમાં એક લાખથી વધુ બૂથ પર લાઈવ વેબકાસ્ટ કરવામાં આવશે. નિરીક્ષકો પણ વધુ સંખ્યામાં તૈનાત કરવામાં આવશે.

80+ વૃદ્ધો અને કોવિડ અસરગ્રસ્તો માટે પોસ્ટલ બેટલ સુવિધા
આ વખતે 1250 મતદારો માટે એક બૂથ બનાવવામાં આવ્યું છે. ગત ચૂંટણીની સરખામણીમાં 16 ટકા બૂથનો વધારો થયો છે. મહિલા મતદાન કર્મચારીઓ 1620 બૂથનું સંચાલન કરશે. 900 નિરીક્ષકો ચૂંટણી પર નજર રાખશે. ચૂંટણી પંચે સરકારી કર્મચારીઓ ઉપરાંત 80 વર્ષથી વધુ વયના નાગરિકો, દિવ્યાંગો અને કોવિડ પ્રભાવિત લોકો માટે પોસ્ટલ બેલેટની વ્યવસ્થા કરી છે.

કોવિડ સુરક્ષિત ચૂંટણીઓ કરાવવાની પ્રાથમિકતા - CEC
CEC સુશીલ ચંદ્રાએ કહ્યું કે ચૂંટણી પંચે 3 લક્ષ્યો પર કામ કર્યું છે. આ લક્ષ્યો છે કોવિડ સલામત ચૂંટણી, સરળ ચૂંટણી અને મહત્તમ મતદારોની ભાગીદારી.

690 વિધાનસભા ચૂંટણી
CEC સુશીલ ચંદ્રાએ કહ્યું છે કે આ વખતે 5 રાજ્યોની 690 વિધાનસભા બેઠકો માટે ચૂંટણી યોજાશે. તેમણે કહ્યું કે ચૂંટણી પંચનો હેતુ કોવિડ સુરક્ષિત ચૂંટણી કરાવવાનો છે. CECએ કહ્યું કે કોરોના યુગમાં ચૂંટણી યોજવી પડકારજનક છે.

UP માં 15 કરોડ કરતા વધુ મતદારો
અત્રે જણાવવાનું કે ઉત્તર પ્રદેશમાં ગત વિધાનસભા ચૂંટણી 7 તબક્કામાં થઈ હતી. યુપીમાં 15 કરોડ કરતા વધુ મતદારો આ વખતે મતદાન કરશે. વર્ષ 2017માં ચૂંટણી પંચે આ 5 રાજ્યોમાં વિધાનસભા ચૂંટણીની જાહેરાત 3 જાન્યુઆરીએ કરી હતી. આ વખતે 8 જાન્યુઆરીએ વિધાનસભા ચૂંટણીની તારીખો જાહેર થવા જઈ રહી છે. સૂત્રો પાસેથી મળેલી જાણકારી મુજબ યુપીમાં 5-7 તબક્કામાં, પંજાબમાં 1થી 2 તબક્કામાં અને મણિપુરમાં પણ 1-2 તબક્કામાં ચૂંટણી થઈ શકે છે. 

PM મોદીનો કાફલો રોકનારા પર ફક્ત 200 રૂપિયા દંડ, FIR માં પ્રધાનમંત્રીનો ઉલ્લેખ સુદ્ધા નહીં

પંજાબમાં સુરક્ષાનો પડકાર
પંજાબની વાત કરીએ તો અહીં ચૂંટણી કરાવવાની સાથે ચૂંટણી પંચ સમક્ષ સુરક્ષા પણ મોટો પડકાર છે. ગુપ્તચર એજન્સીઓ ઈનપુટ આપી ચૂકી છે કે પંજાબમાં સુરક્ષા સ્થિતિ ખુબ ગંભીર છે. 

કોરોનાના વધતા કેસો વચ્ચે ચૂંટણી કરાવવી એ પડકાર
આ સાથે જ કોરોના વાયરસનું સંક્રમણ પણ મોટો મુદ્દો બનીને ચૂંટણી પંચ સમક્ષ ઊભો છે. ચૂંટણી રેલીઓ કરાવવાની મંજૂરી હશે કે નહીં તેના પર નિર્ણય ચૂંટણી પંચ લેશે. 

Corona Update: કોરોનાનો કહેર, છેલ્લા 24 કલાકમાં 1.41 લાખથી વધુ નવા કેસ નોંધાયા

અત્રે જણાવવાનું કે યુપીમાં ગત વિધાનસભા ચૂંટણીમાં ભાજપને મોટી જીત મળી હતી. ભાજપ ગઠબંધનને 325  બેઠકો, સપાને 47, બીએસપીને 19, કોંગ્રેસને 7 અને અન્યને 7 બેઠકો મળી હતી. જ્યારે 2017માં પંજાબમાં કોંગ્રેસને બહુમત મળ્યું હતું. કોંગ્રેસને 77, આમ આદમી પાર્ટીને 20, અકાલી દળને 16 અને ભાજપને 3 બેઠકો પર જીત મળી હતી. અત્રે જણાવવાનું કે ઉત્તરાખંડમાં પણ ભાજપની સરકાર છે. ગત ચૂંટણીમાં ભાજપને 56, કોંગ્રેસને 11 અને અન્યને 2 બેઠક મળી હતી. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube