કોરોના કાળમાં આ દવા માટે દોટમદોટ! વેચાઈ 350 કરોડથી પણ વધુ ટેબ્લેટ! મેડિકલ માર્કેટમાં રૂપિયાનો વરસાદ

નવી દિલ્લીઃ કોવિડ-19 મહામારી દરમિયાન આ ક્ષેત્ર સાથે જોડાયેલા લોકોએ પોતાનું સર્વશ્રેષ્ઠ આપ્યું. ડોકટરો, નર્સોની દિવસ-રાત સેવાએ લાખો લોકોને નવું જીવન આપ્યું. આ દરમિયાન ઘણા નવા રેકોર્ડ બન્યા હતા. આવો જ એક રેકોર્ડ એક ટેબલેટે બનાવ્યો છે. આ દવા કોરોના સમયગાળા દરમિયાન દરેક પેમ્ફલેટમાં લખવામાં આવી હતી. તેને જોઈને કરોડોની ટેબ્લેટ વેચાઈ.

350 કરોડની  ટેબ્લેટ વેચાઈ-
કોરોના સમયગાળા દરમિયાન સૌથી વધુ વેચાતી દવા ડોલો 650 હતી. કોવિડ-19 રોગચાળા દરમિયાન 350 કરોડથી વધુ ગોળીઓ વેચાઈ હતી. મીડિયા રિપોર્ટ્સ અનુસાર, તેમના વેચાણનો આંકડો 567 કરોડ રૂપિયા સુધી પહોંચી ગયો છે. એવું કહી શકાય કે આ દવાની માંગ કોરોના સમયગાળા દરમિયાન સૌથી વધુ હતી. ડોલો 650નું વેચાણ કોવિડના બીજી લહેરના પીક મહિનામાં એટલે કે એપ્રિલ 2021માં થયું હતું.

પેરાસીટામોલનું પણ જોરદાર વેચાણ-
કોવિડ સમયગાળા દરમિયાન પેરાસીટામોલ સૌથી વધુ વેચાતી દવાઓમાં ટોચ પર છે. ડેટા અનુસાર, 2019માં તમામ બ્રાન્ડના પેરાસિટામોલનું કુલ વેચાણ 530 કરોડ હતું, જ્યારે 2021માં આ આંકડો 924 કરોડ સુધી પહોંચી ગયો હતો. ડોલો 650 માં પેરાસિટામોલ સક્રિય ઘટક તરીકે હોવાથી, તે પણ વધુ વેચાઈ છે.. પેરાસિટામોલ પછી તાવ વિરોધી અને પીડાનાશક ગોળીઓમાં તે બીજા ક્રમે છે. બાદમાં ક્રોસિન  છઠ્ઠા નંબર પર રહી.

અત્યારે સુધી સૌથી વધુ વેચાઈ આ ગોળી-
તમને જણાવી દઈએ કે ડોલો 650નું પ્રોડક્શન માઈક્રો લેબ્સ લિમિટેડ નામની કંપની કરે છે. તે 650 મિલિગ્રામ પેરાસિટામોલ સાથે ડોલો 650નું ઉત્પાદન કરે છે જ્યારે અન્ય કંપનીઓ ક્રોસિન, ડોલો અથવા કેલ્પોલ નામથી પેરાસિટામોલ બનાવે છે જેમાં 500 મિલિગ્રામ પેરાસિટામોલ હોય છે. ડોલો 650 તાવ સામે ખૂબ અસરકારક  મનાય છે.