કંગનાને સપોર્ટ કરવા સુરતના વેપારીએ બનાવી ખાસ સાડી, પલ્લુ પર જોવા મળી ‘મણિકર્ણિકા’

• સાડીના પાલવ પર કંગનાની મણિકર્ણિકાના રૂપમાં તસવીર જોવા મળે છે. તો સાથે સાડી પર “I Support Kangana Ranaut” લખવામાં આવ્યું.
• કોરોનાકાળમાં ઓનલાઈન શોપિંગમાં ફાટફટ લોકોએ બુકિંગ કરાવી સાડી 

ચેતન પટેલ/સુરત :મહારાષ્ટ્ર સરકાર અને કંગના રનૌત વચ્ચે ચાલી રહેલા ભારે વિવાદ વચ્ચે ટેક્સટાઇલ સિટી સુરતના સદીના વેપારીએ કંગના (Kangana Ranaut) ને અનોખી રીતે ટેકો આપ્યો છે. સુરત (surat) ના યુનિવર્સલ ટેક્સટાઇલ માર્કેટમાં આવેલા આલિયા ફેબ્રિક્સના ઉદ્યોગપતિ છોટુભાઇ અને રજત ડાવરે કંગનાની પ્રિન્ટેડ ફેન્સી શુદ્ધ ક્રેપ સાડી લોન્ચ કરી છે. સાડીના પાલવ પર કંગનાની મણિકર્ણિકાના રૂપમાં તસવીર જોવા મળે છે. તો સાથે સાડી પર “I Support Kangana Ranaut” લખવામાં આવ્યું છે.

આ પણ વાંચો : ગલીએ ગલીએ વોટ માંગવા નીકળેલો શહેઝાદ આજે બની ગયો ડ્રગ્સનો કારોબારી

આલિયા ફેશનના છોટુભાઇ અને રજત ડાવરે કહ્યું કે, જે રીતે એક મહિલા સામે મહારાષ્ટ્ર સરકાર લડી રહી છે તે ખોટું છે. તેમની ગેરહાજરીમાં તેમની સંપત્તિમાં તોડફોડ કરવામાં આવી હતી, તેને મુંબઈમાં પગ નહિ મૂકવાની ધમકી આપવામાં આવી હતી. જે એક અન્યાયકારક છે, પરંતુ કંગના જે હિંમતથી પ્રશાસન સામે લડી રહી છે તેનાથી અમને પ્રેરણા મળી છે. જ્યારે અમે વિચાર્યું કે કંગના માટે કેવી રીતે અમારું સમર્થન વ્યક્ત કરવું જોઈએ. અમારી આ લાગણી લોકોને કેવી રીતે પહોંચાડવી, ત્યારે અમને તેની પ્રિન્ટ કરેલી સાડી બનાવવાનો વિચાર આવ્યો અને અમે આ સાડી બનાવી છે.

આ પણ વાંચો : છુપાઈ છુપાઈને નથી પીવો દારૂ.... દારૂબંધી વિશે હવે ખૂલીને બોલવા લાગી ગુજરાતની જનત

તેઓએ વધુમાં જણાવ્યું હતું કે, અમારા ગ્રાહકો પણ આ મણિકર્ણિકા સાડીની પ્રશંસા કરી છે. હવે કોરોના યુગમાં વ્યવસાયનો ટ્રેન્ડ ઓનલાઇન ગયો હોવાથી, અમે પણ અમારા ગ્રાહકો પાસેથી વોટ્સએપ અને સોશિયલ મીડિયા દ્વારા ઓર્ડર મેળવવાનું શરૂ કર્યું છે, જે બતાવે છે કે મહિલા વર્ગમાં કંગનાનું સમર્થન વધી રહ્યું છે.

આલિયા ફેબ્રિક્સ પ્રીમિયમ ફેન્સી કાપડ માટે પ્રખ્યાત છે અને તે ખાસ કરીને બોલિવૂડ ડિઝાઇનર્સમાં લોકપ્રિય છે. તેમનો ધંધો મુંબઇ, દિલ્હી, કોલકાતા, હૈદરાબાદ, ચેન્નાઈ વગેરે જેવી કાપડની મંડીઓમાં વ્યાપક છે. તાજેતરમાં, જ્યારે દેશભરમાં 'બહિષ્કાર ચાઇના' અભિયાનનું આયોજન કરવામાં આવ્યું હતું, ત્યારે તેઓએ પણ તેમાં ભાગ લીધો હતો.

આ પણ વાંચો : મોત પહેલા સાવ કાબૂ ગુમાવી ચૂક્યો હતો સુશાંત, છતાં રિયા બિન્દાસ્ત થઈને લઈ રહી હતી આ Video