દહીહાંડીમાં સ્ટંટ કરવા ગયેલો યુવક દાઝ્યો, ખેલ કરવામાં ચહેરા પર જ આગ લાગી

Janmashtami : જન્માષ્ટમીનો પર્વ હોય એક તરફ ગુજરાતના કૃષ્ણ મંદિરોમાં ભક્તિભાવનો માહોલ છે, તો બીજી તરફ ગલીઓમાં મટકીફોડનો શોર છે. મટકીફોડના કાર્યક્રમો અનેકવાર જોખમી બની જતા હોય છે. ઊંચી મટકી ફોડવામાં અનેક ગોવિંદાઓ માહેર હોય છે, પરંતું ક્યારેક અકસ્માત સર્જાઈ જાય છે. આવું જ બન્યું સુરતના એક દહીહાંડી કાર્યક્રમમાં. સુરતથી એક વીડિયો સામે આવ્યો છે, જેમાં કોલેજની દહીહાંડી કાર્યક્રમમાં સ્ટંટ કરવા ગયેલો એક યુવક દાઝ્યો હતો. 

સુરતમાં હાલ કૃષ્ણ જન્મોત્સવના વિવિધ કાર્યક્રમો આયોજિત કરાયા છે. જેમાં એસડી જૈન કોલેજમાં પણ મટકી ફોડ કાર્યક્રમનું આયોજન કરાયુ હતું. આ દરમિયાન એક યુવક આગ સાથે કરતબ બતાવી રહ્યો હતો. તે મોઢામાંથી જ્વલનશીલ પદાર્થ હવામાં ઉડાડીને ખેલ કરતો હતો. આ ખેલ તેને ભારે પડ્યો હતો. 

પરિવાર અમદાવાદથી અંકલેશ્વર જતો હતો, આણંદ પાસે અકસ્માતમા સાસુ-વહુનું કમકમાટીભર્યુ મોત

સુરતમાં માટલી ફોડતાં સમયે માંડ-માંડ બચ્યો યુવાન; મોંમાં જ્વલનશીલ પદાર્થ ભરીને કરી રહ્યો હતો સ્ટંટ#Surat #Gujarat #Janmashtami pic.twitter.com/yNCRU874yc

— Zee 24 Kalak (@Zee24Kalak) September 7, 2023

કેટલાક યુવકો પિરામિડ આકારમાં એક પર એક ઊભા રહીને એક યુવક આગથી સ્ટંટ કરી રહ્યો છે. યુવકે આગની જ્વાળા સળગાવતાં તેના મોઢા સુધી આવી ગઈ હતી અને તેને લપેટામાં લઈ લીધો હતો. યુવકે હાથમાં રહેલું જ્વેલનશીલ પદાર્થ ફેંકીને આગ ઓલવવાનો પ્રયાસ કર્યો હતો. અન્ય કેટલાક નીચે ઊભેલા યુવકોએ પણ આગ ઓલાવવાનો પ્રયાસ કર્યો હતો. સદનસીબે ગણતરીની સેકન્ડોમાં જ આગ ઓલવાઈ જતાં યુવકને વધુ ઈજા થઈ ન હતી. પરંતુ તેનો ચહેરો દાઝ્યો હતો. 

યુવકને તાત્કાલિક સારવાર માટે હોસ્પિટલ ખસેડાયો હતો. પરંતું આ ઘટનાનો વીડિયો હાલ ચર્ચામાં આવ્યો છે. 

બ્રેક બાદ ગુજરાતમા ચોમાસાની ધમાકેદાર એન્ટ્રી, 10 સપ્ટેમ્બર સુધીની નવી આગાહી આવી ગઈ