સુરતમાં લગ્નના દિવસે દુલ્હનની હત્યા, પિતરાઈ ભાઈએ આવીને ચાકુથી હુમલો કર્યો

Surat News ચેતન પટેલ/સુરત : સુરતના લિંબાયત વિસ્તારમાં ચકચારી બનાવ બન્યો છે. આરડી ફાટક પાસે આયોજિત એક લગ્નના મંડપમાં જ દુલ્હનની હત્યા કરવામાં આવી છે. યુવતીએ પરિવાર વિરુદ્ધ લગ્ન કરતા સંબંધી ભાઈએ તેની લગ્નના દિવસે જ હત્યા કરી છે. કુંભી પાટીલ સમાજની યુવતીના માળી સમાજના યુવક સાથે લગ્ન હતા. પરિવાર વિરુદ્ધ લગ્ન કરતા લગ્નના એક દિવસ પહેલા જ ભાઈએ ચપ્પુથી તેના પર હુમલો કર્યો હતો. હુમલામાં દુલ્હનને ગંભીર ઈજાઓ પહોંચી હતી. જેમાં સારવાર બાદ હોસ્પિટલમાં દુલ્હનનું મોત નિપજ્યુ હતું. આ ઘટના બાદ લિંબાયત પોલીસ સ્થળે દોડી આવી હતી. હત્યારા ભાઈ વિરુદ્ધ કાયદેસર કાર્યવાહી હાથ ધરી છે. 

પ્રાપ્ત માહિતી અનુસાર, સુરતના લિંબાયતમાંથી પ્રેમ લગ્નનો કરુણ અંજામ સામે આવ્યું છે. પરિવારની વિરુદ્ધમાં યુવતીએ પ્રેમી સાથે કોર્ટમેરેજ કરી લીધા બાદ યુવકના પરિવાર દ્વારા બંનેના વિધિવત લગ્ન કરાવાઈ રહ્યા હતા. આ દરમિયાન લગ્નના એક દિવસ પહેલા હલદીની વિધિમાં યુવતીનો પિતરાઈ ભાઈ ત્યાં આવી પહોંચ્યો હતો અને તેની બહેન પર ચપ્પુ વડે હુમલો કરી દીધો હતો. જેને લઇ યુવતીને સારવાર માટે હોસ્પિટલ ખસેડાય તે પહેલાં જ તે મોતને ભેટી હતી. તો બીજી તરફ હુમલો કરનાર તેના પિતરાઈ ભાઈને સ્થાનિકો દ્વારા પકડી પોલીસની હવાલે કર્યો હતો.

મોસ્ટ વોન્ટેડ અને ખુંખાર ગુનેગાર ભૂપત બહારવટીયાને સુરત પોલીસે પકડ્યો

ઘટના અંગે લિંબાયત પોલીસને જાણ થતા પોલીસે હત્યાનો ગુનો નોંધી વધુ તપાસ હાથ ધરી છે. સુરતના લિંબાયત વિસ્તારના આરડી ફાટક પાસે આવેલ રામેશ્વર સોસાયટીમાંથી ચોંકાવનારી ઘટના સામે આવી છે. જ્યાં લગ્નમંડપમાં દુલ્હનના પિતરાઈ ભાઈએ જ તીક્ષ્ણ હથિયાર વડે હુમલો કરી તેની બહેનની હત્યા કરી દેવામાં આવી હતી. 

ટ્રાફિકથી ધમધમતા ગુજરાતના આ બ્રિજ પર હવે વધુ સ્પીડમાં ગાડી નહિ હંકારાય, નોંધાશે ગુનો

લિંબાયતના રામેશ્વર સોસાયટીના ફ્લેટ નંબર 153 ખાતે રહેતો જીતેન્દ્ર ધાગાજી મહાજન કલ્યાણી પાટીલ નામની યુવતી સાથે લગ્ન થઈ રહ્યા હતા. યુવક-યુવતીના લગ્નની વિધિ ચાલી રહી હતી. આજે મંગળવારે બંનેના લગ્ન થવા જઈ રહ્યા હતા અને તેની આગલી રાત્રે એટલે કે સોમવારે દુલ્હા-દુલ્હનની હલદીની વિધિ ચાલી રહી હતી. આ દરમિયાન દુલ્હન કલ્યાણી પાટીલનો પિતરાઈ ભાઈ મોનું પાટીલ ત્યાં આવીને તેની પિતરાઈ બહેન પર ચપ્પુ વડે હુમલો કરી હત્યા નિપજાવી હતી.

સુરત પોલીસે પિતરાઈ ભાઈ મોનું પાટીલની અટકાયત કરી છે. બહેને એક મહિના પહેલા પ્રેમી સાથે કોર્ટ મેરેજ કર્યા હતા. તેથી લગ્નના એક દિવસ પહેલા હલદીની વિધિમાં યુવતીનો પિતરાઈ ભાઈ ત્યાં આવી પહોંચ્યો હતો. તેની બહેન પર ચપ્પુ વડે હુમલો કરી દીધો હતો.

હવામાન વિભાગના લેટેસ્ટ અપડેટ : આ જિલ્લાઓમાં આજે વરસાદની આગાહી, 6 જળાશય હાઈએલર્ટ પર

આવા છે ગુજરાતના વિદ્યાર્થીઓ : 5 વત્તા 5 કેટલા થાય તેનો જવાબ પણ નથી આપી નથી શક્તા