ચોંકાવનારી વાત : અમદાવાદના હોટસ્પોટ વિસ્તારોની બહાર પણ કોરોનાના દર્દીઓનો રાફડો ફાટ્યો

અતુલ તિવારી/અમદાવાદ :અમદાવાદના હોટસ્પોટ વિસ્તારોની બહાર પણ કોરોનાના દર્દીઓનો રાફડો છે. છેલ્લા કેટલાક દિવસોમાં હોટસ્પોટ વિસ્તારમાં કેસ ઘટ્યા તો છે, પણ શહેરના અન્ય ભાગોમાં કોરોનાના કેસો વધ્યા છે. અમદાવાદ શહેરના પૂર્વ અને પશ્ચિમ ભાગોમાં કોરોનાના કેસ વધી રહ્યાં છે. અગાઉ 70% કેસો હોટસ્પોટ વિસ્તારોમાંથી જોવા મળતા હતા, જે હવે લગભગ ઘટીને 40% થયા છે. 25 તારીખે 51 ટકા કેસ હોટસ્પોટ બહારના વિસ્તારોમાંથી આવ્યા હતા. 27મી એપ્રિલે 197 કેસ નોંધાયા હતા, જેમાંથી 156 કેસો હોટસ્પોટની બહારના વિસ્તારમાં હતા. જેની ટકાવારી 80% થાય છે. છેલ્લા કેટલાક સમયમાં અમદાવાદના શહેરના ચાલી વિસ્તારોમાંથી એકસાથે અનેક કેસો નોંધાઇ રહ્યા છે. જે ચોંકાવનારી બાબત કહી સકાય. જોકે શહેરના હોટસ્પોટ વિસ્તાર દરિયાપુર, જમાલપુર, ખાડિયા, બહેરામપુરા, દાણીલીમડા, શાહપુર, કાલુપુરમાં કેસો ઘટવા સારી બાબત છે. પરંતુ હાલની સ્થિતિ જોતા આ લાપરવાહી મોટું જોખમ બની શકે છે. 

લોકડાઉન વચ્ચે આજે રાત્રે આકાશમાં દેખાશે અદભૂત નજારો 

હાલ ગુજરાતમાં અમદાવાદ શહેર જ એકમાત્ર એવુ છે જ્યાં કોરોનાના કેસ સતત વધી રહ્યાં છે. અમદાવાદ શહેરમાં કોરોનાના કેસ મામલે મ્યુનસિપિલ કમિશનર વિજય નહેરાએ પણ લોકોને ચેતવ્યા હતા. તેમણે અમદાવાદમાં કોરોનાના કેસ 8 લાખ સુધી જઈ શકે છે તેવું જણાવ્યું હતું. ત્યારે હવે આંકડા પર નજર કરીએ તો એક જ અઠવાડિયામાં અમદાવાદમાં નવા કેસમાં ઉછાળો આવ્યો છે. સાથે જ નવા વિસ્તારોમાં પણ કોરોના પહોંચી ચૂક્યો છે. 

કોરોના ટેસ્ટીંગ કીટને લઈને કોંગ્રેસે કરેલા સવાલનો મળ્યો જવાબ, ગુજરાતની એક કંપની સાથે છે કનેક્શન

• 21 એપ્રિલ- 125
• 22 એપ્રિલ - 128
• 23 એપ્રિલ- 151
• 24 એપ્રિલ-169
• 25 એપ્રિલ-182
• 26 એપ્રિલ-178
• 27 એપ્રિલ-197

કોરોનાના કઠેડામાં ભારત ક્યાં ઉભું છે? માત્ર નવા કેસ નહિ, રિકવર રેટ પણ વધ્યો છે, જાણી લો બધું જ

હોટસ્પોટ સિવાયના વિસ્તારોમાં કેસ
અમદાવાદના મોટાભાગના કેસ રોડ ઝોન વિસ્તારમાં છે. પરંતુ હવે તો રેડ ઝોન બહાર પણ કેસ વધી રહ્યાં છે. હોટસ્પોટ સિવાયના પરટીક્યુલર બંચમાં કેસ નથી આવ્યા. પરંતુ ગઈકાલે અસારવાના એક જ વિસ્તારમાંથી 25 કેસ આવ્યા છે. મેમનગર એક જ વિસ્તારમાંથી 13 કેસ નોંધાયા હોવાનુ સામે આવ્યું છે. તો નારણપુરા વિસ્તારમાંથી અનેક કેસ સામે આવ્યા છે. આ ઉપરાંત અન્ય વિસ્તારોમાંથી પણ છૂટાછવાયા કેસ સામે આવી રહ્યાં છે.  

અમદાવાદના હોટસ્પોટ વિસ્તાર 
અમદાવાદના હોટસ્પોદ વિસ્તારોની વાત કરીએ તો કાલુપુર, દરિયાપુર જેવા કોટ વિસ્તારો ઉપરાંત જમાલપુર, બહેરામપુરા, દાણીલીમડા વગેરે વિસ્તારો ઉપરાંત હવે તો માણેકચોકની અમુક પોળોમાં પણ કોરોનાના પોઝિટિવ કેસ સતત વધી રહ્યા છે. આ કારણે આ વિસ્તારો હવે રેડમાં પણ રેડેસ્ટ એટલે કે સૌથી જોખમી ઝોનમાં આવી ગયા છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

કોરોના વાયરસ સાથે જોડાયેલા તમામ સમાચાર માટે ક્લિક કરો આ લિંક પર