હાર્દિક, અલ્પેશ, જિજ્ઞેશ અને પોલીસની ઉંદર બિલાડીની રમતનો અંત: ધરપકડ નહી

ગાંધીનગર : આજે રાજકીય નેતાઓ હાર્દિક પટેલ, અલ્પેશ ઠાકોર તેમજ જિજ્ઞેશ મેવાણી સામે પોલીસ ફરિયાદ નોંધાઈ છે. આ સંજોગોમાં નેતાઓ આજે ગાંધીનગરની એસપી કચેરીએ સામેથી સરન્ડર કરવાના છે અને એ પહેલાં ત્રણેય નેતાઓ કોબા સર્કલ પાસે એકઠા થશે. આ નેતાઓમાં બે ધારાસભ્યો અને એક લોકપ્રિય નેતા હોવાના કારણે પોલીસ પણ પરિસ્થિતિને કાબૂમાં લેવાની તૈયારીમાં લાગી ગયા છે. આ નેતાઓના મોટી સંખ્યામાં સમર્થકો ઉમટી પડ્યા છે અને વાતાવરણમાં ભારે ઉત્તેજનાનો માહોલ છે. 

आतंकवादी जनता की जान लेता हैं और शराब का ठेके वाला भी !!
मेरे लिए गांधी के गुजरात में आतंकवादी और देशी शराब के ठेके वाले एक समान हैं।आज शाम पाँच बजे DSP ओफिस पर मैं @AlpeshThakor_ और @jigneshmevani80 गिरफ़्तारी देंगे
सामाजिक कार्य में सहयोग देना सरकार और पुलिस की ज़िम्मेदारी हैं

— Hardik Patel (@HardikPatel_) July 7, 2018

આજે હાર્દિક પટેલે ગુજરાતમાં દારૂબંધીની પરિસ્થિતિ વિશે પણ ચોંકાવનારી ટ્વીટ કરી છે. 

गुजरात पुलिस ने शराब के ठेकेदार पर क़ानूनी प्रकिया नहीं की और हम युवा पर क़ानूनी प्रकिया कर,पुलिस और भाजपा ने यह साबित कर दिया की गांधी के गुजरात में शराब माफ़िया अपनी मर्ज़ी से कुछ भी कर सकते हैं पुलिस और भाजपा उनके साथ हैं।गुजरात में हर घंटे 554 लीटर विदेशी शराब पकड़ी जाती हैं।

— Hardik Patel (@HardikPatel_) July 7, 2018

છેલ્લા કેટલાક દિવસથી ગુજરાતમાં જનતા રેઇડનો મામલો ચર્ચાસ્પદ બન્યો છે. તાજેતરમાં અમદાવાદમાં દેશી દારૂ પીધા બાદ ચાર વ્યક્તિઓની હાલત લથડી હતી. આ મામલાનો વિરોધ કરવા માટે હાર્દિક પટેલ, અલ્પેશ ઠાકોર અને જિજ્ઞેશ મેવાણીએ દારૂ વિરુદ્ધ આંદોલન શરૂ કર્યું હતું અને ગાંધીનગરમાં જનતા રેડ પાડી હતી. ગુજરાતના પાટનગર ગાંધીનગરમાં જ કોન્ગ્રેસના રાધનપુરના વિધાનસભ્ય અલ્પેશ ઠાકોર, વડગામના અપક્ષ વિધાનસભ્ય જિજ્ઞેશ મેવાણી અને પાટીદાર યુવા નેતા હાર્દિક પટેલની ત્રિપુટીએ ગઈ કાલે કથિત દારૂના અડ્ડા પર જનતા રેઇડ પાડી હતી. આ ત્રિપુટીએ બે કોથળી દારૂ પકડતાં ગાંધીનગરમાં રાજકારણ ગરમાયું હતું અને ગાંધીનગર પોલીસ ખુલાસો કરવા મેદાનમાં આવીને જનતા રેઇડને પબ્લિસિટી સ્ટન્ટ ગણાવ્યો હતો.

આ જનતા રેડમાં બે કોથળી જ દારૂ મળતા હવે આખા મામલામાં વળાંક આવ્યો છે. આ મામલામાં જેમના ઘરે રેઇડ પાડવામાં આવી છે એ કથિત કંચન ઝાલાએ ખોટી રેઇડ કરવામાં આવી હોવાનો વળતો આરોપ મૂક્યો્ છે અને પોલીસ ફરિયાદ કરી છે. આ મામલામાં હાર્દિક, અલ્પેશ અને જિજ્ઞેશની સામે ખોટી રેઇડ કરવાની ગાંધીનગરના સેક્ટર 21માં પોલીસ ફરિયાદ કરવામાં આવી છે. 

ગુજરાતના સમાચાર જાણવા માટે કરો ક્લિક...