રાજ્યમાં આગામી બે ભારે વરસાદની આગાહી, માછીમારોને દરિયો ન ખડેવા તાકીદ

અમદાવાદ: ઓડીશા અને બંગાળમાં બેનેલું લો પ્રેશર હાલ આગળ વધી રહ્યું છે. જેને લઇને રાજ્યમાં વરસાદે વિરામ લીધા બાદ ફરી મેઘ મહેર થાય તેવી હવામાન વિભાગે બે દિવસ ગુજરાતમાં ભારેથી અતિ ભારે વરસાદની આગાહી કરી છે. જેના કારણે 14 અને 15 ઓગસ્ટે રાજ્યમાં ભારેથી અતિ ભારે વરસાદની આગાહી કરવામાં આવી છે.

આ પણ વાંચો:- ગુજરાતમાં દરિયાઇ માર્ગે ઘૂસવાના પ્રયાસમાં પાકિસ્તાની આતંકી, કચ્છમાં એલર્ટ

15 ઓગસ્ટ સ્વતંત્રતા દિવસે રાજ્યમાં ભારે વરસાદ પડી શકે છે. હાલ નદી-તળાવો છલકાયા હોવાથી જો ફરી ભારે વરસાદ પડે તો રાજ્યમાં પૂરનું સંકટ ઉભું થઇ સકે છે. તો બીજી તરફ માછીમારોને દરિયો ન ખેડવા સૂચના આપવામાં આવી છે. જેમાં બનાસકાંઠા, અરવલ્લી, સાબારકાંઠા મહીસાગર, મધ્ય ગુજરાત, સૌરાષ્ટ્ર અને કચ્છમાં પણ વરસાદ પડશે. જેને લઇને આગામી બે દિવસ માછીમારોને દરિયો ના ખેડવા સૂચના આપવામાં આવી છે.

આ પણ વાંચો:- રાજ્યના 10 જિલ્લાના 2 લાખથી વ્યક્તિઓને રૂપિયા 408 લાખની કેશડોલ ચૂકવાઇ

રાજ્યના 47 તાલુકામાં સીઝનનો 40 ઈંચ વરસાદ પડ્યો છે. જ્યારે 93 તાલુકાઓમાં 20થી 40 ઈંચ, 100 તાલુકાઓમાં 10થી 20 ઈંચ અને 11 તાલુકાઓમાં 5થી 10 ઈંચ જેટલો વરસાદ નોંધાયો છે. ગુજરાતમાં ગત વર્ષની સરખામણીએ 48 ટકા વધુ વરસાદ ખાબક્યો છે.

આ પણ વાંચો:- 10 લાખ કરોડનું ધોલેરા સ્માર્ટ સિટી બનાવતી કંપની પાણીમાં, 22 ગામો ડૂબ્યા

ઓગસ્ટ મહિનાની શરૂઆતથી ગુજરાતમાં ધોધમાર વરસાદની શરૂઆત થઈ હતી. ગત વર્ષે 12 ઓગસ્ટ સુધીમાં રાજ્યમાં 462 મિમી વરસાદ પડ્યો હતો જેની સામે આ વર્ષે 685 મિમી વરસાદ પડી ચૂક્યો છે. આજદિન સુધીમાં સરેરાશ 84 ટકા વરસાદ પડતા રાજ્યના 8 જેટલા ડેમો હાઈએલર્ટ પર રાખવામાં આવ્યા છે.

જુઓ Live TV:-

ગુજરાતના અન્ય સમાચાર વાંચવા માટે અહીં ક્લિક કરો...