દેશના ઈતિહાસમાં પહેલીવાર 65 ટેસ્ટ, 150 સાક્ષીની જુબાની, રેપ કેસમાં 12 દિવસમાં 1700 પાનાની ચાર્જશીટ

• ગુજરાત પોલીસે એફ.એસ.એલની મદદથી ગુનાને લગતા જરૂરી વૈજ્ઞાનિક પુરાવાઓ એકત્રિત કરાયા
• ​આરોપીને કડકમાં કડક સજા થાય તેવી મજબુત ચાર્જશીટ ફાઇલ કરાઈ
• કુલ ૧૭૦૦ પાનાનું ચાર્જશીટ તૈયાર કરવામાં આવી : ૧૫૦ જેટલા સાહેદો ચેક કરવામાં આવ્યા
• સમગ્ર કેસમાં સ્પેશિયલ પી.પી અમિત નાયરની નિમણુક કરવામાં આવી

ઝી બ્યૂરો, અમદાવાદઃ દાહોદ જિલ્લામાં માસુમ દીકરી સાથે એક શાળાના આચાર્ય દ્વારા આચરવામાં આવેલા દુષ્કર્મ કેસમાં ગુજરાત પોલીસે એફ.એસ.એલની મદદથી ગુનાને લગતા જરૂરી વૈજ્ઞાનિક પુરાવાઓ મેળવી આરોપીને કડકમાં કડક સજા થાય તેવી મજબુત ચાર્જશીટ રેકર્ડઝ બ્રેક ૧૨ દિવસમાં દાખલ કરી છે. જેમાં કુલ ૧૭૦૦ પાનાનું ચાર્જશીટ તૈયાર કરવામાં આવી છે અને ૧૫૦ જેટલા સાહેદો ચેક કરવામાં આવ્યા છે. એટલુ જ નહિ, આ સમગ્ર કેસમાં સ્પેશિયલ પી.પી શ્રી અમિત નાયરની નિમણુક કરવામાં આવી છે તેમ ગૃહ રાજ્ય મંત્રી શ્રી હર્ષ સંઘવીએ જણાવ્યુ છે.

મંત્રીએ કહ્યુ કે, ચાર્જશીટમાં Digital evidence, Forensic DNA analysis, Forensic Biological analysis નો સમાવેશ કરવામાં આવ્યો છે.  તેમા વિશેષ બાબત એ છે કે આ વખતે એપિથિલિયલ કોષોએ શરીરની ત્વચા અને આંતરિક ભાગોમાં આવેલા કોષો છે, જે અત્યંત નાની માત્રામાં પણ મળી શકે છે. ક્રાઇમ દરમ્યાન આવા કોષો મળી આવે ત્યારે ડીએનએ પરીક્ષણ દ્વારા શંકાસ્પદ વ્યક્તિનું ડીએનએ આ કોષો સાથે મેળ ખાતું હોય તો તે વ્યક્તિના ગુનામાં સંડોવાણી પુષ્ટિ થાય છે. આ તકનીક દ્વારા શારીરિક સંપર્કથી મળેલા સૂક્ષ્મ સબુતોનો ઉપયોગ કરીને ગુનાખોરીમાં શંકાસ્પદોની ઓળખ અને ગુનાની સાબિતી આપવામાં ખૂબ જ મહત્વપૂર્ણ ભૂમિકા ભજવાય છે.

મંત્રીએ વધુમાં ઉમેર્યુ કે, Forensic psychological drone crime scene profiling and forensic statement analysis પણ આ કેસમાં કરવામાં આવ્યુ છે. જે અંતર્ગત આ બનાવ કેવી રીતે બન્યો તે રસ્તાનો વીડીયો લેવડાવી, વીડીયો તેમજ તમામ સાહેદોના નિવેદનનો અભ્યાસ કરીને ગુનો કેવી રીતે આચરેલ છે, તેનો સાયક્લોજીકલ અભિપ્રાય છે. 

તે ઉપરાંત Forensic chemistry: બાળકીમા ઝેરની હાજરી હતી કે નહી તેનો ટેસ્ટ પણ કરવામાં આવ્યો છે. Forensic Vehicle analysis:પુરાવાનો નાશ કરવા ગાડી ધોવડાવી છે, પુરાવા નાશ કરવાનો પ્રયત્ન કર્યો છે, તેમા સફળ રહ્યા નથી, આ ટેસ્ટમા પુરવાર થયુ છે. Forensic Toxicology, Forensic Voice Spectrography: આરોપી એ અન્ય સાહેદને ધમકાવ્યા તે ફોનમા રેકર્ડીગ થયુ છે, તેનુ પરીક્ષણ કર્યુ છે, એટલે આરોપીએ ગુનો કર્યાનો પુરાવો પણ મળ્યો છે. નોંધનીય છે કે, આવા બનાવોમાં કોઇ વ્યકિત કે સાક્ષી મળી આવતા ન હોય, ત્યારે આવા વૈજ્ઞાનિક પુરાવાઓ ઘટનાને પુરવાર કરવા માટે મહત્વના સાબિત થતા હોય છે. 

'કોંગ્રેસ રાજનીતિમાં વ્યસ્ત છે, અમે બાળકીને ન્યાય અપાવવામાં વ્યસ્ત છીએ'
ગૃહ રાજ્યમંત્રી હર્ષ સંઘવીએ કહ્યુંકે, કોંગ્રેસના આરોપોને તો કોંગ્રેસના કાર્યકરો પણ નથી માનતા. કોંગ્રેસ જ્યારે આવી ઘટના બને ત્યારે રાજનીતિ કરવામાં વ્યસ્ત હોય છે.  રાત દિવસ એક કરીને અમે રેકોર્ડ બ્રેક ટાઈમમાં આ પુરાવા એકઠાં કર્યા છે. અમે દિકરીને ન્યાય અપાવવામાં વ્યસ્ત છીએ. પુરાવાનો નાશ કરવાનો પ્રયાસ કરાયો હતો. ટૂંક સમયમાં દાહોદ દુષ્કર્મ કેસમાં બાળકી પર બળાત્કાર ગુજારીને તેની હત્યા કરનાર આરોપી આચાર્યને સજા મળે સરકાર તેવા પ્રયાસ સરકાર કરી રહી છે. 

દાહોદ બળાત્કાર કેસમાં મોટો ધડાકોઃ
ધોરણ 6 માં ભણતી બાળકીનો બળાત્કાર અને હત્યા કરવામાં આવી હતી. આ ઘટનામાં ખુદ શાળાના આચાર્ય દ્વારા જ બાળકી સાથે આ પ્રકારનું કૃત્ય  આચારવામાં આવ્યું હતું. બાળકીને હત્યા બાદ તેણે પુરાવાનો નાશ કરવાનો પણ પ્રયાસ કર્યો હતો. જેને પોલીસ અને એફએસએલ તપાસમાં ઘટસ્ફોટ થયો છે.