Police Recruitment ની તૈયારી કરતા ઉમેદવાર માટે સારા સમાચાર, IPS હસમુખ પટેલે ટ્વીટ કરી માહિતી આપી

ગાંધીનગર : પોલીસ ભરતી માટે ગુજરાતના યુવાનો પૂરજોશમાં તૈયારીઓ કરી રહ્યા છે. PSI તથા LRD માટેની તૈયારીઓ કરતા ઉમેદવારો માટે મોટા સમાચાર આવી ગયા છે. IPS હસમુખ પટેલે ટ્વીટ કરી એક મહત્તવપૂર્ણ માહિતી આપી છે. 15 મેદાનો પર ભરતીની શારીરિક ભરતી પ્રક્રિયા કરવાનો નિર્ણય લેવાયો છે. આગામી 3 ડિસેમ્બરથી 29 જાન્યુઆરી સીધી પોલીસ ભરતીની શારીરિક કસોટી થશે. જેના કારણે અત્યારથી 15 સિલેકટેડ મેદાનોમાં તડામાર તૈયારીઓ શરૂ થઈ ગઈ છે. 

IPS હસમુખ પટેલે જણાવ્યું હતું કે, પોલીસ જવાનો ઉમેદવારો માટે રહેવાની વ્યવસ્થા કરી રહ્યા છે. પોલીસ ભરતીમાં ઉમેદવારોને મદદરૂપ થવાના તમામ પ્રયાસો પોલીસના ચાલુ છે. તેમણે ટ્વીટ કરીને આ કાર્યમાં સ્વૈચ્છિક સંસ્થાને મદદ માટે જોડાવા વિનંતી કરી છે.

હસમુખ પટેલે ટ્વીટ કરી જાણકારી આપી

નીચેના ૧૫ મેદાન પર ભરતીની શારીરીક કસોટી તા 3/12/21થી 29/01/22 સુધી થશે. કસોટી સવારે હોવાથી ઉમેદવાર આગલી રાત્રે જે તે શહેરમાં પહોંચશે જિલ્લાના પોલીસ અધિકારી મદદરૂપ થવાના ઉમદા હેતુથી રહેવાની વ્યવસ્થા કરવા પ્રયાસ કરી રહ્યાછે. સ્વૈચ્છિક સંસ્થાઓને તેમાં જોડાવા વિનંતી#LRD_ભરતી pic.twitter.com/we8nxHvnGK

— Hasmukh Patel (@Hasmukhpatelips) November 29, 2021

રિપોર્ટિંગ ટાઈમ પ્રમાણે ઉમેદવારને મેદાનમાં પ્રવેશ આપવામાં આવશે. 6 વાગ્યાના રિપોર્ટિંગ ટાઈમ વાળા ઉમેદવારને 7 વાગ્યાના ટાઈમ વાળા ઉમેદવારથી પહેલા પ્રવેશ આપવામાં આવશે. પરંતુ 7 વાગ્યાના ઉમેદવારોનો પ્રવેશ શરૂ થયા બાદ આવનાર છ વાગ્યાના ઉમેદવારને છેલ્લી બેચમાં દોડાવવામાં આવશે#LRD_ભરતી

— Hasmukh Patel (@Hasmukhpatelips) November 29, 2021

ઉમેદવારને કોઇપણ કારણસર બે કોલલેટર મળેલ હોય તો બંનેમાંથી પહેલી આવતી તારીખે તેમણે શારીરિક કસોટી આપવાની રહેશે. તે તારીખે તે શારીરિક કસોટી નહીં આપે તો તે પછીની તારીખે શારીરિક કસોટી આપી શકશે નહીં.#LRD_ભરતી

— Hasmukh Patel (@Hasmukhpatelips) November 29, 2021

અત્રે ઉલ્લેખનીય છે કે, PSI તથા LRD બન્ને માટે એક જ વખત પરીક્ષા લેવાશે જેની શારીરિક કસોટીની તારીખ જાહેર કરી નાખવામાં આવી છે. 3 ડિસેમ્બરથી દોડની પરીક્ષા શરૂ થશે જે માટેના કોલલેટર OJAS વેબસાઈટ પરથી 26 નવેમ્બરથી કાઢવાની શરૂઆત થઈ ગઈ છે. પોલીસ ભરતીની શારીરીક કસોટી રવિવારના દિવસે રાખવામાં આવેલ નથી. રવિવારના દિવસે અન્ય સ્પર્ધાત્મક પરીક્ષાઓ આપનાર ઉમેદવારોને પણ રાહત આપવામાં આવી છે.

તમને જણાવી દઈએ કે, LRD અને PSI ની ભરતી પર હાલ ગુજરાતભરના યુવાનોની નજર અટકેલી છે. 26 નવેમ્બરથી કોલ લેટર (lrd call letter) ડાઉનલોડ કરવાની પ્રક્રિયા શરૂ કરી નાંખવામાં આવી છે. ઉમેદવારોએ શારીરિક પરીક્ષા માટે કોલ લેટર ડાઉનલોડ કરવાનું શરૂ કરી  નાંખ્યું છે. 

રાજ્યભર (government job) માંથી 9 લાખ 32 હજાર ઉમેદવારો શારીરિક પરીક્ષા આપવાના છે. જેના માટે રાજ્યમાં 15 સ્થળોએ 3 ડિસેમ્બરથી શારીરિક પરીક્ષા શરૂ થશે. એક ગ્રાઉન્ડ પર એક દિવસમાં 1200 થી 1500 ઉમેદવારોની શારીરિક પરીક્ષા લેવાશે. 3 ડિસેમ્બરથી શરૂ થનાર શારીરિક પરીક્ષા જાન્યુઆરી સુધી ચાલશે. જોકે, સાથે જ સૂચના અપાઈ છે કે, રવિવારના દિવસે શારીરિક પરીક્ષા નહીં લેવામાં આવે. જોકે, PSI અને LRD બંને ભરતી માટે એક જ દોડ હોવાથી બંને ફોર્મ ભરનાર ઉમેદવારની પહેલા શારીરિક દોડની પરીક્ષા લેવાશે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube