સુરતમાં કુતરાનો ત્રાસઃ 5 વર્ષની બાળકીને 40-50 ફૂટ સુધી ઘસડી ગયા

તેજશ મોદી/ સુરતઃ તાજેતરમાં જ રાજકોટ અને અમદાવાદમાં કુતરાઓ દ્વારા બાળકીને ઘસડી જવાના વીડિયો બહાર આવ્યા હતા. આવી જ એક ઘટના સુરતમાં બની છે, જેમાં પણ ઘરની બહાર રમી રહેલી બાળકીને કુતરાઓ ઘસડી ગયા હતા. આ ઘટનામાં કુતરાઓએ બાળકીને એ હદ સુધી બાચકા ભર્યા કે તેના દ્રશ્યો હાજર લોકો પણ સમસમી ગયા હતા. 

સુરતની સ્મિમેર હોસ્પિટલમાંથી મળતી માહિતી અનુસાર વરાછા વિસ્તારમાં આવેલા ઈન્દિરા નગર વિસ્તારમાં 5-7 વર્ષની બાળકી પર ઘર નજીક રમી રહી હતી. ત્યાં જ બે હિંસક કૂતરાએ તેના પર હુમલો કરી દીધો હતો. બન્ને કૂતરા માસુમ બાળકીને 40 થી 50 ફુટ સુધી ઘસડી ગયા હતા. બન્ને કુતરાઓએ બાળકીના શરીરે અનેક જગ્યાએ બચકા ભરી લીધા હતા. ઘરેથી રમવા માટે ગયેલી પુત્રી મોડે સુધી પરત ન આવતા પિતા શોધવા નિકળ્યા હતા. 

142 કરોડના ખર્ચે સોલા સિવિલને સુપરસ્પેશિયાલિટી હોસ્પિટલમાં કરાશે તબદીલ

માસુમ પુત્રીને શોધતા શોધતા પિતા નદી કિનારા પાસે પહોંચ્યા ત્યાં તેમની ફુલ જેવી લાડકવાયી લોહીલુહાણ હાલતમાં મળી આવી હતી. ગંભીર રીતે ઘાયલ બાળકીને તાત્કાલિક સારવાર માટે સ્મીમેર હોસ્પિટલ બાદ ખાનગી હોસ્પિટલમાં ખસેડાઈ છે. કુતરાઓ એટલી તીવ્રતાથી બચકું ભર્યું હતું કે, બાળકીની જાડી ચામડી ફાડીને આંતરડા સુધી દાંત ઉતરી ગયા હતા. બાળકીને ઇન્ફેક્શન અને અન્ય રોગોનું જોખમ હોવાને કારણે રાત્રે જ ઓપરેશન કરવાની નોબત આવી હતી. 

ઉલ્લેખનીય છે કે, શહેરમાં બાળકો અને વૃદ્ધો કુતરાના સૌથી વધુ શિકાર બની રહ્યા છે. અનેક હોસ્પિટલોમાં સવારે 10 વાગ્યા સુધી સૌથી 10થી વધુ કુતરા કરડવાના કેસ આવે છે. એમાં પણ બાળકો વધારે હોય છે. હોસ્પિટલોમાં એક દિવસમાં એઆરવી ઈન્ફેક્શનનાં 20 અને એચઆઈજી ઈન્ફેક્શનનાં 10 વાયલ વપરાઈ રહ્યા છે.

ગુજરાતના વધુ સમાચાર જાણવા અહીં કરો ક્લિક...