AMC ની મુલાકાતે આવનારા નાગરિકોએ પણ ચુકવવી પડી શકે છે પાર્કિંગ ફી
Trending Photos
- 5
- 5
- 5
- 5
)
અર્પણ કાયદાવાલા/અમદાવાદ : મોલ મલ્ટીપ્લેક્ષની જેમ હવે અમદાવાદ મ્યુનિસિપલ કોર્પોરેશનમાં આવતા મુલાકાતીઓએ પણ પાર્કિંગ ફી ચૂકવવી પડી શકે છે. મ્યુનિસિપલ કોર્પોરેશનમાં દરરોજ સર્જાતી પાર્કિંગની સમસ્યાના હલ લાવવાના હેતુથી ભાજપના શાસકોએ આ વિચારણા શરૂ કરી છે. સાપ્તાહીક કારોબારી સમિતીની બેઠકમાં આ મુદ્દે વિસ્તૃત ચર્ચા કરવામાં આવી.
નોંધનીય છેકે મ્યુનિસિપલ કોર્પોરેશનમાં વાહનો પાર્ક કરવાની ગંભીર સમસ્યા દરરોજ સર્જાતી રહે છે. કેટલીયવાર તો મેયર અને કમિશ્નરની ગાડીઓને પણ પ્રવેશ કરવામાં મુશ્કેલી પડે છે. ત્યારે આ બાબતે તપાસ કરતા ધ્યાને આવ્યુ છેકે કોર્પોરેશન પ્રાંગણમાં કેટલાય લોકો એવા છે કે આસપાસના વિસ્તારમાં કામ અર્થે અથવા તો પાનકોર નાકા તરફ ખરીદી કરવા આવતા લોકો પણ પોતાના વાહનો કલાકો સુધી AMCમાં પાર્ક કરી દે છે.
જેના કારણે અધિકારીઓ અને પદાધીકારીઓની ગાડીઓ પાર્ક થઇ શકતી નથી. ત્યારે આ મામલે આજે કારોબારી સમિતીમાં વિચારણા કરાઇ. જેમાં AMCમાં નિયમીત કામ અર્થે આવતા અધિકારીઓ, પદાધીકારીઓ અને પત્રકારનો નિયત સ્ટિકર અથવા તો ઓળખપત્ર આપવામાં આવશે. જ્યારે કોઇ કામ અર્થે AMC આવતા અરજદારને પ્રથમ 1 કલાક સુધી વાહન વિનામૂલ્યે મૂકવા દેવામાં આવશે. જે બાદ નક્કી કરવામાં આવનાર દર મૂજબ પાર્કિગ ફી લેવામાં આવશે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
