Paltan Title Track: 'પલટન'નું ટાઇટલ ટ્રેક છે દેશભક્તિથી છલકાતું

મુંબઈ : ફિલ્મ ઇન્ડસ્ટ્રીના જાણીતા ડિરેક્ટર જે.પી. દત્તા પોતાની નવી ફિલ્મ ‘પલટન’થી બોક્સઓફિસ પર ધમાલ મચાવવા તૈયાર છે. થોડા દિવસ પહેલાં આ ફિલ્મનું ટ્રેલર રિલીઝ કરવામાંઆવ્યું હતું. આ ફિલ્મના ટ્રેલરે પણ લોકોનું ધ્યાન પોતાની તરફ ખેંચ્યું હતું. આ મલ્ટિસ્ટારર ફિલ્મ મારફતે 1967માં થયેલા ભારત-ચીન યુદ્ધની હકીકતને દર્શાવવામાં આવશે. 

નોંધનીય છે કે 1962માં પણ ભારત અને ચીન વચ્ચે યુદ્ધ થયું હતું. આ યુદ્ધના પાંચ વર્ષમાં જ ચીને બીજીવાર ભારત પર હુમલો કર્યો હતો. આ ફિલ્મનું ટ્રેલર લોન્ચ થતા જ લોકો આ ફિલ્મની સરખામણી જે.પી. દત્તાની બોર્ડર સાથે કરવા લાગ્યા. હવે આ ફિલ્મના ટાઇટલ ટ્રેકને રિલીઝ કરવામાં આવ્યું છે. 

આ ટાઇટલ ટ્રેકને જાવેદ અખ્તર અને અનુ મલિકે મળીને કમ્પોઝ કર્યું છે. આ ફિલ્મની ખાસિયત એ છે એમાં લાંબો સમય ઘણાં સ્ટાર્સ એકસાથે જોવા મળશે. આ ફિલ્મમાં જેકી શ્રોફ, અર્જુન રામપાલ, સોનુ સુદ, ગુરમીત ચૌધરી, હર્ષવર્ધન રાણે, સિદ્ધાર્થ કપૂર, લવ સિંહા, ઇશા ગુપ્તા, સોનલ ચૌહાણ અને દીપિકા કક્કડ જેવા કલાકારો કામ કરી રહ્યા છે. આ ફિલ્મ 7 સપ્ટેમ્બરે રિલીઝ થવાની છે અને એની ટક્કર હેલિકોપ્ટર ઇલા અને લૈલા મજનૂ જેવી ફિલ્મો સાથે થવાન છે. 

બોલિવૂડના સમાચાર  જાણવા કરો ક્લિક...