દિગ્ગજ અભિનેત્રી સુલોચના લાટકરનું 94 વર્ષની ઉંમરે નિધન, અમિતાભ-દીલિપ કુમાર સાથે કર્યું હતું કામ

મુંબઈઃ  Veteran Actress Sulochna Died: 40થી 50ના દાયકાના દિગ્ગજ અભિનેત્રી રહેલા સુલોચનાનું આજે નિધન થયું છે. અભિનેત્રી લાંબા સમયથી બીમાર હતા. હાલમાં તેમને હોસ્પિટલમાં દાખલ કરવામાં આવ્યા હતા. જાણવા મળ્યું કે અભિનેત્રીને શ્વાસની સમસ્યા હતા. શ્વાસ લેવામાં મુશ્કેલી અને ઉંમર સંબંધિત બીમારીઓને કારણે તેમની તબિયત ખરાબ રહેતી હતી. 

આ પહેલા પણ થયા હતા બીમાર
થોડા સમય પહેલા પણ તેમને હોસ્પિટલમાં દાખલ કરવામાં આવ્યા હતા. સારવાર બાદ રજા આપી દેવામાં આવી હતી. હવે ફરી તબિયત ખરાબ થતા સુલોચનાને મુંબઈની સુશ્રૃષા હોસ્પિટલમાં દાખલ કરવામાં આવ્યા હતા. અહીં સારવાર દરમિયાન તેમનું નિધન થયું છે. 

આવતીકાલે કરાશે અંતિમ સંસ્કાર
અભિનેત્રી સુલોચનાના પુત્રી કાંચ ધાણેકરે આ સમાચારની પુષ્ટિ કરી છે. આવતીકાલે પ્રભાદેવી સ્થિત તેમના ઘર પર અંતિમ દર્શન માટે દિગ્ગજ અભિનેત્રીનું પાર્થિવ શરીર રાખવામાં આવશે. પછી શિવાજી પાર્ક સ્થિત સ્મશાન ભૂમિમાં તેમના અંતિમ સંસ્કાર કરવામાં આવશે. 

આ પણ વાંચોઃ સ્ક્રીન પર પરવીન બાબી બનશે Urvashi Rautela, સોશિયલ મીડિયા પર શેર કરી પોસ્ટ

અભિનેત્રીને વેન્ટિલેટર પર રાખવામાં આવી હતી
સુલોચનાની પુત્રીએ માહિતી આપી હતી કે શનિવારે સુલોચનાની તબિયત બગડી હતી. આ પછી મોડી રાત્રે તેમને વેન્ટિલેટર પર રાખવામાં આવ્યા હતા. આ કારણે તેમને સતત ઓક્સિજન આપવામાં આવી રહ્યો હતો. 3 અઠવાડિયા પહેલા પણ તેમની તબિયત આ જ રીતે બગડી હતી, ત્યારબાદ તેમને હોસ્પિટલમાં દાખલ કરવામાં આવ્યા હતા. સારવાર બાદ તેણી સાજી થઈ ગઈ હતી. જે બાદ તે આરામથી ઘરે આવ્યો હતો. પણ આ વખતે એવું ન થઈ શક્યું.

આ ફિલ્મમોમાં કર્યું કામ
તમને જણાવી દઈએ કે, સુલોચના મરાઠી ફિલ્મ ઈન્ડસ્ટ્રીનો જાણીતો ચહેરો છે. આ સાથે જ તેણે હિન્દી સિનેમામાં પણ પોતાની એક ખાસ ઓળખ બનાવી હતી. અભિનેત્રીએ દેવ આનંદથી લઈને રાજેશ ખન્ના સુધીના મોટા સ્ટાર્સ સાથે કામ કર્યું હતું. તે હિન્દી સિનેમામાં સ્ટાર્સની માતાનો રોલ કરતી જોવા મળી હતી. તો સાથે જ તે ઘણી ફિલ્મોમાં સપોર્ટિંગ રોલમાં પણ જોવા મળી હતી. અભિનેત્રી 40ના દાયકામાં અભિનયની દુનિયામાં સક્રિય થઈ હતી. તેણીએ માત્ર હિન્દી સિનેમામાં 250 થી વધુ ફિલ્મો કરી હતી.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube