ગૌરાંગ ચક્રવર્તી છે Mithun Chakrabortyનુ સાચુ નામ, જન્મદિવસ પર વાંચો તેમની અજાણી વાતો

બોલીવુડમાં ડિસ્કો ડાન્સર બનીને હિન્દી સિનેમામાં પોતાની એક અલગ ઓળખ બનાવનાર મિથુન ચક્રવર્તીનો આજે જન્મદિવસ છે.

Last Updated: Jun 16, 2020, 11:47 AM IST

ગૌરાંગ ચક્રવર્તી છે Mithun Chakrabortyનુ સાચુ નામ, જન્મદિવસ પર વાંચો તેમની અજાણી વાતો

મુંબઈઃ બોલીવુડમાં 'ડિસ્કો ડાન્સર' બનીને હિન્દી સિનેમામાં પોતાની અલગ ઓળખ બનાવનાર મિથુન ચક્રવર્તી (Mithun Chakraborty)નો આજે જન્મદિવસ છે. તેઓ 1980ના દાયકામાં પોતાના સૂવર્ણ સમયમાં એક ડાઉન્સિંગ સ્ટારના રૂપમાં ઉભર્યા હતા. તેમની અલગ પ્રકારની ડાન્સ સ્ટાઇલ લોકોને ખુબ પસંદ આવી હતી. મિથુન દાનો જ્મ 16 જૂન 1952માં થયો હતો. તેમનું સાચુ નામ ગૌરાંગ ચક્રવર્તી છે.

પોતાના જમાનાના સુપરસ્ટાર રહેલા મિથુન દા ફિલ્મ અભિનેતા હોવાની સાથે-સાથે સામાજીક કાર્યકર્તા અને રાજ્યસભાના સાંસદ પણ રહી ચુક્યા છે. મિથુન દાનું રાષ્ટ્રીય ફિલ્મ પુરસ્કારથી પણ સન્માન કરવામાં આવી ચુક્યું છે. પોતાના કરિયરની શરૂઆત કલા ફિલ્મ મૃગયા (1976)થી કરી હતી. આ ફિલ્મમાં તેમને સર્વશ્રેષ્ઠ અભિનેતા માટે પ્રથમ રાષ્ટ્રીય પુરસ્કાર મળ્યો હતો.

મિથુન દાના ડાન્સે તેમને એક અલગ ઓળખ અપાવી હતી. મિથુન દાએ વર્ષ 1982માં ખુબ મોટી હિટ ફિલ્મ ડિસ્કો ડાન્સરમાં સ્ટ્રીટ ડાન્સર જમિમીની ભૂમિકા ભજવી હતી. તેમને આ કેરેન્ટર દર્શકોમાં લોકપ્રિય બનાવ્યા હતા. મિથુન દાને બે ફિલ્મ ફેર એવોર્ડ અને 3 નેશનલ એવોર્ડ મળ્યા છે. બોલીવુડના ઈતિહાસમાં તે એક સફળ અભિનેતાઓમાંથી એક છે.