રિલીઝ પહેલા જ વિવાદોમાં ફસાઈ સૈફની દીકરી સારાની ‘કેદારનાથ’

નવી દિલ્હી : પાંચ વર્ષ પહેલા કેદારનાથમાં આવેલ પ્રલયકારી પૂરની ઘટનાની પૃષ્ઠભૂમિ પર આધારિત સારા અલી ખાન અને સુશાંત સિંહ રાજપૂત સ્ટારર ફિલ્મ કેદારનાથનું ટીઝર અને પ્રોમો રિલીઝ થતા જ વિવાદોમાં ઘેરાયું છે. ફિલ્મ આગામી મહિનામાં રિલીઝ થવાની છે. 

ઉત્તરાખંડમાં સ્થિત કેદારનાથ ક્ષેત્રમાં વર્ષ 2013માં આવેલ ભીષણ પૂર સાથે જોડાયેલ ઘટનાક્રમ પર આધારિત આ ફિલ્મનો કેદારનાથના તીર્થ પુરોહિતોથી લઈને રાજનીતિક દળોએ વિરોધ કર્યો છે. ફિલ્મના વિરોધમાં ઉતરેલા લોકોએ ફિલ્મના હીરો-હીરોઈન વચ્ચે બતાવેલ અંતરંગ દ્રશ્યોને ધાર્મિક આસ્થા સાથે છેડછાડ બતાવતા આપત્તિ વ્યક્ત કરી છે. 

વિરોધ કરી રહેલા લોકોએ ફિલ્મની કથા પર વિરોધ વ્યક્ત કર્યો છે. તેમનું માનવુ છે કે, આ ફિલ્મ લહ જેહાદનું સમર્થન કરી રહી છે. 7 ડિસેમ્બરના રોજ રિલીઝ થઈ રહેલી અભિષેક કપૂર નિર્દેશિત આ ફિલ્મ પૂરમાં ફસાયેલી એક હિન્દુ શ્રદ્ધાળુને મુસ્લિમ દ્વારા બચાવાયા બાદ તેમના વચ્ચે પાંગરેલા પ્રેમને દર્શાવતી કહાની છે. 

ઉત્તરાખંડમાં સત્તારુઢ ભારતીય જનતાપ પાર્ટી જોકે, આ વિવાદને લઈને કંઈ બોલી નથી રહી. પરંતુ તેનું માનવું છે કે, સિદ્ધાંતિક રીતે ધાર્મિક સ્થળો સાથે જોડાયેલી પરંપરાઓ અને આસ્થાઓનું પૂરતુ ધ્યાન રાખવું જરૂરી હતું અને એ પણ જોવાનું હતું કે કોઈની ભાવનાને ઠેસ ન પહોંચે.

ગત કેટલાક દિવસોમાં ફિલ્મનું ટીઝર અને પ્રોમ રજૂ થયા બાદ કેદારનાથના સતેરાખાલ અને તેના આસપાસના સ્થાનિક લોકોએ તેના વિરુદ્ધમાં પ્રદર્શન શરૂ કર્યાં. તેમણે ફિલ્મના પોસ્ટર, નિર્દેશક, હીરો-હીરોઈનના પૂતળા બાળ્યા હતા. 

વિરોધમાં સામેલ સામાજિક કાર્યકર્તા ગંભીર વિષ્ટએ કહ્યું કે, એવું સ્પષ્ટ દેખાય છે કે, ફિલ્મ બનાવનારાએ હિન્દુ ધર્મની આસ્થાને દુભાવી છે. આવનારા સમયમાં જો ફિલ્મમાં આવા દ્રશ્યો ન હટાવવામા આવ્યા તો પ્રદેશ વ્યાપી આંદોલન કરવામાં આવશે. આ બાબતે ઉત્તરાખંડ પ્રદેશ ભાજપા પ્રવક્તા ડો.દેવેન્દ્ર ભસીને કહ્યું કે, સિદ્ધાંતિક દ્રષ્ટિથી ધાર્મિક સ્થળો સાથે જોડાયેલ આસ્થાઓ અને પરંપરાઓને ધ્યાનમાં જરૂર લેવી જોઈએ. એ જોવું જોઈએ કે, કોઈની લાગણી તેનાથી દુભાવી ન જોઈએ.