હેમા માલિની માટે પ્રચાર કરશે ધર્મેન્દ્ર, ત્રણ વિધાનસભા વિસ્તારમાં કરશે જનસભા

મથુરાઃ ભાજપના ઉમેદવાર હેમા માલિની માટે તેમના પતિ અને બોલીવુડ અભિનેતા ધર્મેન્દ્ર રવિવારે અહીં ચૂંટણી પ્રચાર કરશે. તેઓ ત્રણ વિધાનસભા વિસ્તારમાં જાટ બહુમતીવાળા વિસ્તારમાં સભાઓ કરશે. આ સાથે સોમવારે ગૃહપ્રધાન રાજનાથ સિંહ પણ મથુરાના ચૈમુહામાં એક સભા સંબોધિત કરશે. 

ભાજપના સૂત્રો અનુસાર પૂર્વ સાંસદ તથા ફિલ્મી દુનિયામાં 'હી-મૈન'ના નામથી જાણીતી પીઢ અભિનેતા ધર્મેન્દ્ર પાર્ટી ઉમેદવારના સમર્થનમાં આયોજીત થનારી સભાઓને સંબોધિત કરવા માટે મથુરા પહોંચી રહ્યાં છે. 

આ વિસ્તારમાં કરશે જનસભા
સૂત્રો પ્રમાણે તેઓ રવિવારે ત્રણ અલગ-અલગ વિધાનસભા ક્ષેત્રોમાં એક-એક જનસભાને સંબોધિત કરશે. તેમની પ્રથમ સભા ગોવર્ધન ક્ષેત્રના ખૂંટૈલ પટ્ટીના જાટ બહુલ સૌંખ વિસ્તારમાં હશે. 

બીજી સભા બલદેવ વિધાનસભા ક્ષેત્રમાં છે. જ્યાં ચૂંટણી સભાની સાથે તેઓ રોડ-શો પણ કરશે. આ સિવાય માંટ વિધાનસભા વિસ્તારમાં પણ એક જનસભાને સંબોધિત કરશે. 

સોમવારે ગૃહપ્રધાન રાજનાથ સિંહ પણ મથુરામાં છાતા વિધાનસભા ક્ષેત્રના ચૈમુહાં ગામમાં એક જનસભાને સંબોધિત કરશે.