બોલ્ડ સીનની વાત સાંભળીને સેટ પરથી ભાગી ગઈ હતી હેમા અને ડિમ્પલ, પછી ઝીનતે કરી જમાવટ!

Satyam Shivam Sundaram: હિન્દી સિનેમામાં અનેક ફિલ્મો બની અને રૂપેરી પડદા પર રિલીઝ થઈ. જેને લાખો-કરોડો દર્શકોએ પસંદ કરી અને એ કલાકારોને પણ પોતાના દિલોમાં ખાસ સ્થાન આપ્યું. પણ શું તમે જાણો છો, કે જેટલી દિલચસ્પ ફિલ્મની કહાની હોય છે એટલી જ દિલચસ્પ ફિલ્મ મેકિંગ અને તેની પ્રોસેસિંગ વખતની પડદા પાછળની કહાની હોય છે. આવી જ એક કહાની વિતેલા જમાનાની જાંજરમાન અભિનેત્રીઓ સાથે જોડાયેલી છે. 

હિન્દી સિનેમામાં એવી અનેક ફિલ્મો બની હશે જેમાં કલાકારો તેનો ભાગ બનવા માટે ખૂબ જ ઉત્સુક હોય. પરંતુ કેટલીક ફિલ્મો એવી હતી કે જે કરવાનું ટાળવા માટે કલાકારો બહાના શોધતા હતા. આવી જ એક ફિલ્મ સત્યમ શિવમ સુંદરમ હતી જે વર્ષ 1978માં આવી હતી અને ઝીનત અમાનની બોલ્ડનેસે બધાને ચોંકાવી દીધા હતા. પરંતુ ઝીનત પહેલા આ ફિલ્મ બે મોટી અભિનેત્રીઓને ઓફર કરવામાં આવી હતી અને બંનેએ તેને ઠુકરાવી દીધી હતી.

જ્યારે હેમા અને ડિમ્પલ રૂપા બનવાથી ડરી ગયા હતા-
એવું કહેવાય છે કે તે સમયે રાજ કપૂરે ડિમ્પલ કાપડિયાને આ રોલ ઑફર કર્યો હતો. પરંતુ જ્યારે તેણીએ રૂપા નામના આ પાત્ર વિશે સાંભળ્યું ત્યારે તે થોડી અચકાઈ. તે ખૂબ જ બોલ્ડ હતી જે તે સમયે ડિમ્પલ એ બનવા માંગતી ન હતી. તેથી તેણે તે કરવાની ના પાડી. અને હેમા માલિનીને પણ આ રોલ ઓફર કરવામાં આવ્યો હતો. રિપોર્ટ્સનું માનીએ તો તે રાજ કપૂરના કહેવા પર સેટ પર પણ પહોંચી હતી અને જ્યારે તેને લુક ટેસ્ટ માટે કપડા મળ્યા તો તે રીતસરની ગભરાઈ ગઈ હતી. તે રોલ તેની ઈમેજ મુજબનો ન હતો, તેથી તે ખૂબ જ ડરી ગઈ હતી, પરંતુ તે રાજ કપૂરને સીધી રીતે ના પાડી શકી ન હતી, તેથી તે ચુપચાપ કોઈ જાણ કર્યા વગર જતી રહી. જ્યારે રાજ કપૂરને ખબર પડી ત્યારે તેઓ સમજી ગયા કે હેમા આ પાત્ર ભજવવા માગતી નથી.

ઝીનત અમાને ભૂમિકા નિભાવી હતી-
તે સમયે ઝીનત અમાન ઈન્ડસ્ટ્રીમાં નવી હતી. તેથી જ્યારે રાજ કપૂરે તેને આ રોલ ઓફર કર્યો ત્યારે તેણે તેને જવા ન દીધો પરંતુ તક ઝડપી લીધી. તે સમયે રાજ કપૂરે 85 લાખ રૂપિયામાં આ ફિલ્મ બનાવી હતી અને તેના ભાઈ શશિ કપૂરને હીરો તરીકે લીધો હતો. આ ફિલ્મ રિલીઝ થઈ અને જબરદસ્ત હિટ બની. થોડી જ વારમાં ફિલ્મની હિરોઈન અને ફિલ્મની કમાણી વિશે બધે ચર્ચાઓ થવા લાગી. ત્યારે આ ફિલ્મે 4.5 કરોડની કમાણી કરી હતી.