કોરોના કાળમાં જોખમ ઉઠાવ્યું : લાખોની નોકરી છોડી બનાવી પોતાની બ્રાન્ડ, 6 મહિનામાં ટર્નઓવર 7000 કરોડ

નવી દિલ્હીઃ ભારતમાં ઝડપથી વિકસતા સ્ટાર્ટઅપ કલ્ચરને કારણે યુવા સાહસિકો સફળતાના નવા અધ્યાય લખી રહ્યા છે. લાખો રૂપિયાની નોકરીઓ છોડીને ઘણા યુવાનો પોતાના સ્ટાર્ટઅપ શરૂ કરી રહ્યા છે અને લોકોને નોકરી આપી રહ્યા છે. આ એપિસોડમાં અમે તમને એક એવા યુવા ઉદ્યોગસાહસિકની સ્ટોરી કહેવા જઈ રહ્યા છીએ, જેણે 6 મહિનામાં 7.5 હજાર કરોડ રૂપિયાની કંપની સ્થાપી દીધી છે.

2019માં અનંત નારાયણે પ્રખ્યાત ઈ-કોમર્સ સાઇટ Myntra માં ટોચના મેનેજમેન્ટની નોકરી છોડીને પોતાનો વ્યવસાય શરૂ કર્યો હતો. તેમની પેઢી મેન્સા બ્રાન્ડ માત્ર 6 મહિનામાં એક અબજ ડોલરની કંપની બની ગઈ છે. નારાયણન તેમની મેન્સા બ્રાન્ડ્સ દ્વારા લગભગ 30 બ્રાન્ડ્સને સર્વિસ પૂરી પાડે છે. નારાયણન આગામી 10 વર્ષમાં આ સંખ્યાને 300 સુધી લઈ જવાની યોજના ધરાવે છે.

આ પણ વાંચોઃ 31000% વધી ગયો આ નાનો શેર, 10 હજાર રૂપિયાના બનાવી દીધા 3100000 રૂપિયા

ઘણી મલ્ટીનેશનલ કંપનીઓમાં કામ કર્યું
અનંત નારાયણન ઓનલાઈન ફેશન કંપની મિંત્રાના સીઈઓ રહી ચૂક્યા છે. તેમણે મદ્રાસ અને મિશિગન યુનિવર્સિટીમાંથી અભ્યાસ પૂરો કર્યો. CEO તરીકે Myntra-Jabong ની આગેવાની કરતા પહેલાં નારાયણન અગ્રણી બહુરાષ્ટ્રીય કંપનીઓ જેમ કે McKinsey & Company માટે કામ કરતા હતા. આ પછી તે મેડલાઇફના સહ-સ્થાપક હતા.

કંપની કોવિડ યુગમાં શરૂ થઈ હતી
અનંત નારાયણને મેન્સા બ્રાન્ડ્સની સ્થાપના કરી, જે દેશની પ્રથમ ઈ-કોમર્સ રોલ-અપ કંપની બની છે. જેનું મૂલ્ય $1.2 બિલિયન છે. આ કંપની મે 2021 માં કોવિડ રોગચાળા વચ્ચે શરૂ કરવામાં આવી હતી. BQ પ્રાઇમ રિપોર્ટ અનુસાર, તે વર્ષે નવેમ્બરમાં આશરે રૂ. 1,005 કરોડ એકત્ર કર્યા પછી તેમણે રૂ. 7,447 કરોડના મૂલ્યાંકન સુધી પહોંચીને યુનિકોર્નનો દરજ્જો પ્રાપ્ત કર્યો હતો. મેન્સા યુએસમાં Thras.io ના બિઝનેસ આઈડિયા પર આધારિત છે. દેશની નાની બ્રાન્ડ વધુ સારી રીતે ઉભરી શકે તે માટે તે વિવિધ બ્રાન્ડ્સને ટેકનિકલ સેવાઓ પૂરી પાડવાનું પ્લેટફોર્મ છે.

આ પણ વાંચોઃ બાળકોના નામ પર દર મહિને ડિપોઝિટ કરો 5,000 રૂપિયા, 20 વર્ષની ઉંમર સુધી બની જશે 50 લાખ

કંપનીનો વાર્ષિક વિકાસ દર 100 ટકા છે. બિઝનેસ ટુડેના રિપોર્ટ અનુસાર, ડિસેમ્બર 2022માં હૈદરાબાદ સમિટમાં નારાયણને કહ્યું હતું કે મેન્સા બ્રાન્ડ્સ આગામી 10 વર્ષમાં 1000 કરોડ રૂપિયાથી વધુની 300 બ્રાન્ડ્સ બનાવવાનું લક્ષ્ય ધરાવે છે.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube