કર્મચારી પેન્શન યોજનાઃ હવે નોકરિયાત વર્ગને પહેલા કરતા વધુ પેન્શન મળશે! જલદી જ થઇ શકે છે મોટી જાહેરાત

નવી દિલ્હીઃ કર્મચારી પેન્શન યોજનાઃ નોકરિયાત વર્ગ તરફથી લાંબા સમયથી 'પેન્શન સ્કીમ-1995' હેઠળ  લઘુત્તમ પેન્શન વધારવાની માંગ કરવામાં આવી રહી છે. જો કે આ અંગે સુપ્રીમ કોર્ટમાં મામલો પેન્ડિંગ છે. પરંતુ આ દરમિયાન નોકરીયાત વર્ગ માટે વધુ એક સારા સમાચાર આવી રહ્યા છે.

નવી પેન્શન યોજના લાવવાની યોજના!
સહયોગી ચેનલ Zee Business દ્વારા પ્રાપ્ત માહિતી અનુસાર, EPFO ​​વધુ સારી ફિક્સ્ડ પેન્શન માટે નવી પેન્શન સ્કીમ લાવવાની યોજના બનાવી રહ્યું છે. નવી યોજના હેઠળ, કર્મચારીને પેન્શનની નિશ્ચિત રકમ પસંદ કરવાનો વિકલ્પ મળશે. સારી વાત એ છે કે તેમાં નોકરિયાત વર્ગ ઉપરાંત એમ્પલોયડ પણ રજિસ્ટર થઇ શકશે.

પેરાસિટામોલ પર ચોંકાવનારો દાવો, ખાતાં પહેલાં વાંચી લો આ સમાચાર, નહી ઉભી થશે નવી મુશ્કેલી

વધુ પેન્શન મેળવવાનો વિકલ્પ
પેન્શન માટે તમારે કેટલી રકમનું કોન્ટ્રીબ્યૂશન કરવું પડશે, તે પગાર અને સેવાની બાકીની લંબાઈના આધારે નક્કી કરવામાં આવશે. સૂત્રોના જણાવ્યા અનુસાર EPFO ​​તરફથી નવી ફિક્સ્ડ પેન્શન સ્કીમ લાવવાની તૈયારી કરવામાં આવી રહી છે. ફિકસ્ડ પેન્શનની રકમ જે યોગદાન આપે છે તેના આધારે નક્કી કરવામાં આવશે. તમને જોઈતી પેન્શનની રકમ અનુસાર પણ તમારે યોગદાન આપવું પડશે.

હવે 1250 રૂપિયા પ્રતિ માસની મર્યાદા
જોકે EPFO ​​એમ્પ્લોઇ પેન્શન સ્કીમ-1995ના વિકલ્પની તૈયારી કરી રહ્યું છે. EPS માં હાલની રકમ સંપૂર્ણપણે ટેક્સ ફ્રી છે. પરંતુ, તેમાં લઘુત્તમ પેન્શન ખૂબ જ ઓછું છે. જેને વધારવા માટે શેરધારકો દ્વારા વારંવાર માંગ કરવામાં આવે છે. હાલમાં, દર મહિને 1250 રૂપિયા સુધી મહત્તમ કોન્ટ્રીબ્યૂશનની લિમિટ છે. એવામાં વધુ પેન્શનની સુવિધા માટે, EPFO ​​નોકરીયાત લોકોને વિકલ્પ આપવાની તૈયારી કરી રહ્યું છે.

EPS નો હાલનો નિયમ
કર્મચારી ભવિષ્ય નિધિ (EPF) ના સભ્ય બનતાં તે આપમેળે EPS ના સભ્ય બની જાય છે. નિયમો અનુસાર, કર્મચારીના મૂળ પગારના 12%નું યોગદાન પીએફમાં જાય છે. આ જ ભાગ એમ્પ્લોયર વતી કર્મચારીના નામે EPFમાં જમા કરાવવામાં આવે છે. જો કે, એમ્પ્લોયરના યોગદાનના 8.33% EPSમાં જમા થાય છે. એટલે કે EPS મૂળ પગારના 8.33% છે. જો કે, પેન્શનપાત્ર પગારની મહત્તમ મર્યાદા 15,000 રૂપિયા છે. એવામાં દર મહિને પેન્શન ફંડમાં વધુમાં વધુ 1250 રૂપિયા જ જમા કરાવી શકાય છે.

મળી ગયો જવાબ, આખરે કેમ સુહાગરાતના દિવસે ગુલાબના ફૂલથી શણગારવામાં આવે છે રૂમ

આ રીતે થાય છે પેન્શનની ગણતરી
- EPS ગણતરી માટેની ફોર્મ્યુલા = માસિક પેન્શન = (EPS એકાઉન્ટમાં પેન્શનપાત્ર પગાર x વર્ષ યોગદાનની સંખ્યા) /70.
- જો કોઈ વ્યક્તિનો માસિક પગાર (છેલ્લા 5 વર્ષના પગારની સરેરાશ) 15,000 રૂપિયા છે અને નોકરીની અવધિ 30 વર્ષ છે, તો તેને દર મહિને (15,000 X 30) / 70 = 6428 રૂપિયાનું પેન્શન મળશે.

લિમિટ હટી તો કેટલું પેન્શન?
જો 15 હજારની મર્યાદા દૂર કરીને 30 હજાર કરવામાં આવે છે, તો તમને ફોર્મ્યુલા (30,000 X 30) / 70 = 12,857 રૂપિયા પ્રતિ મહિને પેન્શન મળશે.

સેલ્ફ એમ્પલોયડ માટે સારા સમાચાર
હાલમાં, EPS માં માત્ર પગારદાર વર્ગ માટે જ પેન્શનનો વિકલ્પ છે. પરંતુ જો નવો નિયમ લાગુ થશે તો સેલ્ફ એમ્પ્લોયડ પણ પોતાની નોંધણી કરી શકશે. આ કિસ્સામાં, પેન્શનની રકમ સ્વ-રોજગાર વ્યક્તિ દ્વારા કરવામાં આવેલા યોગદાન દ્વારા નક્કી કરવામાં આવશે. એટલે કે, તમે જે પેન્શન ઇચ્છો છો તે મુજબ તમારે યોગદાન આપવું પડશે.

તમને જણાવી દઈએ કે હવે EPSની રકમ સંપૂર્ણપણે ટેક્સ ફ્રી છે. નવો નિયમ આવ્યા બાદ હાલની EPS-95 પેન્શન સ્કીમ પણ ચાલુ રહેશે. એટલે કે સરકાર EPSનો વિકલ્પ આપવાની તૈયારી કરી રહી છે. જેની મદદથી લોકો ભવિષ્યમાં વધુ પેન્શન મેળવવા માટે યોગદાન આપી શકે છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube