ગુજરાતમાં ભડકે બળ્યા CNG ના ભાવ, Adani એ CNG ના ભાવમાં કર્યો વધારો

બ્રિજેશ દોશી/ગાંધીનગર :ગુજરાતમાં અદાણીએ ફરી એક વખત CNG ના ભાવમાં વધારો કર્યો છે. CNG ગેસમાં 1.99 રૂપિયાનો ભાવ વધારો ઝીંકાયો છે. ત્યારે CNG નો જૂનો ભાવ 83.90 રૂપિયાથી વધારી આજથી નવો ભાવ 85.89 રૂપિયા લાગુ થશે. આજથી આ નવો ભાવ અમલી થશે. જેથી નાગરિકોના ખિસ્સા પર બોજ પણ વધશે. 

• CNG નો જૂનો ભાવ 83.90 રૂપિયા 
• CNG નો નવો ભાવ 85.89 રૂપિયા 

દેશમાં સતત વધી રહેલી મોંઘવારીએ જનતાની કમરતોડી નાખી છે. પેટ્રોલ-ડીઝલ, સીએનસી, રસોઈ ગેસ, શાકભાજી, દૂધ સહિત ખાવા-પીવાની વસ્તુના ભાવમાં સતત વધારો થઈ રહ્યો છે. મોંઘવારીથી જનતા ત્રસ્ત છે. જીવન જરૂરિયાતની દરેક વસ્તુઓના ભાવ પણ આસમાને પહોંચી ગયા છે. ત્યારે હવે અદાણીએ ગેસના ભાવ વધાર્યાં છે.

આ પણ વાંચો : આ પહાડી પર શિવજી કૈલાસમાંથી સ્વંયભૂ પધાર્યા હતા, અહીં થયુ હતું શિવ-પાર્વતીનું મિલન

પાંચ રાજ્યોની ચૂંટણી બાદ ભાવ વધ્યા 
લાંબા સમયથી પેટ્રોલ-ડીઝલ અને એલપીજી ગ્રાહકોને મોંઘવારીનો માર પડવાનું શરૂ થઇ ગયું હતું. પેટ્રોલ તેમજ ડીઝલ પર હવે મોંઘવારીનો માર પડવાનું શરૂ થઈ ગયું છે. તે પહેલા જ સીએનજીના ભાવ વધવાની શરૂઆત થઈ ગઈ છે. દેશમાં પાંચ રાજ્યોમાં થયેલા વિધાનસભા ચૂંટણી પૂરી થઈ ત્યારથી ચૂંટણીના પરિણામ બાદ તેની અસર ભાવ પર પડવા લાગી છે. કિંમતોમાં વધારો વૈશ્વિક સ્તર પર તેલના વધુ ભાવ બોલાઈ રહ્યાં છે. તો બીજી તરફ, સીએનજીના ભાવ પણ વધી ગયા છે, આવામાં એટલુ તો સ્પષ્ટ છે કે, આગામી દિવસોમાં પેટ્રોલ-ડીઝલના ભાવમાં તેજી જોવા મળી શકે છે. ગુજરાતમાં આજથી અદાણીએ સીએનજીમાં નવો ભાવવધારો લાગુ કર્યો છે.