മാംസാഹാരം കഴിക്കാതെ സസ്യാഹാരങ്ങൾ മാത്രം കഴിക്കുന്ന നിരവധി പേരുണ്ട്. കൊളസ്ട്രോൾ, പ്രമേഹം എന്നിവയെ നിയന്ത്രിക്കാൻ സസ്യാഹാരം ശീലമാക്കുന്നത് നല്ലതാണ്. എന്നാൽ, സസ്യാഹാരം മാത്രം കഴിക്കുന്നവരിൽ വൈറ്റമിൻ ബി12 പോലുള്ള പോഷകങ്ങളുടെ കുറവുണ്ടാകാം.
വൈറ്റമിൻ ബി12 ധാരാളം അടങ്ങിയ ഒന്നാണ് പശുവിൻ പാൽ. പാലിൽ അടങ്ങിയിരിക്കുന്ന വൈറ്റമിൻ ബി12 ശരീരത്തിന് വലിച്ചെടുക്കാനും എളുപ്പമാണ്.
ന്യൂട്രീഷണൽ യീസ്റ്റിൽ വൈറ്റമിൻ ബി12 വലിയ തോതിലുണ്ട്. പോപ്കോണിലോ സാലഡിലോ വിതറിയോ സൂപ്പിൽ ചേർത്തോ ന്യൂട്രീഷണൽ യീസ്റ്റ് കഴിക്കാം.
സമ്പുഷ്ടീകരിച്ച ധാന്യങ്ങൾ വൈറ്റമിൻ ബി12ന്റെ സമ്പന്നമായ ഉറവിടമാണ്. ഓട് ബ്രാൻ ഫ്ലേക്സ്, കോൺ ഫ്ലേക്സ് എന്നിവയെല്ലാം ഭക്ഷണത്തിന്റെ ഭാഗമാക്കാം.
സോയ പനീറും വൈറ്റമിൻ ബി12 അടങ്ങിയ ഭക്ഷണമാണ്. ടൊഫു എന്നറിയപ്പെടുന്ന സോയ പാൽ കൊണ്ടാണ് ഈ പനീർ ഉണ്ടാക്കുന്നത്.
വൈറ്റമിൻ ബി12ന്റെ നല്ല സ്രോതസാണ് യോഗർട്ട്. മാംസാഹാരത്തിൽ കോഴിയിറച്ചിയിലും പോർക്ക് ഇറച്ചിയിലുമാണ് വൈറ്റമിൻ ബി12 ധാരാളമായി അടങ്ങിയിരിക്കുന്നത്. കോഴിയിറച്ചിയിലെയോ പോർക്ക് ഇറച്ചിയിലെയോ വൈറ്റമിൻ ബി12നേക്കാൾ എളുപ്പത്തിൽ യോഗർട്ടിലെ വൈറ്റമിൻ ബി12 ശരീരത്തിന് വലിച്ചെടുക്കാൻ സാധിക്കും.
