ഇന്നത്തെ ദിവസം 12 രാശിക്കാർക്കും വ്യത്യസ്ത ഫലങ്ങളാണ് ലഭിക്കുക. ചിലർക്ക് ഈ ദിവസം മികച്ചതായിരിക്കുമ്പോൾ മറ്റ് ചിലരെ മോശം അനുഭവങ്ങളായിരിക്കും കാത്തിരിക്കുന്നത്.
Today's horoscope 12th June 2024 in Malayalam: പന്ത്രണ്ട് രാശിക്കാർക്കും അതിൻ്റേതായ സവിശേഷതകളുണ്ട്. മേടം, ഇടവം, മിഥുനം, കർക്കടകം, ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം എന്നീ ഓരോ രാശികൾക്കും പ്രത്യേകം ഫലങ്ങളുണ്ട്. അവ എന്തൊക്കെയാണെന്ന് നോക്കാം.
മേടം: മേടം രാശിക്കാർ അവരുടെ കംഫർട്ട് സോണിൽ നിന്ന് പുറത്തുകടക്കേണ്ട ദിവസമാണിത്. എന്ത് കാര്യത്തിലായാലും ഇന്ന് സഹായം ആവശ്യപ്പെടുന്നതിൽ മടി കാണിക്കേണ്ട ആവശ്യമില്ല. നിങ്ങളുടെ ബന്ധങ്ങളിൽ നിന്ന് പൂർണ്ണ പിന്തുണ ലഭിക്കും. ഇവർ എല്ലാം ഒറ്റയ്ക്ക് കൈകാര്യം ചെയ്യേണ്ടതില്ല. രാവിലെ അൽപ്പ നേരം സൂര്യപ്രകാശം ഏൽക്കുന്നതും നടക്കാൻ പോകുന്നതുമെല്ലാം മാനസികാവസ്ഥ, ഉറക്ക പ്രശ്നങ്ങൾ, മെറ്റബോളിസം എന്നിവയ്‌ക്കും ഇവർ അഭിമുഖീകരിക്കുന്ന മറ്റെന്തെങ്കിലും പ്രശ്നങ്ങൾക്കുമുള്ള പരിഹാരമായിരിക്കും.
ഇടവം: കരിയറിൽ ഉയർച്ച നേടാൻ ആവശ്യമായ കാര്യങ്ങൾ ഇന്ന് ചെയ്യുക. അതിനായി ഇവർ സ്വന്തം കാഴ്ചപ്പാട് മാറ്റാൻ ശ്രമിക്കുക. സഹായം ചോദിക്കാൻ തയ്യാറാണെങ്കിൽ സുഹൃത്തുക്കൾ സഹായിക്കാൻ തയ്യാറായേക്കാം. പെട്ടെന്ന് അവസരങ്ങൾ ലഭിക്കാനുള്ള സാധ്യത മുന്നിൽക്കണ്ട് തയ്യാറായിരിക്കുക. ചുറ്റുമുള്ളവർക്ക് ഇടംനൽകാൻ ശ്രമിക്കുക.
മിഥുനം: മിഥുനം രാശിക്കാർ വാക്കുകളിലും സംസാരത്തിലും മിതത്വം പാലിക്കുക. കാര്യങ്ങളെ കൂടുതൽ വൈകാരികമായി എടുക്കാതിരിക്കാൻ ശ്രദ്ധിക്കുക. ശരീരത്തിന്റെ ആരോഗ്യത്തിന് ആവശ്യമായ കാര്യങ്ങൾ ചെയ്യുക. ഭക്ഷണ കാര്യങ്ങളിൽ കൂടുതൽ ശ്രദ്ധ വേണം. സമ്മർദ്ദങ്ങൾക്ക് കീഴ്പ്പെടാതെ സ്വയം വിശ്രമിക്കാൻ ആവശ്യമായ സമയം കണ്ടെത്തുക.
കർക്കടകം: ഈ രാശിക്കാർ ഇന്നത്തെ ദിനം ആത്മനിയന്ത്രണം പാലിക്കേണ്ടത് അത്യാവശ്യമാണ്. സംഘർഷം എല്ലായ്പ്പോഴും അനിവാര്യമല്ലെന്ന് മനസ്സിലാക്കണം. ഇന്ന് പല പ്രതിസന്ധികളും നേരിടേണ്ടി വന്നേക്കാം. ജീവിതം എപ്പോഴും നേർരേഖയിൽ മാത്രം സഞ്ചരിക്കില്ലെന്ന വസ്തുത മനസിലുണ്ടാകണം. ജോലിക്കാര്യങ്ങളിൽ കൂടുതൽ ശ്രദ്ധ ആവശ്യമാണ്. ബന്ധങ്ങൾക്ക് മുൻഗണന നൽകാനും ലക്ഷ്യങ്ങൾ പോലെ അവയെ പരിപോഷിപ്പിക്കാനും ശ്രമിക്കുക.
ചിങ്ങം: ചിങ്ങം രാശിക്കാർ അവരുടെ ലക്ഷ്യങ്ങളിൽ ശ്രദ്ധ കേന്ദ്രീകരിക്കുക. കംഫർട്ട് സോണിന് പുറത്ത് കടക്കാനുള്ള ഭയത്തെ മറികടക്കുക. റിസ്ക്ക് എടുക്കുന്നതിനെക്കുറിച്ചുള്ള ആശങ്കകൾ സ്വാഭാവികമായി ഉണ്ടാകാം. സമ്മർദ്ദങ്ങൾക്ക് കീഴടങ്ങാതെ അവസരങ്ങൾ തേടാനും സൃഷ്ടിക്കാനും നിങ്ങളുടെ സർഗ്ഗാത്മകത ഉപയോഗിക്കുക.
കന്നി: വെല്ലുവിളികൾ ഏറെ നേരിട്ടിട്ടുണ്ടെങ്കിലും ഇവർ വീണ്ടെടുക്കലിൻ്റെ പാതയിലാണ്. ബന്ധങ്ങൾ ദൃഢമാകും. കുടുംബാന്തരീക്ഷം മെച്ചപ്പെടും. എന്നാൽ, ആരോഗ്യപ്രശ്നങ്ങൾ അലട്ടാൻ സാധ്യതയുണ്ട്. അതിനാൽ മറ്റുള്ളവരുടെ അഭിപ്രായങ്ങൾക്ക് വില നൽകുക. സമാധാനത്തോടെ കാര്യങ്ങളെ സമീപിക്കുക. വർത്തമാന കാലവുമായി പൊരുത്തപ്പെടുക.
തുലാം: മുൻകാല നഷ്ടങ്ങളെക്കുറിച്ച് ചിന്തിക്കുന്നതിനു പകരം മുന്നിലുള്ള കാര്യങ്ങളിൽ ശ്രദ്ധ കേന്ദ്രീകരിക്കുക. ആവേശകരമായ അവസരങ്ങൾ നിങ്ങളെ കാത്തിരിക്കുന്നുണ്ട്. ജീവിതത്തിൽ ഏറ്റവും സന്തോഷകരമായ കാലഘട്ടത്തിലൂടെയാണ് ഇവർ കടന്നുപോകുന്നത്. കൂടുതൽ ആത്മവിശ്വാസത്തോടെ സ്വയം നിലയുറപ്പിക്കാൻ ഇവർ ശ്രമിക്കും.
വൃശ്ചികം: ഇവരുടെ ജീവിതത്തിൽ കാര്യമായ മാറ്റങ്ങൾക്ക് സാധ്യതയുണ്ട്. ഇവർ ഏറെക്കാലമായി ആഴത്തിൽ അന്വേഷിക്കുന്ന ഉത്തരങ്ങൾ ഇതിനകം തന്നെ ഇവരുടെ കൈവശമുണ്ട്. എന്ത് കാര്യവും ചെയ്യുന്നതിന് മുമ്പ് രണ്ടാമത് ഒരിക്കൽക്കൂടി ആലോചിക്കുക. അത് നിങ്ങളെ അപ്രതീക്ഷിതവും എന്നാൽ പ്രതിഫലദായകവുമായ പാതകളിലേക്ക് നയിക്കും. അപര്യാപ്തതയെ കുറിച്ചോ സമയമില്ലായ്മയെ കുറിച്ചോ ഉള്ള ഭയം ഒഴിവാക്കുക. നിങ്ങളുടെ ശക്തി നിങ്ങളെ മുന്നോട്ട് നയിക്കാൻ അനുവദിക്കുക.
ധനു: ഇന്നത്തെ ദിവസം ധനു രാശിക്കാർ നെഗറ്റീവ് ചിന്തകളിൽ വീഴരുത്. ആത്മവിശ്വാസത്തോടെ പ്രതിസന്ധികളെ നേരിടുകയാണ് വേണ്ടത്. "എനിക്ക് കഴിയില്ല" എന്നതിൽ നിന്ന് "എനിക്ക് എങ്ങനെ കഴിയും?" എന്ന് ചിന്തിക്കാൻ ശീലിക്കുക. അനാവശ്യ സംസാരം നിർത്തി സ്വയം വിലയിരുത്തുക. പലപ്പോഴും നിങ്ങളുടെ വിജയത്തിൻ്റെ താക്കോൽ നിങ്ങളുടെ കൈവശം തന്നെ ഉണ്ടാകാറുണ്ട്.
മകരം: മകരം രാശിക്ക് ഇന്ന് സ്വയം തെളിയിക്കാൻ അനുയോജ്യമായ ദിവസമാണ്. ധ്യാനം, വായന, യോഗ പരിശീലനങ്ങളിൽ ഏർപ്പെടുക. അവിവാഹിതരായവർ വിവാഹത്തെ കുറിച്ച് ചിന്തിച്ച് തുടങ്ങും. ഇതിന് കുടുംബാഗങ്ങളുടെയും സുഹൃത്തുക്കളുടെയുമെല്ലാം പിന്തുണ ഉണ്ടാകും. കൂടുതൽ ആഴത്തിൽ ചിന്തിക്കാനും ശുഭാപ്തിവിശ്വാസത്തോടെ ചുമതലകൾ ഏറ്റെടുക്കാനും ആവശ്യത്തിന് സമയമെടുക്കുക.
കുംഭം: ഈ രാശിക്കാർ ഇന്ന് ആത്മവിശ്വാസത്തോടെ തീരുമാനങ്ങൾ എടുക്കുക. നിങ്ങളുടെ അവബോധത്തിൽ ഉറച്ച് വിശ്വസിക്കുക. ഓരോ കാര്യങ്ങൾ സ്വയം ഊഹിക്കുന്നത് ഒഴിവാക്കുക. പകരം, നിങ്ങളുടെ ബന്ധങ്ങളെ പരിപോഷിപ്പിക്കുന്നതിൽ ശ്രദ്ധ കേന്ദ്രീകരിക്കുക. ഇവർ സ്വന്തം പോരായ്മകൾ എന്താണെന്നും ശക്തി എന്താണെന്നും സ്വയം ചിന്തിക്കുക.
മീനം: മീനം രാശിക്കാർ ഭക്ഷണ കാര്യങ്ങളിലും ആരോഗ്യപരമായ കാര്യങ്ങളിലും പ്രത്യേകം ശ്രദ്ധിക്കണം. അനാവശ്യ യാത്രകൾ പരമാവധി ഒഴിവാക്കുക. ആരോഗ്യകരമായ പ്രഭാതഭക്ഷണം ഉറപ്പാക്കുക. അൽപ്പം വെയിലത്ത് നടക്കുക. നിഷേധാത്മക ചിന്തകളിൽ നിന്നും സ്വാധീനങ്ങളിൽ നിന്നും മോചനം നേടുക. സ്വയം പരിചരണത്തിന് മുൻഗണന നൽകുക. വരാനിരിക്കുന്ന ദിവസങ്ങളിൽ ഊർജ്ജസ്വലനായിരിക്കാൻ വളർത്തു മൃഗങ്ങളുമായോ സുഹൃത്തുക്കളുമായോ കൂടുതൽ സമയം ചെലവഴിക്കാൻ ശ്രമിക്കുക. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)
