ലോകകപ്പ് സന്നാഹ മത്സരത്തിന് മുന്നോടിയായി ടീം ഇന്ത്യ തിരുവനന്തപുരത്ത് എത്തി. തിരുവനന്തപുരം ആഭ്യന്തര വിമാനത്താവളത്തിൽ എത്തിയ ടീമിന് ഗംഭീര സ്വീകരണമാണ് ഒരുക്കിയത്.
Team India reached Thiruvananthapuram: ഒക്ടോബർ 3 ചൊവ്വാഴ്ച തിരുവനന്തപുരത്തെ ഗ്രീൻഫീൽഡ് ഇന്റർനാഷണൽ സ്റ്റേഡിയത്തിലാണ് മത്സരം. നെതർലൻഡ്സാണ് ഇന്ത്യയുടെ എതിരാളികൾ.
വിമാനത്താവളത്തിന് പുറത്ത് നൂറുകണക്കിന് ആരാധകരാണ് ടീം ഇന്ത്യയെ വരവേൽക്കാൻ എത്തിയത്.
ഇന്ത്യയ്ക്ക് ജയ് വിളിച്ചും പ്രിയ താരങ്ങളുടെ പേര് ഉറക്കെ വിളിച്ചുമെല്ലാം ആരാധകർ സന്തോഷം അറിയിച്ചത്.
പരിശീലകൻ രാഹുൽ ദ്രാവിഡ്, നായകൻ രോഹിത് ശർമ്മ, ജസ്പ്രീത് ബുംറ, കെ.എൽ രാഹുൽ എന്നിവർ എത്തി.
സൂപ്പർ താരം വിരാട് കോഹ്ലി ഇന്ന് ടീമിനൊപ്പം എത്തിയില്ല.
ശനിയാഴ്ച ഗുവാഹത്തിയിൽ ഇംഗ്ലണ്ടിനെതിരായ ഇന്ത്യയുടെ ആദ്യ സന്നാഹ മത്സരം മഴ മൂലം ഉപേക്ഷിച്ചിരുന്നു.
രണ്ടാമത്തെയും അവസാനത്തെയും സന്നാഹ മത്സരത്തിനായാണ് ടീം ഇന്ത്യ ഇന്ന് തിരുവനന്തപുരത്ത് എത്തിയത്.
ഒക്ടോബർ 8 ഞായറാഴ്‌ച ചെന്നൈയിലെ എംഎ ചിദംബരം സ്‌റ്റേഡിയത്തിൽ ഓസ്‌ട്രേലിയയ്‌ക്കെതിരെയാണ് ലോകകപ്പിൽ ഇന്ത്യയുടെ ആദ്യ മത്സരം നടക്കുക.
