നരച്ച മുടി സ്വാഭാവികമായി കറുപ്പിക്കാൻ സഹായിക്കുന്ന ഭക്ഷണങ്ങൾ ഏതെല്ലാമാണെന്ന് അറിയാം.
നരച്ച മുടി വീണ്ടും കറുപ്പിക്കാൻ സഹായിക്കുന്ന ഭക്ഷണങ്ങൾ
ബദാമിൽ വിറ്റാമിൻ ഇ ധാരാളമായി അടങ്ങിയിരിക്കുന്നു. ഇത് മുടി കൊഴിച്ചിൽ തടയാനും ആരോഗ്യമുള്ള മുടിയുടെ വളർച്ചയെ പ്രോത്സാഹിപ്പിക്കാനും സഹായിക്കുന്നു.
ബീറ്റാ കരോട്ടിൻ വിറ്റാമിൻ എ എന്നിവയാൽ സമ്പന്നമാണ് കാരറ്റ്. ഇത് തലയോട്ടിയിലെ ചർമ്മത്തിൻറെ ആരോഗ്യം മികച്ചതാക്കുന്നതിനും മുടിയുടെ ആരോഗ്യം മികച്ചതാക്കുന്നതിനും സഹായിക്കുന്നു.
നെല്ലിക്കയിൽ വിറ്റാമിൻ സി, ആൻറി ഓക്സിഡൻറുകൾ എന്നിവ അടങ്ങിയിരിക്കുന്നു. ഇത് മുടിയുടെ ആരോഗ്യം മികച്ചതാക്കാനും അകാലനര തടയാനും സഹായിക്കുന്നു.
സ്ട്രോബെറി, ബ്ലൂബെറി, റാസ്ബെറി തുടങ്ങിയ ബെറിപ്പഴങ്ങൾ വിറ്റാമിൻ സി, ആൻറി ഓക്സിഡൻറുകൾ എന്നിവയാൽ സമ്പന്നമാണ്. ഇത് മുടിയുടെ വളർച്ചയെ പ്രോത്സാഹിപ്പിക്കുകയും നരയെ തടയുകയും ചെയ്യുന്നു.
പ്രോട്ടീൻ, വിറ്റാമിൻ ഡി, ഒമേഗ-3 ഫാറ്റി ആസിഡുകൾ എന്നിവയാൽ സമ്പന്നമാണ് സാൽമൺ. ഇത് തലയോട്ടിയുടെ ആരോഗ്യം മികച്ചതാക്കാനും മുടിയുടെ സ്വാഭാവിക നിറം നിലനിർത്താനും സഹായിക്കുന്നു.
കെയ്ൽ, ചീര തുടങ്ങിയ ഇലക്കറികളിൽ ഇരുമ്പ്, ഫോളിക് ആസിഡ്, വിറ്റാമിനുകളായ എ, സി എന്നിവയും അടങ്ങിയിരിക്കുന്നു. ഇത് മുടിയുടെ ആരോഗ്യത്തിന് ഗുണം ചെയ്യുന്നു.
വാൽനട്ടിലെ കോപ്പറിൻറെ സാന്നിധ്യം മുടിയുടെ ആരോഗ്യം മികച്ചതാക്കാനും മുടിക്ക് തിളക്കം ലഭിക്കാനും സഹായിക്കുന്നു.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.
