ശിവദ, ചന്തുനാഥ്, അനു മോഹൻ എന്നിവർ വീണ്ടും ഒന്നിക്കുന്ന സീക്രട്ട് ഹോം എന്ന സിനിമയുടെ ചിത്രീകരണം തുടങ്ങി. പൂജ ചടങ്ങുകളോടെയാണ്അ ചിത്രീകരണം തുടങ്ങിയത്.
അഭയകുമാർ കെ സംവിധാനം ചെയ്യുന്ന ചിത്രത്തിന്റെ പുതിയ പോസ്റ്റർ കഴിഞ്ഞ ദിവസം പുറത്തിറക്കിയിരുന്നു. ഒരു ത്രില്ലർ ചിത്രമായിരിക്കും സീക്രട്ട് ഹോം എന്നാണ് പോസ്റ്ററിൽ നിന്ന് വ്യക്തമാകുന്നത്.
ഓരോ വീട്ടിലും രഹസ്യങ്ങളുണ്ട് എന്ന ടാഗ്ലൈനാണ് നൽകിയിരിക്കുന്നത്. വൗവ് സിനിമാസിന്റെ (wow cinemas) ബാനറിൽ സന്തോഷ് ത്രിവിക്രമൻ ആണ് ചിത്രം നിർമ്മിക്കുന്നത്. ശിവദ, ചന്തുനാഥ്, അനു മോഹൻ എന്നിവർക്ക് പുറമെ അപർണ ദാസും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്.
അനിൽ കുര്യൻ ആണ് തിരക്കഥയൊരുക്കിയിരിക്കുന്നത്. അജയ് ഡേവി കാച്ചപ്പിള്ളിയാണ് ഛായാഗ്രഹണം നിർവഹിച്ചിരിക്കുന്നത്. സംഗീതവും പശ്ചാത്തല സംഗീതവും ഒരുക്കിയിരിക്കുന്നത് ശങ്കർ ശർമ്മയാണ്. രാജേഷ് രജേന്ദ്രനാണ് എഡിറ്റർ. ലൈൻ പ്രൊഡ്യൂസർ: ഷിബു ജോബ്. മേക്കപ്പ: മനു മോഹൻ, കോസ്റ്റ്യൂം: സൂര്യ ശേഖർ, ചീഫ് അസോസിയേറ്റ് ഡയറക്ടർ: പ്രശാന്ത് വി മേനോൻ.
