ഐപിഎൽ 2023ൽ ചെന്നൈയുടെ വിജയശില്പിയായി മാറിയിരിക്കുകയാണ് രവീന്ദ്ര ജഡേജ. റോക്കി ഭായ് എന്നാണ് സിഎസ്കെയുടെ സോഷ്യൽ മീഡിയ പേജുകളിൽ ജഡേജയ്ക്ക് നൽകിയിരിക്കുന്ന വിശേഷണം. 2 പന്തിൽ 10 റൺസ് ജയിക്കാൻ വേണമെന്നിരിക്കെ ജഡേജയുടെ തകർപ്പൻ ഷോട്ട്സ് ആരാധകരുടെ മനം കവർന്നിരിക്കുകയാണ്.
അവസാന രണ്ട് പന്തിൽ ഒരു സിക്സും ഒരു ഫോറും അടിച്ചു കൊണ്ടാണ് ജഡേജ ചെന്നൈ സൂപ്പർ കിംഗ്സിനെ അഞ്ചാം തവണയും കിരീടനേട്ടത്തിലേക്ക് എത്തിച്ചത്.
പല മത്സരങ്ങളിലും ജഡേജ ഔട്ട് ആയി ധോണി ക്രീസിലെത്താൻ പ്രാർത്ഥിച്ചിരുന്ന ആരാധകർ ഇന്നലെ ഏറ്റവും അധികം പ്രാർത്ഥിച്ചിട്ടുണ്ടാവുക ജഡേജ ഔട്ട് ആകരുത് എന്നായിരുന്നിരിക്കും.
മോഹിത് ശര്‍മയെ ആദ്യം ലോംഗ് ഓണിന് മുകളിലൂടെ സിക്സിനും പിന്നാലെ ഫൈന്‍ ലെഗ്ഗിലൂടെ ബൗണ്ടറിയും പായിച്ചാണ് ജഡേജ ആവേശജയം സ്വന്തമാക്കിയത്.
വിജയിച്ച ശേഷം ഡഗ് ഔട്ടിലേക്ക് ഓടിയെത്തിയ ജഡേജയെ എടുത്തുയര്‍ത്തിയാണ് എംഎസ് ധോണി സന്തോഷം പ്രകടിപ്പിച്ചത്. ധോണിയെ ഇത്രയും വികാരാധീനനായി മുൻപ് കണ്ടിട്ടില്ല.
സിഎസ്കെ ആരാധകരുടെ സൂപ്പർ ഹീറോ ആണ് ഇപ്പോൾ രവീന്ദ്ര ജഡേജ.
മത്സര ശേഷം ജഡേജ ഭാര്യ റിവാബയെ കെട്ടിപ്പിടിച്ച് സ്നേഹം പ്രകടിപ്പിച്ചു. ഭാര്യയ്ക്കും മകൾക്കുമൊപ്പം കപ്പുയർത്തി നിൽക്കുന്ന ജഡേജ.
