ക്വീന്‍, അനുരാഗം തുടങ്ങിയ ചിത്രങ്ങളിലൂടെ ശ്രദ്ധേയനായ താരമാണ് അശ്വിൻ ജോസ്. ഇന്നലെ, മെയ് 17ന് അശ്വിൻ ജോസിന്റെ വിവാഹമായിരുന്നു. അടൂര്‍ സ്വദേശി ഫേബ ജോണ്‍സണ്‍ ആണ് വധു.
ഇവരുടേത് പ്രണയവിവാഹമാണ്. 11 വര്‍ഷമായി ഇരുവരും പ്രണയത്തിലായിരുന്നു
ഇരുവരുടെയും അടുത്ത ബന്ധുക്കളും സുഹൃത്തുക്കളും ചടങ്ങിൽ പങ്കെടുത്തു.
നടി ഗൗരി ജി. കിഷന്‍, സംവിധായകന്‍ ജോണി ആന്റണി ഉൾപ്പെടെ നിരവധി സഹപ്രവര്‍ത്തകരും ചടങ്ങില്‍ പങ്കെടുത്തു.
അനുരാഗം എന്ന ചിത്രത്തിലെ നായകവേഷം ചെയ്തത് അശ്വിനായിരുന്നു. ചിത്രത്തിന്റെ തിരക്കഥയെഴുതിയതും അശ്വിന്‍ തന്നെയാണ്.
ഡിജോ ജോസ് സംവിധാനം ചെയ്ത ക്വീന്‍ എന്ന ചിത്രത്തിലൂടെയാണ് താരം അഭിനയ രംഗത്തെത്തിയത്.
ആന്‍ ഇന്റര്‍നാഷണല്‍ ലോക്കല്‍ സ്‌റ്റോറി, കുമ്പാരീസ് എന്നീ ചിത്രങ്ങളിലും അശ്വിൻ അഭിനയിച്ചിട്ടുണ്ട്
'കളര്‍പടം' എന്ന ഹ്രസ്വചിത്രത്തിലും അശ്വിന്‍ ജോസ് ആയിരുന്നു നായകനായെത്തിയത്.
