Pak Cricketers and Indian beauties: പാക് ക്രിക്കറ്റ് താരം ഷൊയ്ബ് മാലിക് സാനിയ മിർസയെ വിവാഹം കഴിച്ചത് ഒരേ സമയം വലിയ വാര്‍ത്തയും ഒപ്പം വിവാദവുമായിരുന്നു. സാനിയ ഈ ബന്ധത്തിന്‍റെ പേരില്‍ ഏറെ വിമര്‍ശനങ്ങള്‍ നേരിട്ടിരുന്നു. ഇപ്പോള്‍ ഇരുവരും ബന്ധം പിരിയുന്നതായി സൂചനകള്‍ പുറത്തു വരുന്നുണ്ട്.
എന്നാല്‍, ഇതാദ്യമല്ല ഒരു പാകിസ്ഥാൻ ക്രിക്കറ്റ് താരം ഒരു ഇന്ത്യൻ സുന്ദരിയുമായി പ്രണയത്തിലാകുന്നത്. വാസ്തവത്തിൽ, നിരവധി പാക് ക്രിക്കറ്റ് താരങ്ങള്‍ ഇന്ത്യൻ ബോളിവുഡ് താരങ്ങളെ പ്രണയിച്ചിരുന്നു.....!!
Usman Afzaal and Amrita Arora പാക്കിസ്ഥാൻ വംശജനായ ഇംഗ്ലീഷ് ക്രിക്കറ്റ് താരമായിരുന്ന ഉസ്മാൻ അഫ്‌സൽ, ബോളിവുഡ് നടി അമൃത അറോറയുമായി പ്രണയത്തിലായിരുന്നു. പല പാർട്ടികളിലും ഒരുമിച്ച് ഇവരെകണ്ടിരുന്നു. എന്നിരുന്നാലും, ഈ ബന്ധം അധികനാൾ നീണ്ടുനിന്നില്ല, ഒടുവിൽ അമൃത മറ്റൊരാളെ വിവാഹം കഴിച്ചു.
Wasim Akram and Sushmita Sen റിട്ടയർമെന്‍റിനും ആദ്യ ഭാര്യയുടെ മരണത്തിനും ശേഷം വസീം അക്രം ഇന്ത്യയിൽ വളരെക്കാലം ചെലവഴിച്ചു. അദ്ദേഹം ഇവിടെ ജോലി ചെയ്തു, അദ്ദേഹം ഏറ്റെടുത്ത നിരവധി അസൈൻമെന്‍റുകളിൽ ഒന്ന്, ഒരു ഡാൻസ് റിയാലിറ്റി ഷോ ആയിരുന്നു, അതിൽ ഇന്ത്യൻ നടി സുസ്മിത സെന്നും വിധികർത്താവായിരുന്നു. ഷോയ്‌ക്കിടെ ഇരുവരും വളരെ അടുപ്പത്തിലായതായി... ഇരുവരും പ്രണയത്തിലാണ് എന്ന തരത്തില്‍ വാര്‍ത്തകള്‍ പ്രചരിച്ചു. എന്നാല്‍, പക്ഷേ വസീം അക്രം വീണ്ടും വിവാഹം കഴിച്ചു, ഒരു ഓസ്‌ട്രേലിയൻ യുവതിയില്‍ അദ്ദേഹം പ്രണയം കണ്ടെത്തി..
Imran Khan and Zeenat Aman ഇമ്രാൻ ഖാൻ ഇന്ത്യൻ നടി സീനത്ത് അമാനുമായി ഡേറ്റിംഗ് നടത്തുന്നതായി കിംവദന്തികൾ പ്രചരിച്ചിരുന്നു. പാക്കിസ്ഥാന്‍റെ ഇന്ത്യൻ പര്യടനത്തിനിടെ ഇമ്രാന് 27 വയസ്സ് തികഞ്ഞപ്പോൾ സീനത്തിനൊപ്പം ജന്മദിനം ആഘോഷിച്ചതായി ഇന്ത്യയിലെ നിരവധി പത്രങ്ങൾ റിപ്പോർട്ട് ചെയ്തിരുന്നു.
Shoaib Akhtar and Sonali Bendre ബോളിവുഡ് നടി സൊണാലി ബേന്ദ്രെയുമായി ഷോയിബ് അക്തർ ഒരിക്കൽ 'ഭ്രാന്തമായി പ്രണയത്തിലായിരുന്നു'. തനിക്ക് സൊനാലിയെ വളരെ ഇഷ്ടമാണ് എന്നും വിവാഹാലോചന നടത്തുമെന്നും അദ്ദേഹം ഒരു അഭിമുഖത്തിൽ പറഞ്ഞിരുന്നു. നിരസിച്ചാല്‍ തട്ടിക്കൊണ്ടു പോകുമെന്നും അക്തര്‍ പറഞ്ഞിരുന്നു, എന്നാല്‍ പിന്നീട് താന്‍ അങ്ങനെയൊന്നും പറഞ്ഞിട്ടില്ലെന്ന് ഷോയിബ് പറയുകയുണ്ടായി...
Mohsin Khan and Reena Roy മുൻ പാകിസ്ഥാൻ ക്രിക്കറ്റ് താരം മൊഹ്‌സിൻ ഖാൻ ഇന്ത്യൻ നടി റീന റോയിയുമായി പ്രണയത്തിലാകുക മാത്രമല്ല, വിവാഹാഭ്യർത്ഥന നടത്തുകയും ചെയ്തു. വിവാഹിതരായെങ്കിലും വിവാഹം അധികനാൾ നീണ്ടുനിന്നില്ല, ഇരുവരും വേർപിരിഞ്ഞു.
