ദിലീഷ് പോത്തൻ ടൈറ്റിൽ കഥാപാത്രമായി എത്തിയ ചിത്രമാണ് ഒ.ബേബി. തിയേറ്ററുകളിൽ മികച്ച പ്രതികരണം നേടിയ ചിത്രം 25 ദിവസം പിന്നിട്ടിരിക്കുകയാണ്. 25 ദിവസം പൂർത്തിയാക്കിയതിന്റെ ആഘോഷ ചിത്രങ്ങൾ ദിലീഷ് പോത്തൻ സോഷ്യൽ മീഡിയയിൽ പങ്കുവെച്ചിട്ടുണ്ട്. ചിത്രങ്ങൾ കാണാം.
നിരവധി പുതുമുഖ അഭിനേതാക്കളും ഈ ചിത്രത്തിന്റെ ഭാഗമായിട്ടുണ്ട്.
രഞ്ജൻ പ്രമോദ് ആണ് ഈ ത്രില്ലർ ചിത്രം ഒരുക്കിയത്.
ദിലീഷ് പോത്തൻ, അഭിഷേക് ശശിധരൻ, പ്രമോദ് തേർവാർപ്പള്ളി എന്നിവർ ചേർന്ന് ടർടിൽ വൈൻ പ്രൊഡക്ഷൻസ്, കളർ പെൻസിൽ ഫിലിംസ്, പകൽ ഫിലിംസ് എന്നീ ബാനറുകളിലാണ് ചിത്രം നിർമ്മിച്ചത്.
രഘുനാഥ്‌ പലേരി, ഹാനിയ നസീഫ, സജി സോമൻ, ഷിനു ശ്യാമളൻ, അതുല്യ ഗോപാലകൃഷ്ണൻ, വിഷ്ണു അഗസ്ത്യ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്.
അരുൺ ചാലിൽ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ സംജിത്ത് മുഹമ്മദാണ്. വരുൺ കൃഷ്ണ, പ്രണവ് ദാസ് ചേർന്നാണ് ഗാനങ്ങൾക്ക് ഈണം നൽകുന്നത്.
