മലയാളികളുടെ അഭിമാനമായി മാറിയിരിക്കുകയാണ് ഒളിംപിക്സിൽ ഹോക്കിയിൽ വെങ്കല മെഡൽ നേടിയ ഗോൾ കീപ്പറായ പി.ആർ ശ്രീജേഷ്.
മലയാള സിനിമയുടെ അഭിമാനമായ മമ്മൂട്ടി ശ്രീജേഷിന്റെ വീട്ടിൽ നേരിട്ടെത്തി അഭിനന്ദിച്ചിരിക്കുകയാണ്. നിർമ്മാതാവായ ആന്റോ ജോസഫും പ്രൊഡക്ഷൻ കൺട്രോളർ ബാദുഷയും മമ്മൂട്ടിക്ക് ഒപ്പമുണ്ടായിരുന്നു. ബാദുഷയാണ് സോഷ്യൽ മീഡിയയിലൂടെ ചിത്രങ്ങൾ ആദ്യം പങ്കുവച്ചത്.
മാനുവേൽ ഫ്രെഡ്രിക് എന്ന മലയാളിക്ക് ശേഷം ഒളിംപിക്സിൽ മെഡൽ നേടുന്ന മലയാളി എന്ന പ്രത്യേകത കൂടി ശ്രീജേഷിന്റെ മെഡൽ നേട്ടത്തിനുണ്ട്. രണ്ട് പേരും ഹോക്കിയിൽ ഗോൾ കീപ്പമാരായിരുന്നു എന്നതാണ് മറ്റൊരു പ്രത്യേകത.
ശ്രീജേഷിന് അഭിനന്ദന പ്രവാഹമാണ് വന്നുകൊണ്ടിരിക്കുന്നത്. വെങ്കല മെഡൽ ജേതാവായ ശ്രീജേഷിന് സംസ്ഥാന സർക്കാർ രണ്ട് കോടി രൂപയാണ് പാരിതോഷികമായി നൽകുന്നത്.
ഇത് കൂടാതെ വേറെയും ചില പ്രമുഖർ ശ്രീജേഷിന് അഭിനന്ദനങ്ങളും സമ്മാനങ്ങളും നല്കാൻ മുന്നോട്ട് വന്നിട്ടുണ്ട്. ഇപ്പോഴിതാ മലയാള സിനിമയുടെ അഭിമാനമായ മമ്മൂട്ടി ശ്രീജേഷിന്റെ വീട്ടിൽ നേരിട്ടെത്തി അഭിനന്ദിച്ചിരിക്കുകയാണ്.
അപ്രതീക്ഷിതമായിട്ടാണ് മമ്മൂട്ടി ശ്രീജേഷിന്റെ വീട്ടിൽ എത്തിയത്. ഒളിമ്പിക്സ് മെഡൽ സ്വീകരിച്ചപ്പോൾ ഇങ്ങനെ കൈ വിറച്ചിട്ടില്ലായെന്ന് ശ്രീജേഷ് മമ്മൂട്ടിയുടെ കൈയിൽ നിന്ന് പൂച്ചെണ്ട് സ്വീകരിച്ചുകൊണ്ട് പറഞ്ഞു.
പതിറ്റാണ്ടുകൾക്ക് ശേഷം ഒരു മെഡൽ കേരളത്തിലേക്ക് എത്തിച്ച ശ്രീജേഷിനെ വാക്കുകൾ കൊണ്ടും മമ്മൂട്ടി പ്രശംസിച്ചു. ശ്രീജേഷിന്റെ കുടുംബത്തോടൊപ്പം മമ്മൂട്ടി ഫോട്ടോയ്ക്ക് പോസ് ചെയ്യുകയും ശ്രീജേഷ് തനിക്ക് ലഭിച്ച ഒളിംപിക്‌സ് മെഡൽ താരത്തിനെ കാണിക്കുകയും ചെയ്തു.
