സമ്മർദ്ദം ഒഴിവാക്കാൻ ചുംബിക്കുന്നത് നല്ലതാണെന്ന് പലരും പറഞ്ഞ് കേട്ടിട്ടുണ്ട്. എന്നാൽ, ചുംബനത്തിലൂടെ പകരുന്ന ഒരു രോഗമുണ്ട്.
Kissing disease symptoms: ഉമിനീരിലൂടെ പകരുന്ന എപ്സ്റ്റീൻ-ബാർ വൈറസ് മൂലമുണ്ടാകുന്ന പകർച്ച വ്യാധിയാണ് ഇൻഫെക്ഷ്യസ് മോണോന്യൂക്ലിയോസിസ്. മോണോ എന്നാണ് ഈ രോഗം ചുരുക്കപ്പേരിൽ അറിയപ്പെടുന്നത്.
രണ്ട് പേർ തമ്മിൽ ചുംബിക്കുമ്പോൾ പകരാൻ സാധ്യതയുള്ളതിനാൽ കിസ്സിംഗ് ഡിസീസ് എന്നാണ് ഈ രോഗം അറിയപ്പെടുന്നത്.
പനി, തൊണ്ട വേദന, ക്ഷീണം, തലവേദന എന്നിവയാണ് കിസ്സിംഗ് ഡിസീസിൻറെ പ്രധാന ലക്ഷണങ്ങൾ.
നീര്, ചർമ്മത്തിൽ തിണിർപ്പ്, കഴുത്തിലെയും കക്ഷത്തിലെയും ലിംഫ് എന്നിവയും രോഗലക്ഷണങ്ങളാണ്.
സ്കൂൾ കുട്ടികളിലും കൌമാരക്കാരിലുമാണ് മോണോ രോഗം സാധാരണയായി കാണപ്പെടാറുള്ളത്. കൌമാരക്കാരിൽ ആഴ്ചകളോളം ലക്ഷണങ്ങൾ പ്രകടമായിരിക്കും.
രോഗികൾ വെള്ളം നന്നായി കുടിക്കണം. രണ്ട് മുതൽ നാല് ആഴ്ചകളാണ് രോഗമുക്തിയ്ക്ക് വേണ്ടി വരാറുള്ളത്.
കൈകൾ ഇടയ്ക്കിടെ കഴുകുക, ഉമ്മ വെയ്ക്കാതിരിക്കുക, രോഗി ഉപയോഗിച്ച ഗ്ലാസോ പാത്രങ്ങളോ ഉപയോഗിക്കാതിരിക്കുക എന്നീ മുൻ കരുതലുകൾ സ്വീകരിച്ചാൽ മോണോ രോഗത്തെ അകറ്റി നിർത്താം.
