നിരവധി ആരാധകരുള്ള നടിയാണ് രശ്മിക മന്ദാന. തമിഴ്, തെലുങ്ക്, ഹിന്ദി തുടങ്ങിയ ഭാഷകളിൽ താരം അഭിനയിച്ചിട്ടുണ്ട്.
വിജയ് നായകാനായ വാരിസ് ആണ് രശ്മികയുടേതായി ഒടുവിൽ പുറത്തിറങ്ങിയ ചിത്രം.
പുഷ്പ 2 - രശ്മിക മന്ദാനയുടേതായി പുറത്തിറങ്ങാനിരിക്കുന്ന ചിത്രമാണ് പുഷ്പ 2. പ്രേക്ഷകർ വളരെ പ്രതീക്ഷയോടെ കാത്തിരിക്കുന്ന ചിത്രമാണിത്. അല്ലു അർജുൻ നായകനായ ചിത്രത്തിൽ ഫഹദ് ഫാസിലും പ്രധാന കഥാപാത്രത്തെ അവതരിപ്പിക്കുന്നു. പുഷ്പ 2 ദി റൂൾ എന്നാണ് സിനിമയുടെ പേര്. ചിത്രത്തിന്റെ ആദ്യ ഭാഗം വമ്പൻ ഹിറ്റ് ആയിരുന്നു. പുഷ്പ 2 2023 ഓഗസ്റ്റിൽ റിലീസ് ചെയ്യുമെന്നാണ് റിപ്പോർട്ട്.
ആനിമൽ - റൺബീർ കപൂർ നായകനാകുന്ന ചിത്രമാണ് ആനിമൽ. സന്ദീപ് റെഡ്ഡി സംവിധാനം ചെയ്യുന്ന ചിത്രത്തിൽ നായിക രശ്മിക മന്ദാനയാണ്. ചിത്രം 2023 ഓഗസ്റ്റിൽ റിലീസ് ചെയ്യുമെന്നാണ് റിപ്പോർട്ട്.
വിഎൻആർട്രിയോ - നിതിൻ നായകനാകുന്ന ചിത്രത്തിൽ രശ്മികയാണ് നായിക. രശ്മികയുടെ പിറന്നാളിനോട് അനുബന്ധിച്ച് അണിയറക്കാർ പോസ്റ്റർ പങ്കുവെച്ചിട്ടുണ്ട്. വെങ്കി കുടുമലയാണ് സംവിധായകൻ.
റെയിൻബോ - മലയാളി താരം ദേവ് മോഹൻ ആണ് ചിത്രത്തിൽ നായകൻ. രശ്മികയാണ് നായിക അടുത്തിടെയാണ് ചിത്രത്തിന്റെ പൂജാ ചടങ്ങുകൾ നടന്നത്.
