ഓസ്‌ട്രേലിയൻ ഓൾറൗണ്ടർ ഗ്ലെൻ മാക്‌സ്‌വെൽ തന്റെ ഇന്ത്യൻ പ്രതിശ്രുത വധു വിനി രാമനെ വിവാഹം കഴിച്ചു. ഞായറാഴ്ച ചെന്നൈയിൽ വെച്ച് തമിഴ് ആചാരങ്ങളോടെയാണ് ഇരുവരും രണ്ടാമത് വിവാഹിതരായത്. ചടങ്ങിന്റെ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലാകുകയാണ്
ക്രിസ്ത്യൻ ആചാരപ്രകാരമാണ് ഇരുവരും ആദ്യം വിവാഹിതരായതെങ്കിലും ഇന്ത്യൻ ആചാരപ്രകാരം വിവാഹിതരാകാനും ഇരുവരും തീരുമാനിച്ചിരുന്നു. അതുകൊണ്ടുതന്നെ പരമ്പരാഗത തമിഴ് ശൈലിയിൽ ചെന്നൈയിൽ വിവാഹ ചടങ്ങുകൾ സംഘടിപ്പിച്ചിരുന്നു.
വിവാഹ ഫോട്ടോകളിൽ നവദമ്പതികൾ വളരെ സന്തോഷമുള്ളവരായി കാണാം. മാക്‌സ്‌വെല്ലും ഭാര്യ വിനിയും വരണമാല്യം ചാർത്തിയപ്പോൾ മാക്‌സ്‌വെൽ ഷെർവാണി ധരിച്ചിരുന്നു.
വിദേശിയായ മരുമകന് ചെന്നൈയിൽ ഊഷ്മള സ്വീകരണം നൽകി.
ഓസ്‌ട്രേലിയൻ ക്രിക്കറ്റ് താരത്തിന്റെ വിവാഹത്തിന്റെ പ്രഖ്യാപനം നേരത്തെ നടന്നിരുന്നു, അപ്പോൾ തന്നെ തമിഴിൽ അച്ചടിച്ച ഈ കാർഡും വൈറലായിരുന്നു
മാക്‌സ്‌വെൽ ഈ വർഷം ഐപിഎല്ലിൽ ആർസിബിക്ക് വേണ്ടി കളിക്കുന്നുണ്ടെങ്കിലും വിവാഹത്തെത്തുടർന്ന് ടീമിൽ നിന്ന് വിട്ടുനിൽക്കുകയായിരുന്നു. 11 കോടി രൂപയ്ക്കാണ് RCB മാക്സ്‌വെല്ലിനെ നിലനിർത്തിയിരിക്കുന്നത്.
