സമീകൃതാഹാരം കഴിക്കുക, ശരീരത്തിൽ ആവശ്യത്തിന് ജലാംശം നിലനിർത്തുക എന്നിവയാണ് ഉത്കണ്ഠ ഒഴിവാക്കുന്നതിന് പിന്തുടരേണ്ട ഭക്ഷണശീലങ്ങൾ.
കഫീൻ, മധുരമുള്ള ഭക്ഷണങ്ങൾ, മദ്യം എന്നിവ പരിമിതപ്പെടുത്തുകയോ ഒഴിവാക്കുകയോ ചെയ്യേണ്ടത് അത്യാവശ്യമാണ്. കാരണം, അവ ചില വ്യക്തികളിൽ ഉത്കണ്ഠയുടെ ലക്ഷണങ്ങൾ വർധിപ്പിക്കും.
തൈരിൽ പ്രോബയോട്ടിക്സ് അടങ്ങിയിട്ടുണ്ട്, ഇത് ആരോഗ്യകരമായ ഗട്ട് മൈക്രോബയോമിനെ പിന്തുണയ്ക്കുന്നു. പ്രോബയോട്ടിക് അടങ്ങിയ ഭക്ഷണങ്ങൾ കഴിക്കുന്നത് ഉത്കണ്ഠ നിയന്ത്രിക്കുന്നതിന് ഗുണം ചെയ്യും.
മഞ്ഞളിൽ കുർക്കുമിൻ അടങ്ങിയിട്ടുണ്ട്. ആന്റി-ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങളുള്ള ഒരു സംയുക്തമാണിത്. ഉത്കണ്ഠയുടെയും വിഷാദത്തിന്റെയും ലക്ഷണങ്ങൾ കുറയ്ക്കാൻ ഇത് സഹായിക്കും.
ബദാം, വാൽനട്ട്, കശുവണ്ടി തുടങ്ങിയ നട്‌സുകളിൽ ആരോഗ്യകരമായ കൊഴുപ്പ്, പ്രോട്ടീൻ, മഗ്നീഷ്യം എന്നിവ ധാരാളം അടങ്ങിയിട്ടുണ്ട്. ഇവ ഉത്കണ്ഠ കുറയ്ക്കുന്നതിന് സഹായിക്കും.
ഇലക്കറികളിൽ മഗ്നീഷ്യം കൂടുതലാണ്. മഗ്നീഷ്യത്തിന്റെ അഭാവം വർധിച്ച ഉത്കണ്ഠയുമായി ബന്ധപ്പെട്ടിരിക്കുന്നു. അതിനാൽ ഇലക്കറികൾ ഭക്ഷണത്തിൽ ഉൾപ്പെടുത്തണം.
സാൽമൺ, അയല, മത്തി തുടങ്ങിയ കൊഴുപ്പുള്ള മത്സ്യങ്ങളിൽ ഒമേഗ-3 ഫാറ്റി ആസിഡുകൾ ധാരാളമുണ്ട്. ഈ ആരോഗ്യകരമായ കൊഴുപ്പുകൾ ഉത്കണ്ഠ കുറയ്ക്കുന്നതിനും മാനസികാവസ്ഥ മെച്ചപ്പെടുത്തുന്നതിനും സഹായിക്കുന്നു.
ബ്ലൂബെറി, സ്ട്രോബെറി, റാസ്ബെറി തുടങ്ങിയ ബെറിപ്പഴങ്ങളിൽ ആന്റിഓക്‌സിഡന്റുകളും വിറ്റാമിൻ സിയും അടങ്ങിയിട്ടുണ്ട്. ഇത് സമ്മർദ്ദത്തെ ചെറുക്കാനും ഉത്കണ്ഠ കുറയ്ക്കാനും സഹായിക്കും.
