സീതപ്പഴം നിരവധി ആരോഗ്യഗുണങ്ങളാൽ സമ്പന്നമാണ്.
നമ്മുടെ നാട്ടിൻപുറങ്ങളിലും ചുറ്റുപാടുകളിലും സുലഭമായി ലഭിക്കുന്ന ഒരു പഴവ‍ർഗമാണ് സീതപ്പഴം. രുചിയിൽ മാത്രമല്ല, ഗുണങ്ങളിലും ഇവ മുന്നിലാണ്. സീതപ്പഴത്തിന്റെ ചില ആരോഗ്യഗുണങ്ങളിതാ...
സീതപ്പഴത്തിൽ കലോറി കുറവാണ്. ഇത് ശരീരഭാരം കുറയ്ക്കാൻ സഹായിക്കുന്നു.
നാരുകളും വൈറ്റമിനുകളും ധാതുക്കളും ധാരാളം അടങ്ങിയിട്ടുള്ള ഈ സീതപ്പഴം പ്രതിരോധശേഷി വർധിപ്പിക്കാനും വീക്കം കുറയ്ക്കാനും സഹായിക്കുന്നു.
ഹൃദയത്തിന്റെയും കണ്ണിന്റെയും ആരോഗ്യത്തിനും സീതപ്പഴം ഗുണകരമാണ്.
വിറ്റാമിൻ ബി 6 ന്റെ മികച്ച ഉറവിടം കൂടിയാണ് സീതപ്പഴം. മാനസികാവസ്ഥ മികച്ചതാക്കി ഇവ സഹായിക്കുന്നു.
സീതപ്പഴം കഴിക്കുന്നത് ചർമ്മത്തിലുണ്ടാകുന്ന ചുളിവുകളെയും നേർത്ത വരകളേയും പാടുകളെയും കുറയ്ക്കുന്നതിന് സഹായിക്കുന്നു.
ഈ പഴത്തിലെ ഫ്ലേവനോയ്ഡ് സംയുക്തങ്ങളായ കാറ്റെച്ചിൻ, എപികാടെക്കിൻ എന്നിവ കാൻസർ കോശങ്ങളുടെ വളർച്ചയെ തടയുന്നു.
ഗ്ലൈസെമിക് സൂചിക കുറഞ്ഞ സീതപ്പഴം രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
