ക്ഷേത്രത്തിൽ ഹിന്ദുമതവിശ്വാസികൾക്ക് മാത്രമാണ് പ്രവേശനമെന്ന ആചാരം ചൂണ്ടിക്കാട്ടിയാണ് തിരുവൈരാണിക്കുളം മഹാദേവ ക്ഷേത്രത്തിൽ അധികൃതർ ദർശനം നിഷേധിച്ചത്.
പളനി മുരുകനെ സന്ദർശിച്ച് നടി അമല പോൾ. ചിത്രത്തിന് നിരവധി പേരാണ് കമന്റ് ചെയ്തിരിക്കുന്നത്. മതം മാറിയോ എന്നായിരുന്നു മിക്കവരുടെയും ചോദ്യം. അതിന് ചില ആരാധകർ തന്നെ മറുപടി കൊടുക്കുകയും ചെയ്തു. എവിടെ പോകണമെന്ന് തീരുമാനിക്കുന്നത് അവരാണ്. അമ്പലത്തിൽ പോയെന്ന് കരുതി അവർ ഹിന്ദുമതം സ്വീകരിച്ചു എന്നല്ല അതിനർത്ഥമെന്നാണ് ആരാധകരുടെ കമന്റ്. അടുത്തിടെ തിരുവൈരാണിക്കുളം മഹാദേവ ക്ഷേത്രത്തിൽ താരത്തിന് ദർശനം നിഷേധിച്ചത് വലിയ വാർത്തയായിരുന്നു. ഈ സംഭവത്തിൽ മാപ്പ് പറഞ്ഞും ഒരു ആരാധകൻ കമന്റ് ചെയ്തിട്ടുണ്ട്.
