താരകുടുംബത്തിൽ നിന്നും സിനിമയിലെത്തിയ താരമാണ് അനു മോഹൻ.
ചട്ടമ്പിനാട് എന്ന ചിത്രത്തിൽ മമ്മൂട്ടിയുടെ ചെറുപ്പകാലം അഭിനയിച്ച് കൊണ്ടായിരുന്നു അനുവിന്റെ തുടക്കം.
അയ്യപ്പനും കോശിയും എന്ന ചിത്രത്തിലെ പോലീസ് ഓഫീസർ സുജിത്ത് എന്ന കഥാപാത്രമാണ് താരത്തിന്റെ കരിയറിൽ ഒരു ബ്രേക്ക് നൽകിയത്.
ഇപ്പോൾ നിരവധി ചിത്രങ്ങളിൽ അനു മോഹൻ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ലളിതം സുന്ദരം, 12ത് മാൻ, വാശി, 21 ഗ്രാംസ് തുടങ്ങിയ ചിത്രങ്ങളിൽ എല്ലാം മികച്ച കഥാപാത്രങ്ങളാണ് അനു മോഹന് ലഭിച്ചത്.
പുതിയ ചിത്രത്തിന്റെ ഷൂട്ടിനായി ലണ്ടനിൽ പോയിരിക്കുകയാണ് താരം. അതിന്റെ ചിത്രങ്ങളും സോഷ്യൽ മീഡിയയിൽ പങ്കുവെച്ചിട്ടുണ്ട്.
ബിജു സോപാനം, നിഷ സാരംഗ്, അതിഥി രവി എന്നിവരും ഈ ചിത്രത്തിന്റെ ഭാഗമാകുന്നുണ്ട്. ഇവരും ഷൂട്ടിംഗിനായി ലണ്ടനിലുണ്ട്.
