ആസിഫ് അലിയും റോഷൻ മാത്യുവും കേന്ദ്ര കഥാപാത്രങ്ങളായി എത്തിയ ചിത്രം കൊത്തിന്റെ ഒടിടി റിലീസ് തിയതി പ്രഖ്യാപിച്ചു. ഒക്ടോബർ 28 മുതൽ ചിത്രം നെറ്റ്ഫ്ലിക്സിലും സിംപ്ലി സൗത്തിലും സ്ട്രീം ചെയ്യും. രാഷ്ട്രീയ കൊലപാതകങ്ങളെ പ്രമേയമാക്കി കൊണ്ട് എത്തിയ ചിത്രമാണ് കൊത്ത്. പാർട്ടിക്ക് വേണ്ടി പ്രവർത്തിക്കുന്ന രണ്ട് പേരായി ആണ് ആസിഫ് അലിയും റോഷൻ മാത്യുവും ചിത്രത്തിൽ എത്തുന്നത്. സെപ്റ്റംബർ 23നാണ് ചിത്രം തീയേറ്ററുകളിൽ റിലീസ് ചെയ്തത്. സിബി മലയിലാണ് ചിത്രം സംവിധാനം ചെയ്തത്.
ആറ് വർഷത്തിന് ശേഷം സിബി മലയിൽ സംവിധാനം ചെയ്ത ചിത്രമെന്ന പ്രത്യേകതയും കൊത്തിനുണ്ട്. ചിത്രത്തിൻറെ രചന നിർവ്വഹിച്ചത് ഹേമന്ദ് കുമാറാണ്. ഗോള്‍ഡ് കോയിന്‍ മോഷന്‍ പിക്ചര്‍ കമ്പനിയുടെ ബാനറിലാണ് ചിത്രം തിയേറ്ററിൽ എത്തിയത്. രഞ്ജിത്തും പി എമ്മും ശശിധരനും ചേര്‍ന്നാണ് ചിത്രം നിർമ്മിച്ചത്. നിഖില വിമല്‍ ആണ് ചിത്രത്തിലെ നായിക.
Also Read: Asif Ali : ആസിഫ് അലി കൂളാണ്; പുതിയ ഫോട്ടോഷൂട്ട് ചിത്രങ്ങൾ കാണാം
ഛായാഗ്രഹണം പ്രശാന്ത് രവീന്ദ്രന്‍, എഡിറ്റിംഗ് റതിന്‍ രാധാകൃഷ്‍ണന്‍, ചീഫ് അസോസിയേറ്റ് ഡയറക്ടര്‍ ഗിരീഷ് മാരാര്‍, സംഗീതം കൈലാഷ് മേനോന്‍, പശ്ചാത്തല സംഗീതം ജേക്സ് ബിജോയ്, പ്രൊഡക്ഷന്‍ കണ്‍ട്രോളര്‍ ബാദുഷ, എക്സിക്യൂട്ടീവ് പ്രൊഡ്യൂസര്‍ അഗ്നിവേശ് രഞ്ജിത്ത്, പ്രൊഡക്ഷന്‍ ഡിസൈനര്‍ പ്രശാന്ത് മാധവ്, സൗണ്ട് ഡിസൈന്‍ ഗണേഷ് മാരാര്‍.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
