ഉണ്ണി മുകുന്ദൻ കേന്ദ്ര കഥാപാത്രമാണ് എത്തുന്ന ഏറ്റവും പുതിയ ചിത്രമാണ് ഗന്ധർവ്വ ജൂനിയർ, ചിത്രത്തിൻറെ ഫാൻ എഡിറ്റ് ചെയ്ത പോസ്റ്റർ പങ്കുവെച്ചിരിക്കുകയാണ് താരമിപ്പോൾ. പണ്ടത്തെ ഞാൻ ഗന്ധർവ്വൻ സിനിമയിലെ ഗന്ധർവന്റെ വേഷത്തിലാണ് പോസ്റ്ററിൽ ഉണ്ണി മുകുന്ദനെ കാണിച്ചിരിക്കുന്നത്. എന്നാൽ എന്റെ ഗന്ധർവ്വൻ വ്യത്യസ്തനാണ് എന്ന അടിക്കുറുപ്പോടെയാണ് താരം ഈ ചിത്രം പങ്കുവെച്ചിരിക്കുന്നത്. കൂടാതെ ഈ പോസ്റ്റർ എഡിറ്റ് ചെയ്ത ആരാധകന് നന്ദിയും അറിയിച്ചിട്ടുണ്ട്. സുജിത് ആപ്സ് എന്ന ഫേസ്‌ബുക്ക് അക്കൗണ്ടിന്റെ ഉടമയാണ് ഈ പോസ്റ്റർ എഡിറ്റ് ചെയ്തിരിക്കുന്നത്.
ചിത്രത്തിൻറെ ഷൂട്ടിങ് ഈ മാസം ആദ്യവാരം ആരംഭിച്ചിരുന്നു. ചിത്രത്തിൻറെ ടൈറ്റിൽ പോസ്റ്റർ കഴിഞ്ഞ വർഷം സെപ്റ്റംബറിൽ പുറത്തുവിട്ടിരുന്നു. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലാണ് ചിത്രം റിലീസ് ചെയ്യുന്നത്. ഉണ്ണി മുകുന്ദന്റെ പിറന്നാൾ ദിനത്തിലായിരുന്നു ചിത്രത്തിൻറെ ടൈറ്റിൽ പുറത്തുവിട്ടത്. വിഷ്ണു അരവിന്ദ് ആണ് ചിത്രം സംവിധാനം ചെയ്യുന്നത്.
ALSO READ: Gandharva Jr. Movie: ഉണ്ണി മുകുന്ദൻ ഇനി ഗന്ധർവ്വനായി എത്തും; ഗന്ധർവ്വ ജൂനിയർ ഷൂട്ടിങ് ആരംഭിച്ചു
ലിറ്റിൽ ബിഗ് ഫിലിംസ്, ജെഎം ഇൻഫോടെയ്ൻമെന്റ് സംയുക്തമായാണ് ചിത്രം നിർമ്മിക്കുന്നത്. സുവിൻ കെ വർക്കി പ്രശോഭ് കൃഷ്ണ എന്നിവരാണ് ചിത്രത്തിൻറെ നിർമ്മാതാക്കൾ. പ്രവീൺ പ്രഭറാം, സുജിൻ സുജാതൻ എന്നിവരുടേതാണ് തിരക്കഥ. ചിത്രത്തിൻറെ ഛായാഗ്രഹണം നിർവഹിക്കുന്നത് ചന്ദ്രു സെൽവരാജാണ്. ചിത്രത്തിൻറെ സംഗീത സംവിധാനം നിർവഹിക്കുന്നത് ജേക്ക്സ് ബിജോയ് ആണ്.
എഡിറ്റർ: അപ്പു ഭട്ടതിരി & ക്രിസ്റ്റി സെബാസ്റ്റ്യൻ, പ്രൊഡക്ഷൻ കൺട്രോളർ: മനോജ് പൂംകുന്നം, സജീവ് ചന്ദ്രൂർ , എക്സിക്യൂട്ടീവ് പ്രൊഡ്യൂസർ: വിനീത് ജെ പുല്ലുടൻ, പ്രൊഡക്ഷൻ ഡിസൈനർ: വിനോദ് രവീന്ദ്രൻ , കലാസംവിധാനം: ഔസെഫ് ജോൺ , വസ്ത്രാലങ്കാരം: ഗായത്രി കിഷോർ , മേക്കപ്പ്: റോനെക്സ് സേവ്യർ, VFX: മൈൻഡ്‌സ്റ്റൈൻ സ്റ്റുഡിയോകൾ, ചീഫ് അസോസിയേറ്റ് ഡയറക്ടർ: അഖിൽ സി തിലകൻ , അസിസ്റ്റന്റ് ഡയറക്ടർമാർ: മനു പിള്ള, മുരളീകൃഷ്ണൻ, അരുൺലാൽ, അഖിൽ ചന്ദ്രൻ, കിരൺ ഉമ്മൻ രാജ് , സ്റ്റിൽ: ബിജിത്ത് ധർമ്മടം , പ്രമോഷൻ കൺസൾട്ടന്റ്: വിപിൻ കുമാർ, 10 ഗ്രാം മീഡിയ
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
